Buod at mga natutunan

Sa pamamagitan ng pagsusuri sa mga artikulo at video sa serye ng pagtuklas na ito, matutulungan mo ang iba bilang Superhost Ambassador. Narito ang buod ng tinalakay natin na may kasamang mga paalala sa mga dapat gawin para maitugma ka namin sa bagong host sa unang pagkakataon.

• Itutugma ka namin sa mga potensyal at bagong host batay sa wika, lokasyon, at uri ng tuluyan.
• Sasagutin mo ang kanilang mga tanong at magbabahagi ka ng mga tip at sanggunian ng Airbnb.
• Makakatanggap ka ng reward sa tuwing matatapos ng bagong host na tinulungan mo ang una niyang reserbasyon.

• Sa dashboard mo papangasiwaan ang mga pakikipag-ugnayan sa mga bagong host.
• Makakatulong sa iyo ang mga filter na ayusin ang iyong inbox at igrupo ang mga host ayon sa kanilang progreso.
• Puwede mong gawing “Online ngayon” ang iyong availability para isaad na maaari kang makausap nang live. Puwede mo ring ihinto ang pagtutugma sa mga bagong host kapag naabot na ang bilang ng mga taong kaya mong tulungan nang sabay-sabay.
• I-play ang video na ito para sa detalyadong pagpapakilala sa dashboard ng Superhost Ambassador

• Lalabas sa iyong dashboard ang mga bagong naitugma sa iyo.
• I-tap ang litrato sa profile ng isang tao para malaman ang kanyang mga detalye at makipag-ugnayan sa kanya.
• Mapapadali ang pakikipag-ugnayan sa simula kapag gumawa ka ng mga nakaiskedyul na mensahe pero mainam na iangkop ang mga iyon.
• Puwede kang magtakda ng tawag sa Zoom gamit ang mga tool sa pagpapadala ng mensahe sa iyong inbox
• Subaybayan ang progreso ng mga bagong host sa iyong dashboard at mag-alok ng tulong kung kinakailangan.

• Matutuwa ang mga bagong host na makatanggap ng mensahe mula sa iyo sa loob ng 24 na oras.
• Kung pipiliin mo ang setting na “Online ngayon,” isasaad mo na puwede kang makipag-chat nang live kaya maghanda kang makipag-ugnayan.
• Malaki ang maitutulong ng maagap na pagbabahagi ng mga bagay na maganda sanang nalaman mo noong nagsisimula ka pa lang mag-host.
• Maaaring maging maayos ang mga pag-uusap kapag magiliw ang tono ng iyong mga mensahe.
• Mapapatatag ang pagtitiwala ng iba kapag isinaalang-alang mo ang inyong mga pagkakaiba habang inaalam mo ang inyong mga pagkakatulad.
• Malalaman mo kung paano pinakamahusay na matutulungan ang bawat tao sa pamamagitan ng pagtatanong tungkol sa kanilang mga pangangailangan at target sa pagho-host.
• Mag-isip ng iba't ibang paraan para tugunan ang mga alalahanin at tumulong na alisin ang mga balakid batay sa sarili mong mga karanasan.
• Puwede kang magbigay ng mga suhestyon batay sa iyong karanasan.
• Huwag mag-atubiling mag-alok na suriin ang mga bagong listing bago i-publish ang mga iyon.

• Mga artikulo sa Resource Center
• Mga patakaran sa Help Center
• Mga tagubilin sa responsableng pagho-host
• Mga proteksyon ng AirCover para sa mga Host
• Panghanap ng mga lokal na Host Club
• 24/7 na priyoridad na suporta para sa mga Superhost

Tandaang suriin ang mga sumusunod na aksyon na puwede mong gawin:

• Ilagay sa iyong Airbnb profile ang mga wikang sinasalita mo
• Gumawa at mag-upload ng video ng pagpapakilala mo
• Suriin ang mga tuntunin at kondisyon ng programa
• Sumali sa isang Grupo sa Pagtuklas para magpraktis kasama ng iba pang Superhost

Tapos na. Ganap ka nang Superhost Ambassador. Congratulations at natapos mo na ang serye ng pagtuklas na ito. Ikinagagalak ka naming makasama sa programa! Kung may anumang tanong o alalahanin ka, huwag mag-atubiling makipag-ugnayan sa iyong tagapangasiwa ng komunidad o sa ambassadors@airbnb.com.

Posibleng nagbago ang impormasyong nakasaad sa artikulong ito mula noong na-publish ito.