Kontrolin kung kailan at paano ka magho-host

Puwede kang mag‑host nang full‑time, pana‑panahon, o habang bumibiyahe ka lang. Pinapadali ng Airbnb app na mapangasiwaan ang iskedyul mo sa pagho-host. Gamit ang mga built-in na tool, makokontrol mo ang availability, mga preperensya sa booking, at alituntunin sa tuluyan.

Gamitin ang kalendaryo mo para itakda at i-adjust ang availability mo. 

• Maglagay ng mga petsa. Gawing available ang kalendaryo mo para sa susunod na 3, 6, 9, 12, o 24 na buwan, o tukuyin kung sa aling mga petsa mo gustong mag‑host. Makikita mo sa mismong kalendaryo ang malalaking event at holiday.
• Tukuyin ang tagal ng paghahanda. Piliin kung gaano kaagang abiso ang kailangan mo bago dumating ang mga bisita. Payagan ang mga pag-book sa mismong araw, o magtakda ng 1, 2, 3, o 7 araw na abiso kung gusto mo pa ng oras.
• Magtakda ng mga tagal ng pamamalagi. Tukuyin ang minimum o maximum na bilang ng gabi na puwedeng mamalagi ang mga bisita. Halimbawa, puwede kang magtakda ng minimum na dalawang gabi.

Puwede mong iangkop ang kalendaryo mo sa ilang simpleng setting.

• Magdagdag ng maximum na bilang ng bisita. Tukuyin kung ilang bisita ang komportableng makakapamalagi sa tuluyan mo. 
• Piliin kung paano magbu-book ang mga bisita. Gamit ang Madaliang Pag-book, mabu-book kaagad ang mga available na petsa ng mga bisitang nakakatugon sa mga rekisito mo at sumasang-ayon sa mga alituntunin sa tuluyan. Kung mas gusto mong paisa‑isang suriin ang mga kahilingan, puwede mong i‑off ang Madaliang Pag‑book.
• Piliin ang oras ng pag-check in at pag-check out. Ikaw ang magdedesisyon kung gaano kaaga puwedeng dumating ang mga bisita at kung gaano sila katagal puwedeng manatili bago umalis. 

Beripikado dapat ang pagkakakilanlan ng lahat ng nagbu-book na bisita para magamit ang Airbnb. Puwede mong tingnan ang profile ng bawat bisita bago sila dumating.

Malalaman ng mga bisita sa mga alituntunin sa tuluyan kung ano ang inaasahan sa kanila bago sila mag-check in.

• Piliin ang mga alituntunin sa tuluyan. Pumili sa mga alituntunin kaugnay ng paninigarilyo, alagang hayop, event, oras na dapat tahimik na, maximum na bilang ng bisita, oras ng pag-check in at pag-check out, at commercial photography o pagkuha ng video. 
• Magdagdag pa ng alituntunin. Puwede kang magsulat ng kahilingan na partikular sa patuluyan mo, hangga't makatwiran ito at sumusunod sa mga patakaran ng Airbnb.

Kung lalabag sa mga alituntunin mo ang bisita, makipag-ugnayan sa Airbnb Support. Kapag malinaw ang mga alituntunin sa tuluyan at tama ang mga setting, kampante kang makakapag-host.

Posibleng nagbago na ang impormasyong nakasaad sa artikulong ito mula noong na-publish ito.