Napapadali ng mga upgrade na pangasiwaan ang kalendaryo mo sa mobile

Note ng editor: Na‑publish ang artikulong ito bilang bahagi ng Airbnb 2023 Release sa Mayo. Maaaring nagbago ang impormasyon mula noong na‑publish ito. Matuto pa tungkol sa pinakabago naming release ng produkto.

Isa sa mga pinakamadalas gamiting bahagi ng Airbnb app ang kalendaryo ng host. Sinabi mo sa aming masyadong matagal gawin ang mga simple lang dapat, gaya na lang na kailangang paisa‑isang i‑tap ang mga petsa para makapili ng ilang linggo.

Maglulunsad kami ng dalawang upgrade para mas madali mo nang mapangasiwaan ang kalendaryo mo sa mobile.

• Mag‑swipe para pumili ng mga petsa: Para pumili ng hanay ng petsa, huminto sa unang petsa saka mag‑swipe pahalang at pababa para idagdag ang iba pang petsa. Halimbawa, available pa rin ba ang susunod na linggo? Mababago mo ang nakatakdang presyo para sa mga petsang iyon nang hindi kailangang isara ang kalendaryo mo o lumipat ng screen.

• Taunang view: Simula sa Hunyo, masusuri mo na sa iisang screen ang availability mo para sa buong taon at ang presyo para sa bawat buwan. Piliin ang “Taon” sa drop‑down na menu sa itaas ng kalendaryo mo para sabay‑sabay na lumabas ang 12 buwan. Lalabas nang may mga kulay na ginagamit sa buwanang view ang mga petsang may mga reserbasyon sa kasalukuyan, sa hinaharap, at nakabinbin. Mag‑tap sa anumang buwan para i‑edit ang presyo kada gabi para sa buong buwan na iyon.

Pinagsama‑sama namin sa iisang lugar sa kalendaryo mo ang lahat ng tool para sa pagtatakda ng presyo. I‑tap lang ang icon ng mga setting sa kanang bahagi sa itaas ng screen. Puwede mo ring gamitin ang mga button na nasa ibaba ng presyo para ihambing ang average na presyo ng mga katulad na listing na na‑book sa malapit o malaman ang detalye ng babayaran ng bisita at kikitain mo.

Kasama ang mga update na ito sa Airbnb 2023 Release sa Mayo na may 25 upgrade para sa mga host. Sumali sa Maagang Access para magamit na ang mga bagong tool na ito.