I‑list ang pangunahing tuluyan mo para sa FIFA World Cup 2026

Gaganapin sa Canada, Mexico, at US sa Hunyo ang pinakamalaking single-sport event sa kasaysayan. Magandang pagkakataon ang FIFA World Cup 2026 para subukang mag‑host sa pamamagitan ng pagli‑list ng pangunahing tuluyan mo.

Puwede kang kumita para makatulong sa mga regular na gastos, mapalaki ang ipon mo, o magbakasyon. Ialok ang buong lugar mo habang wala ka o magpatuloy sa ekstrang kuwarto habang naroon ka.

Narito ang dapat mong malaman tungkol sa pagho‑host sa panahon ng FIFA World Cup 2026.

Maraming bisita, lalo na ang mga galing sa ibang bansa, ang gustong magplano nang maaga para sa malalaking event. I-list na ang tuluyan mo para mas mabilis itong mahanap at ma-book ng mga bisita.

Mahigit 380,000 bisita ang inaasahang manunuluyan sa Airbnb para sa FIFA World Cup 2026. May mga nakaiskedyul na match sa 16 na lungsod sa buong North America, kaya puwedeng umabot ng hanggang USD210 milyon ang sama-samang kita ng mga host. 

Makakatanggap din ng reward na USD750 ang mga bagong host kapag nag-list sila ng buong tuluyan sa mga partikular na zone ng event at nakapag-host sila ng mga unang bisita. May mga nalalapat na tuntunin. 

Airbnb ang Opisyal na Matutuluyan ng Fan para sa FIFA World Cup 2026. May button na “Mag-book ng tuluyan” sa FIFA.com. Direkta nitong ihahatid ang mga fan sa mga resulta ng paghahanap ng mga tuluyan sa Airbnb sa mga lungsod kung saan may match. 

Maghahanap ang mga fan ng mga patuluyan sa Canada (Toronto at Vancouver), Mexico (Guadalajara, Lungsod ng Mexico, at Monterrey), at sa US (Atlanta, Boston, Dallas, Houston, Kansas City, Los Angeles, Miami, Lungsod ng New York/Jersey, Philadelphia, San Francisco Bay Area, at Seattle).

Maglalaban ang mga team na kumakatawan sa 48 bansa sa iba't ibang yugto mula Hunyo 11 hanggang Hulyo 19. Nakasaad sa buong iskedyul ang mga petsa at lokasyon ng mga match na malapit sa iyo.

Madali lang i‑list ang patuluyan mo at maghanda sa pagho‑host. Ganito iyon:

• Gumawa ng listing. May detalyadong gabay sa Airbnb Setup. Gagabayan ka nito sa paglalarawan ng patuluyan mo at pagpili ng mga litrato. Makakakuha ka rin ng mga tip at iniangkop na suporta mula sa bihasang host.
• Maghandang tumanggap ng mga bisita. Bigyan ang mga bisita ng mga bagong linen at tuwalya, mga pangunahing kailangan, at maaasahang Wi-Fi para maging komportable sila sa pamamalagi. Maging masinop sa paglilinis. Siguraduhing walang alikabok, dumi, at mantsa sa mga fixture at kagamitan.
• Maglinis. Masasalamin pa rin ng patuluyan mo ang estilo mo. Hindi mo kailangang itago na nakatira ka roon pero isaalang-alang ang mga pangangailangan ng mga bisita. Ilagay ang mga personal na gamit sa naka‑lock na aparador o kabinet, linisin ang kalat, at magbakante ng mga aparador, drawer, at refrigerator.

Dapat mong sundin ang mga panuntunan ng Airbnb, kabilang ang mga pamantayan namin sa pagho-host at ang mga batas at iba pang alituntunin na nalalapat sa sitwasyon at lokasyon mo.

Maraming lungsod ang may mga regulasyon sa mga panandaliang matutuluyan. Madaling magsimulang alamin kung ano ang pinapayagan sa lugar mo:

• Canada
• Mexico
• US

Kasama ng impormasyon tungkol sa mga lokal na regulasyon, makakahanap ka ng mga pangkalahatang detalye tungkol sa mga permit, buwis, at pagiging mabuti sa kapwa.

Makipag-ugnayan sa kasero at suriin ang lease mo kung interesado kang mag-host bilang nangungupahan.

Ayon sa survey ng FIFA sa mga fan na pumunta sa FIFA Club World Cup 2025, kasama sa mga nangungunang priyoridad sa pagbu-book ang presyo at lapit sa stadium.** Para matugunan ang mga katulad na pangangailangan ng bisita sa 2026, narito ang magagawa mo:

• Magtakda ng sulit na presyo. Puwede mong baguhin ang presyo anumang oras. Makakatulong ang mga tool sa kalendaryo sa pagho-host sa Airbnb para makahanap ka ng diskarteng naaangkop sa iyo. Makakatulong sa iyong maunawaan ang lokal na pagpepresyo kapag naghanap ka ng mga katulad na listing sa malapit na available kapag may match.
• Pumili ng flexible na patakaran sa pagkansela. Pipili ka ng karaniwang patakaran sa pagkansela para sa tuluyan mo at puwede kang magpatupad ng magkakaibang patakaran sa mga partikular na petsa. Makakahikayat ng mga booking ang pagpayag sa mga bisita na magkansela nang may buong refund kahit malapit na ang pag-check in.
• I-highlight ang lokasyon mo. Makikita ng mga bisita ang tinatayang lokasyon ng tuluyan mo sa mapa bago mag-book. Kung malapit ka sa stadium, makakaagaw ng pansin kung bibigyan mo ito ng diin sa pamagat o paglalarawan ng listing.
• Magdagdag ng mga amenidad sa listing. Ipaalam sa mga bisita kung may mga patok na amenidad ang tuluyan mo. Kasama rito ang sariling pag-check in, libreng paradahan, mabilis na Wi-Fi, TV, air conditioning, washing machine at dryer, at EV charger. 
• Isama ang mga accessibility feature. Madalas na naghahanap ng mga partikular na feature ang mga bisitang may mga pangangailangan para sa accessibility. Halimbawa nito ang daanang walang baitang. Kapag idinagdag mo sa listing ang mga ito, malalaman ng mga bisita kung naaangkop ito sa kanila. Magbahagi ng mga detalye tungkol sa tuluyan mo. Kung kwalipikado ang listing mo, makakatanggap ka ng iniangkop na suporta mula sa team ng accessibility ng Airbnb para i-highlight ang mga accessibility feature. Kasama rito ang libreng propesyonal na photo shoot. 

Maraming host ang nagli-list ng pangunahing tuluyan nila. Dito nagsimula ang Airbnb. Sa ilang lungsod, mga panandaliang pamamalagi lang ang pinapayagan sa sariling tirahan ng host. 

Subukan ang mga tip na ito sa pagtanggap ng mga bisita sa tuluyan mo.

• Magtakda ng mga alituntunin sa tuluyan. Kailangang sundin ng lahat ng bisita ang mga alituntunin sa tuluyan mo, kasama ang pagbabawal sa paninigarilyo o alagang hayop. Kung hindi, puwede silang alisin sa platform ng Airbnb.
• Magpasya kung sino ang unang makakapag-book. Mapipili ng mga bagong host ang uri ng bisita na una nilang tatanggapin: kahit sinong bisita sa Airbnb o bihasang bisita. Tatlong reserbasyon na o higit pa ang natapos ng bihasang bisita sa Airbnb at walang masamang review sa kanya.
• Kilalanin ang mga bisita mo. Kapag may nag-book sa iyo, makikita mo ang pangalan, rating at mga review, at iba pang impormasyon ng bisita. Siguraduhing sumunod sa Patakaran Laban sa Diskriminasyon ng Airbnb.
• Tandaang nagkakaroon minsan ng aksidente. Nagbibigay ang AirCover para sa mga host ng kumpletong proteksyon sa tuwing magpapatuloy ka ng bisita. Kasama rito ang pagberipika sa pagkakakilanlan ng bisita, pagsusuri sa reserbasyon, USD1 milyon na insurance sa pananagutan para sa host, at USD3 milyon na proteksyon sa pinsala para sa host. Matuto pa tungkol sa AirCover para sa mga host.

May iba't ibang sanggunian na makakatulong sa iyo. Ito ang puwedeng gawin para magsimula:

• I‑explore ang Resource Center. Alamin ang mga paraan para mas mapadali ang pagho‑host. Matuto pa tungkol sa pagpepresyo ng patuluyan mo, pagho-host bilang baguhan, at pagho-host ng kuwarto.
• Maghanap ng co-host. Magpatulong sa mahuhusay na lokal sa pamamagitan ng Network ng mga Co-host. Puwede kang magpaasikaso sa co-host ng mga partikular na gawain. Puwedeng kasama sa mga serbisyo niya ang pagtulong sa pag-aasikaso ng mga lisensya at permit sa pagho‑host, pag-set up ng listing, pagtatakda ng presyo at availability, at paglilinis at pagmementena.
• Sumali sa lokal na Host Club. Kumonekta sa iba pang host, magpalitan ng kaalaman, at manatiling updated sa mga eksklusibong event para sa mga host kaugnay ng tournament.

*Ayon sa isang pag-aaral ng Deloitte noong Mayo 2025 na kinomisyon ng Airbnb.

**Ayon sa survey sa 8,803 manonood ng FIFA Club World Cup 2025 noong Agosto 2025. 

Hindi saklaw ng Proteksyon sa pinsala para sa host at Insurance sa pananagutan para sa host ng AirCover para sa mga Host ang mga host na nag-aalok ng mga patuluyan sa Japan, kung saan nalalapat ang insurance sa host sa Japan, o mga host na nag-aalok ng patuluyan sa pamamagitan ng Airbnb Travel LLC. Nakasaad sa USD ang lahat ng limitasyon sa pagsaklaw.

Hindi insurance at hindi nauugnay sa insurance sa pananagutan para sa host ang proteksyon sa pinsala para sa host. Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa kontrata sa ilalim ng proteksyon sa pinsala para sa host. Hindi nauugnay ang proteksyon sa pinsala para sa host sa insurance sa pananagutan para sa host. May nalalapat na mga tuntunin, kondisyon, at limitasyon sa proteksyon sa pinsala para sa host.

Posibleng nagbago na ang impormasyong nakasaad sa artikulong ito mula noong na‑publish ito.