Pagbabawas sa pagkalantad sa carbon monoxide sa patuluyan mo

Posibleng magdulot ng pagkalason at pagkamatay ang pagkalantad sa carbon monoxide (CO). Idinisenyo ang mga carbon monoxide alarm na alertuhan ka kapag maraming ganitong gas sa hangin.

Hinihikayat namin ang bawat host na intindihin ang panganib ng pagkalantad sa CO at magkabit ng mga alarm para mapanatiling ligtas ang mga bisita. Puwede kang humiling ng isang alarm mula sa Airbnb kung may aktibong listing ka.

Walang kulay at walang amoy na gas ang carbon monoxide. Maaaring makabuo ng CO ang mga kasangkapan sa bahay na gumagamit ng fuel tulad ng mga furnace, kalan, water heater, at portable na generator. Bumubuo rin nito ang pagsusunog ng uling at kahoy.

Kapag naipon sa loob ng tuluyan o iba pang kulob na lugar ang CO, nakakalason ito sa mga tao at alagang hayop na makakalanghap nito. Nakakamatay ang paglanghap ng maraming CO. Hindi parehong gas ang CO at carbon dioxide o CO₂, na ginagamit sa mga carbonated na inumin at fire extinguisher.

Hindi matutukoy ang carbon monoxide nang walang alarm. Kapag nagkabit ng isa o higit pang CO alarm, maaalertuhan ang mga bisita at iba pa, kasama ka na at ang pamilya mo, kung hindi ligtas ang dami ng CO sa hangin.

Hindi magagamit bilang carbon monoxide alarm ang karaniwang smoke alarm pero may mabibisang device na kumbinasyon ng mga ito. Basahin nang mabuti ang label ng manufacturer kapag pumili ka nito.

Maaaring may carbon monoxide sa patuluyan mo kung may mga ganitong feature o amenidad dito:

• Mga kasangkapan sa bahay na nagsusunog ng uling, gasolina, kerosene, methane, natural gas, langis, propane, o kahoy

• Nakadugtong na garahe, kahit puro de-kuryente ang mga kasangkapan sa patuluyan mo

• Generator na ginagamit malapit sa mga pinto o bintana

• Ihawang nagsusunog ng gas o uling malapit sa mga pinto o bintana

• Fireplace

Inirerekomenda ng mga eksperto tulad ng International Association of Fire Chiefs na magkabit ng carbon monoxide alarm sa bawat palapag ng patuluyan mo.

Inirerekomenda ng International Association of Fire Chiefs na isagawa ang mga karagdagang hakbang na ito para maiwasan ang pagkalantad sa carbon monoxide:

1. Subukin ang mga alarm kada buwan para kumpirmahing gumagana ang mga ito. Karaniwang kailangang palitan ang mga baterya kada isa, lima, o 10 taon. Suriin ang petsa ng pagmamanupaktura sa likod ng alarm at ang manwal ng device para sa patnubay.

2. Tiyaking naikabit ang mga kasangkapan mo ayon sa mga lokal na regulasyon at tagubilin ng nagmanupaktura ng mga ito. Mga propesyonal ang dapat magkabit ng karamihan sa mga kasangkapang nagsusunog ng fuel.

3. Regular na ipalinis at ipasuri ang kagamitang nagsusunog ng fuel. Kailangan ng regular na pagmementana ng mga furnace, kalan, dryer, at tsiminea o vent. Makakatulong ito para tiyaking gumagana nang maayos, may sapat na bentilasyon, at walang basag, kalawang, o bahid ang mga ito.

4. Regular na siyasatin ang mga tubo o daluyan ng hangin ng mga kasangkapan tulad ng mga water heater, kalan, at dryer ng damit para tiyaking bukas at malinis ang mga ito.

5. Buksan nang maigi ang damper o vent kapag gumagamit ng fireplace o iba pang heater na nagsusunog ng kahoy o pellet. Huwag itong isara hanggang sa tuluyang matupok ang apoy.

6. Mag‑iwan ng mga tagubilin para sa mga bisita. Maglagay ng detalyadong impormasyon sa manwal ng tuluyan mo tungkol sa ligtas na paggamit ng mga kasangkapan at iba pang amenidad sa patuluyan mo. Mag‑iwan ng naka‑print na kopya sa lugar na madaling matatagpuan ng mga bisita tulad ng countertop o mesa sa gitna ng patuluyan.

7. Bigyan ang mga bisita ng mga pang‑emergency na numero ng telepono para sa lokal na bumbero, pulisya, at malapit na ospital.

Kapag isinaad mong may mga carbon monoxide alarm ang patuluyan mo, maipaparating sa mga bisita na nagmamalasakit ka sa kanila. Magdagdag ng mga detalye tungkol sa mga alarm na ikinabit mo sa seksyon ng mga pangkaligtasang device ng listing mo. Isasaad ang impormasyong inilagay mo sa page ng listing mo at sa mga email na ipapadala sa mga bisita bago sila mag‑check in.

Puwede ring gumamit ng filter ang mga bisitang naghahanap sa Airbnb ng mga listing na may mga carbon monoxide alarm. Hindi lang magpapaigting sa kaligtasan ang pagkakabit ng mga CO alarm at pag‑update sa listing mo kundi makakahikayat ka rin ng mas maraming booking.

Mga pangkalahatang alituntuning pangkaligtasan ang tinatalakay ng artikulong ito at hindi ito komprehensibo. Isaalang‑alang ang mga partikular na katangian ng property mo at kumonsulta sa mga lokal na eksperto sa batas at sunog.

Posibleng nagbago ang impormasyong nakasaad sa artikulong ito mula noong na‑publish ito.