Pagtulong sa mga bisita ng Mga Kuwarto na bumiyaheng tulad ng mga lokal

Nagsimula ang Airbnb bilang abot‑kayang paraan para makapamalagi ang mga biyahero sa tuluyan ng ibang tao. Naging popular ang ideya dahil nagkakaroon ng tunay na ugnayan ang mga host at bisita sa isa't isa sa iba't ibang panig ng mundo.

Higit na tumitibay ang tradisyong ito sa pamamagitan ng Mga Kuwarto. Mas marami nang host kaysa dati ang tumutulong sa mga bisita na bumiyaheng tulad ng mga lokal. Ginagawa nila ito sa maraming paraan, sa pagbibigay man ng mga tip kung saan pupunta o pagiging bukas sa sopresang hatid ng hindi inaasahan.

Narito kung paano nakagawa ang tatlong host ng mga hindi malilimutang koneksyon.

Matutulungan mo ang mga bisita na mas makilala ang iyong lugar sa pamamagitan ng paggawa ng guidebook para sa iyong listing. Madaling paraan ito para magbahagi ng mga rekomendasyon sa mga bisita. Karaniwang nakakakuha ng mas maraming booking ang mga host na may mga guidebook.

Marami ding host ang nag‑aalok ng mga rekomendasyon nang personal. Iniimbita ni Reed, na nagho‑host ng Kuwarto sa Philadelphia kasama ng kanyang asawa, ang mga bisita na maghapunan kasama sila tuwing Linggo. Gumagawa siya ng stew at tinatanong sila kung ano ang gusto nilang gawin. Pagkatapos, nagbabahagi siya ng “mga nakakamanghang lugar na hindi tradisyonal,” tulad ng cafe sa malapit na may pader na puno ng libro.

Minsan, iniimbitahan ni Reed ang mga bisita na magsayaw, na isa sa mga paborito niyang libangan. “Pumunta kami sa isang Latin na lugar kasama ng ilang bisita para maiba naman,” sabi niya. Dagdag niya, “para na naming mga anak” ang ilang bisita.

Posibleng i‑book ng mga bisita ang iyong Kuwarto dahil nakakakonekta sila sa iyong Host Card. Nakakatulong ito sa mga bisita na maging komportableng mamalagi sa iyong tuluyan.

Ibinahagi ni Nicola, na nagho‑host ng Kuwarto sa Fitzroy, Australia, na pinapahalagahan niya ang mga bagong kultura at lutuin. Napag‑alaman niyang gusto ng ilang bisita na “mamalagi at maramdamang tila may tahanan sila rito.”

Kung minsan, inaalok niya ang mga bisita na magluto ng mga pagkain kasama niya at ng kapatid niyang lalaki na isang kilalang chef sa Melbourne. “Mayroon kaming pangkomersyal na kusina, kaya puwede silang gumawa ng pasta o panini bread,” sabi niya.

Naging komportable sa tuluyan ang isang grupo ng mga bisita, at nag-yoga sila sa sala ni Nicola. “Nakakatuwa na talagang nasiyahan sila sa lugar,” sabi niya. Dahil napansin niyang interesado sila sa pag‑eehersisyo, dinala sila ni Nicola sa isang parke sa malapit. Habang nasa parke, umakyat sila sa mga puno at nagkuwentuhan buong maghapon tungkol sa iba pang lugar na gusto nilang pasyalan.

Pag‑isipan kung paano mo gustong makisalamuha sa mga bisita, at ipaalam sa kanila kung ano ang gusto mo. Kung may interes kang makihalubilo, maaaring humantong sa mga makabuluhang koneksyon ang iyong pagiging bukas.

Ayon kay Garth, na nagho‑host ng Kuwarto sa Auckland, New Zealand, nagkakaroon siya ng pagkakataong makasalamuha ang mga tao mula sa ibang kultura nang hindi bumibiyahe sa pamamagitan ng mga bisita sa kanyang tuluyan. Sa isip niya, “Ilapit natin ang mga tao sa akin.”

Isa sa mga hindi malilimutang sandali ni Garth bilang host ang nangyari nang may mga bisitang dumating mula sa France. Tinanong siya ng ina kung puwede bang manood ang anak nito habang nagtatrabaho siya sa kanyang workshop sa garahe. “Sa palagay niya, nakakamangha ng ginagawa ko,” sabi ni Garth.

Kaya nag-isip si Garth ng proyektong puwede nilang gawin nang magkasama. “Gumawa kami ng isang maliit na bangka at pinintahan namin ito,” sabi niya. "Talagang nakakatuwa, dahil hindi siya nagsasalita ng English, pero may wikang nagbuklod sa amin."

Mas marami pang kuwento at tip sa pagho-host ang malalaman mo kapag sumali ka sa iyong lokal na Host Club. Pinapangasiwaan ang mga club na ito ng mga host para sa mga host, at nag‑aalok sila ng mga personal at virtual na pagtitipon, tuloy-tuloy na suporta, at mga update sa balita at produkto ng Airbnb.

Posibleng nagbago ang impormasyong nakasaad sa artikulong ito mula noong na‑publish ito.