Paano gumawa ng nakakaengganyong pamagat

Pagkakataon ang pamagat para maibida kung ano ang maganda sa tuluyan mo. Pinakamainam ang maiikling pamagat. Hindi mo kailangang gamitin lahat ang 50 karakter.

Narito ang tatlong halimbawang pamagat para magkaroon ka ng inspirasyon:

• Retreat sa tabing‑dagat na may mga kayak
• Romantikong Victorian na guest room
• Eco‑friendly na studio na malapit sa LAX

Para makapagsulat ka, pag‑isipan kung ano ang nakakaengganyo at natatangi sa patuluyan mo. Hindi kailangang ikuwento ang lahat. Hikayatin lang ang mga bisita na kilalanin pa ang patuluyan.

Subukan ang mga tip na ito sa paggawa ng nakakaengganyong pamagat:

• Magsulat ng ilang salitang naglalarawan sa patuluyan mo gamit ang mga partikular na salita, tulad ng “tahimik,” “maliwanag,” at “gitna ng lungsod.” 
• Banggitin ang mga katangiang puwedeng makapukaw ng interes sa mga bisita, tulad ng lapit sa isang interesanteng lugar.
• Huwag isama ang mga detalyeng lumalabas na sa mga resulta ng paghahanap, tulad ng lungsod o bayan at kabuuang bilang ng higaan.
• Unang titik lang ng unang salita sa pamagat at sa anumang pangngalang pantangi ang isulat nang malaki.
• Iwasang gumamit ng emoji, simbolo, at espesyal na karakter.

Puwede mong palitan ang pamagat anumang oras. Sa katunayan, maraming host ang nag‑a‑update ng pamagat kapag nagdadagdag sila ng amenidad o kapag nalalaman nila kung ano ang pinakagusto ng mga unang bisita.