Paano tapusin ang listing ng iyong tuluyan
Maligayang pagbabalik! Sa hakbang na ito, puwede mong piliing tumapos ng listing na nasimulan mo na, gumawa ng bagong listing, o mag-duplicate ng ilang bahagi ng gawa nang listing.
1. Tapusin ang iyong listing
Nakalista rito ang anumang listing na nasimulan mo na—nasa pinakataas ang mga nauna mong ginawa. Kung lagpas tatlo ang nakabinbin mong listing, i-tap ang Ipakita lahat para ma-expand ang listahan. Kapag napili mo na ang listing na gusto mong gawin, babalik ka sa kung saan ka nahinto, at puwede mong muling suriin at i-edit ang anumang detalyeng inilagay mo.
2. Gumawa ng bagong listing
Para magsimula ng bagong listing, i-tap lang ang + at gagabayan ka namin sa mga hakbang.
3. Mag-duplicate ng gawa nang listing
Makakatipid ka ng oras sa paggawa ng bago kapag gumamit ka ng mga detalye mula sa gawa nang listing. Nababagay ito sa mga host na nagli-list ng magkakatulad na tuluyan, gaya ng maraming pribadong kuwarto sa iisang bahay. Puwede kang gumamit ng mga parehong litrato o magdagdag ng mga bago.
Sa kabuuan, puwede mong i-list ang iyong lugar gamit ang 10 pangunahing hakbang:
- Piliin kung anong uri ng tuluyan ang plano mong i-host
- Ilarawan pa ang uri ng property mo
- Linawin kung walang ibang makakasama ang mga bisita
- Ilagay ang iyong lokasyon
- Tukuyin kung gaano karaming bisita ang gusto mong patuluyin
- Ilista ang amenities ng iyong tuluyan
- Ilagay at isaayos ang iyong mga litrato
- Pangalanan ang iyong tuluyan
- Ilarawan ang iyong tuluyan
- Itakda ang iyong presyo kada gabi
Puwede ka pa ring gumawa ng mga pagbabago sa listing mo kahit na-publish na ito. Maaayos mo rin kung paano mo gustong mag-host—mula sa pag-update ng kalendaryo mo at pagsuri sa iyong patakaran sa pagkansela hanggang sa pagdagdag ng mga alituntunin sa tuluyan mo.