Mga bagong opsyon para sa mga payout ng co‑host at pagpapadala ng mensahe sa co‑host

Note ng editor: Na‑publish ang artikulong ito bilang bahagi ng Airbnb 2023 Release sa Nobyembre. Posibleng may nagbago nang impormasyon mula noong na‑publish ito. Matuto pa tungkol sa pinakabago naming release ng produkto.

Humiling ka ng mga paraan para maibahagi mo sa tagalinis o co‑host ang sinisingil mong bayarin sa paglilinis. Gusto mo ring makapagpadala ng mensahe sa mga co‑host mula mismo sa inbox mo sa Airbnb. Simula ngayon, magagawa mo na ang mga ito.

Ibahagi ang bayarin sa paglilinis
Kung naniningil ka ng bayarin sa paglilinis, puwede mo nang ibahagi iyon sa tagalinis o iba pang co‑host mo. Para magawa ito, idagdag muna bilang co‑host ang tagalinis mo o kung sinuman ang tatanggap.

Pumili ng opsyon sa payout
Makakapili ka na ng isa sa apat na opsyon sa payout:

• Ibahagi ang bayarin sa paglilinis
• Ibahagi ang bayarin sa paglilinis at porsyento ng halaga ng booking
• Magbahagi ng porsyento ng bawat payout
• Magbahagi ng fixed na halaga ng bawat payout

Tandaang kung magdaragdag ka ng maraming tagalinis bilang co‑host, isa lang ang makakatanggap ng sinisingil mong bayarin sa paglilinis. May ilang limitasyon sa pagbabahagi ng payout sa mga co‑host depende sa lokasyon mo, lokasyon ng co‑host mo, at kung nasaan ang patuluyan mo.

Direkta ka nang makakapagpadala ng mensahe sa co‑host mo mula sa inbox mo sa Airbnb. Mapapangasiwaan mo ang iyong listing at maisasaayos mo ang mga nalalapit na reserbasyon mula sa mismong lugar kung saan ka nagpapadala ng mensahe sa mga bisita.

Bahagi ng Airbnb 2023 Release sa Nobyembre ang mga tool para sa co‑host na ito. Sumali sa Maagang Access para magamit na ngayon pa lang ang mga bagong feature.