Pag‑unawa sa mga Paborito ng Bisita

Sa Airbnb, may mahigit walong milyong listing ng mga tuluyan sa iba’t ibang panig ng mundo. Pambihira ang bawat tuluyan, at ito ang dahilan kung bakit espesyal ang Airbnb. 

Isa sa pinakamagagandang paraan para makahanap ng magandang lugar na matutuluyan ang pagtukoy kung aling mga tuluyan ang pinakagusto ng mga bisita. Kaya namin ginawa ang mga Paborito ng bisita.

Koleksyon ng mga pinakagustong tuluyan sa Airbnb ayon sa mga bisita ang mga Paborito ng bisita. Batay ang mga ito sa mga rating, review, at datos sa pagkamaaasahan mula sa mahigit kalahating bilyong pamamalagi. Ina‑update araw‑araw ang mga Paborito ng Bisita kaya kung hindi man maisama roon ngayon ang listing mo, puwedeng malapit nang maisama iyon.

May iba’t ibang salik na nakakatulong para matukoy ang mga Paborito ng bisita, tulad ng:

• Kahit limang review man lang ng mga bisita sa nakalipas na apat na taon, kung saan may kahit isang review man lang sa nakalipas na dalawang taon
• Mga pangkalahatang star rating, feedback sa mga review ng bisita, at komunikasyon sa pagitan ng mga bisita at host sa platform
• Matataas na rating para sa pag‑check in, kalinisan, katumpakan, pakikipag‑ugnayan, lokasyon, at pagiging sulit
• Napatunayan nang maaasahan, tulad ng wala pang 1% average na pagkansela ng host at isyu sa customer service na nauugnay sa kalidad

Kung mayroon kang mahigit sa isang listing, hiwa‑hiwalay na isasaalang‑alang ang bawat isa kapag inaalam kung kwalipikado iyong mabigyan ng badge na Paborito ng bisita.

May mga Paborito ng bisita sa iba’t ibang panig ng mundo, at madaling mahanap ang mga iyon sa Airbnb. 

May badge sa mga resulta ng paghahanap at sa page ng listing ang mga tuluyang Paborito ng bisita. May filter na magagamit ang mga biyahero para maghanap ng mga Paborito ng bisita.

Mga host na may mahusay na performance ang mga Superhost na kinikilala dahil sa bukod‑tanging hospitalidad nila. Sinusuri kada tatlong buwan ang performance ng Superhost batay sa mga rekisitong ito. Makakakuha ng badge ng Superhost na itatampok sa listing at profile ang mga host na nakakatugon sa mga rekisito.

Kung Superhost kang may listing na kasama sa mga Paborito ng bisita, itatampok sa page ng listing mo ang parehong katayuan at lalabas sa mga resulta ng paghahanap ang listing mo nang may badge na Paborito ng bisita. Kung Superhost kang may listing na hindi pa kwalipikado para sa Paborito ng bisita, lalabas pa rin ang badge mo bilang Superhost.

Posibleng nagbago na ang impormasyong nakasaad sa artikulong ito mula noong na‑publish ito.