Mas marami pa ang handog ng Airbnb ngayon

Noong nakaraang taon, hindi na lang mga tuluyan ang mayroon sa Airbnb noong inilunsad ang mga experience at serbisyo sa Airbnb. Sa kauna-unahang pagkakataon, makakapag-book na ang mga bisita ng matutuluyan, makakalibot sa lungsod kasama ang isang lokal, at makakakain na ng luto ng pribadong chef, lahat sa Airbnb. Mula noon, milyon-milyon nang tao sa mundo ang ganoon mismo ang ginawa.

Ngayong tag-init, dadagdagan pa namin ito. Magdadagdag kami ng mga bagong kategorya ng serbisyo para mapadali ang bawat bahagi ng biyahe. Magdadagdag din kami ng mga bagong experience na makikita lang sa Airbnb. Kabilang dito ang eksklusibong access sa FIFA World Cup 2026. Magdadagdag din kami ng mga boutique at nagsasariling hotel sa Airbnb. At ia-upgrade namin ang app gamit ang mga tool na pinapagana ng AI para matulungan ang mga bisita na mahanap ang matutuluyan na pinakaangkop sa kanila, magplano ng biyahe, at makahingi ng tulong kapag kailangan nila.

“Hindi lang dapat madali ang biyahe. Makabuluhan dapat ito. Maganda ang biyahe kapag may natutuklasan at natututunan ka, at kapag uuwi ka nang may pagbabago. Iyon ang binubuo namin sa Airbnb. At ngayong tag-init, bibigyan namin ang mga tao ng higit pang paraan para magawa ito. Mula sa magagandang lugar na matutuluyan at boutique hotel na parang Airbnb hanggang sa mga di-malilimutang experience at serbisyo sa World Cup na magpapadali sa biyahe mo,” sabi ni Brian Chesky, co-founder at CEO ng Airbnb.

Pagkabukas ng mga bisita ng app, makikita nila ang lahat sa pinagandang homepage. Mas pinadali rin naming makatuklas ng magagandang listing at magplano ng biyahe kasama ang mga kaibigan at kapamilya.  

• Mga highlight ng review hatid ng AI – Mahigit 1 bilyon ang review sa mga bisita at host ng Airbnb. Hindi kailangang basahin ng mga bisita ang lahat ng iyon bago mag-book. Binubuod ng mga modelo namin ang mga review para sa bawat listing at itinatampok nito ang mga bagay na pinakamahalaga sa kanila. Kabilang dito ang lokasyon, amenidad, ingay, pagiging angkop sa pamilya, at higit pa.
• Paghahambing na hatid ng AI – Kapag nag-save ng mga tuluyan sa wishlist ang mga bisita, tutulungan namin silang piliin ang naaangkop sa biyahe nila. Hatid ng bagong view para sa paghahambing ang buod na binuo ng AI para sa bawat tuluyan. May konteksto ito tungkol sa lokasyon, pinakamagagandang amenidad, at higit pa. Available sa huling bahagi ng taon na ito.
• Pinaghahatiang itineraryo – Pinapadali namin ang pagpaplano ng biyahe kasama ng grupo. Makikita sa bagong mapa sa tab na Mga Biyahe ang mga pinareserbang tuluyan ng mga bisita kasama ang malalapit na restaurant, experience, at aktibidad. Nakasaad din ang tagal ng biyahe mula sa patuluyan nila. Puwede nilang i-save ang mga lugar na gusto nilang puntahan, o direktang idagdag ang mga ito sa pinaghahatiang itineraryo para magkakasamang makapagplano ang lahat.
• Mga kakilala at mapa ng biyahe – Mula sa mga taong pinagkakatiwalaan mo ang pinakamagagandang rekomendasyon sa biyahe. Puwedeng idagdag bilang kakilala ng mga bisita ang mga kaibigan at kapamilya. Pagkatapos, magagamit ang bagong mapa ng biyahe para makita kung saan na sila nakapunta sa Airbnb at kung saan sila susunod na pupunta. Kapag nag-tap ng biyahe, makikita kung ano ang na-book nila at ang mga review na ibinigay nila. Puwede rin silang direktang magpadala ng mensahe sa mga kakilala para humingi ng tip. Available ngayong tag-init.
• Customer support na hatid ng AI, available saanman sa mundo – Kung kailangan ng tulong ng mga bisita, pinakamataas ang rating ng AI assistant namin pagdating sa suporta sa biyahe.¹ Alam ng assistant, na magagamit na sa 11 wika, ang mga detalye ng biyahe nila. Kabilang dito ang mga interactive na card na magagamit ng mga bisita para lumutas ng mga isyu sa chat mismo.² Kalaunan sa taon na ito, magagamit na rin sa AI assistant ang boses para mabilis na masagot ang mga bisita kapag tumawag sila.

Tampok na sa mas marami pang lugar sa Airbnb ang mga experience at serbisyo. Subukan ang mga tip na ito para lumabas ang listing mo sa pinagandang homepage at tab na Mga Biyahe. 

• Mga detalye ng listing – Siguraduhing kumpleto ang listing mo at sapat ang bilang ng magagandang litrato para maipakita kung ano ang mayroon dito.  
• Kalendaryo – Gawing available ang lahat ng petsa at oras kung kailan ka makakapag-host, hanggang sa pinakamalayong petsang posible.
• Presyo – Pag-isipang idagdag ang lahat ng diskuwentong maidaragdag mo. Matutulungan ka nitong gawing sulit ang alok mo.

Nagsisimula ang magandang pamamalagi bago pa man mag-check in ang mga bisita. Ito ang dahilan kung bakit nagdadagdag kami ng mga serbisyo para sa bawat bahagi ng biyahe mula pagdating hanggang pag-alis. Simula pa lang ito ng mga bagong serbisyo na mabu-book ng mga bisita sa Airbnb ngayong taon. 

• Delivery ng grocery – Makaka-order ng grocery ang mga bisita mula sa Instacart gamit ang Airbnb sa mahigit 25 lungsod sa US. Puwedeng ipahatid ang mga item pagkatapos mag-check in o sa panahon ng pamamalagi. Sa ilang lokasyon, puwede mo ring tanggapin ang order ng bisita at lagyan ng stock ang kusina bago sila mag‑check in. USD0 ang delivery para sa mga bisita ng Airbnb. May USD10 silang diskuwento sa order na nagkakahalaga ng USD50 o higit pa.³
• Pagsundo sa paliparan – Makakapag-book ng pribadong sundong sasakyan ang mga bisita papunta at paalis sa tuluyan gamit ang Welcome Pickups. Susubaybayan ng driver ang flight at sasalubungin sila sa sakayan pagdating nila. Makakadiskuwento nang 20% ang mga bisita ng Airbnb sa bawat pagsakay.⁴ Available na sa mahigit 160 lungsod sa iba't ibang panig ng mundo.
• Storage ng bagahe – Maitatabi ng mga bisita ang bagahe nila bago mag-check in o pagkatapos mag-check out sa tulong ng partner namin na Bounce. Puwede nilang tingnan sa app ang malalapit na lokasyong mapag-iiwanan ng bagahe. Makikita rin nila ang eksaktong layo sa tuluyan mo. Makakadiskuwento nang 15%⁵ ang mga bisita ng Airbnb at mahigit 15,000 lokasyon sa 175 lungsod ang mapupuntahan nila.
• Magagamit na sasakyan – Halos isa sa apat na bisita ng Airbnb ang umaarkila ng sasakyan.⁶ Simula ngayong tag-init, makakahanap na sila ng magagamit na sasakyan sa mismong app. Magpapakita kami ng mga sasakyan malapit sa tuluyan mo. Imumungkahi namin ang sasakyang angkop para sa grupo nila. Sa unang sasakyang rerentahan nila sa Airbnb, 20% credit ang maibabalik sa kanila para sa susunod na pamamalagi, experience, o mga piling serbisyo.

Gustung‑gusto ng mga bisita ang mga experience sa Airbnb. 4.93 sa 5 star ang average na ibinibigay nilang rating dito.⁷ Ngayong tag-init, libo-libo pang experience na pinapangunahan ng mga lokal na eksperto ang idaragdag namin sa mga kategoryang pinakagusto ng mga biyahero: mga tanyag na pook, kultura ng pagkain, at mga event.

• Mga tanyag na pook sa Airbnb – Mahigit 75% ng mga biyahero ang pumupunta sa tanyag na pook kapag bumibiyahe sa bagong lungsod.⁸ Makikita na nila ang mga pinakasikat na lugar sa mundo kasama ang mga lokal na ekspertong alam ang mga pasikut-sikot ng mga ito. Mahigit 3,000 na ang mga experience sa tanyag na pook, mula Tower of London hanggang sa Tokyo Skytree at Taj Mahal. 
• Kultura ng pagkain – Mahigit 2,500 experience ang iniaalok namin kung saan mas makikilala ang mga chef, pamilihan, at kultura ng pagkain na bumubuo sa isang lugar. Makakasama ng mga bisita sa experience ng 6-course na pagpapares ng pagkain at wine si Chef Gianfranco Pascucci ng Michelin-starred na Pascucci al Porticciolo sa Rome. Puwede rin silang maghalo ng mga cocktail sa Paris sa De Vie, isa sa pinakamahuhusay na bar sa mundo. Gagawin ito sa pakikipagtulungan sa Chef’s Table at Grand Central Market.
• FIFA World Cup 2026 – Alok namin ang mga pambihirang experience sa FIFA World Cup sa anim na host na lungsod. Samahan ang mga World Cup Champion na sina Abby Wambach at Julie Foudy sa pribadong watch party sa Los Angeles para panoorin ang laban ng USA at Australia. O kaya mag-train kasama ang Argentine football icon at dating manager ng Inter Miami na si Javier Mascherano.

Kung magpapalipas lang ng gabi sa lungsod o pahabol na business trip, posibleng hotel ang pinakaangkop. Dahil dito, magdaragdag pa kami ng boutique at nagsasariling hotel sa Airbnb ngayong tag-init.

Makakahanap ang mga bisita ng magagandang hotel sa 20 nangungunang destinasyon sa buong mundo. Kabilang dito ang New York, Paris, London, Madrid, Rome, at Singapore. Dadami pa ang mga lungsod sa paglipas ng taon. Pinipili ang bawat hotel ayon sa lokasyon ng kapitbahayan, disenyo, at hospitalidad.

• Mga hotel na parang Airbnb – Makakatuklas at makakapag-book ang mga bisita ng mga hotel sa ilan sa pinakamagagandang kapitbahayan sa mundo. Pinipili ng Airbnb ang bawat property. Walang malalaking chain. 
• Mag-book ng hotel, makakuha ng credit sa Airbnb – Makakatanggap ng hanggang 15% credit ang mga bisitang magbu-book ng tampok na hotel. Magagamit ito sa susunod nilang tuluyan sa Airbnb.⁹ Available ito ngayon sa mga pangunahing lungsod sa buong mundo. Dadami pa ang mga lungsod sa nalalapit na panahon.
• Garantiya sa pagtutugma ng presyo – Kung makakahanap ng mas mababang presyo ang mga bisita para sa parehong hotel sa ibang lugar, ibibigay namin ang pagkakaiba s presyo bilang credit sa Airbnb.¹⁰

Available na sa mga piling bansa sa iba't ibang panig ng mundo ang mga bagong boutique hotel, serbisyo, at experience. Ilulunsad ngayong tag-init ang mga rental ng sasakyan at karagdagang feature ng app.

¹ Batay sa benchmarking na isinagawa ng nangungunang third-party na consulting firm noong Marso hanggang Abril 2026. Pinaghambing nila ang mga AI na customer support assistant sa anim na nangungunang platform sa pagbiyahe sa US. Tinasa sa pagsusuri ang kalidad ng suporta, paglutas sa isyu, pagtapos ng gawain, at pangkalahatang karanasan sa pakikipag-usap.

² Hindi available sa mainland China ang feature na ito.

³ Sa mga piling lungsod lang sa US available ang alok; limitado ang panahon ng alok na ito sa mga kwalipikadong order; hangga't may supply pa hanggang Hunyo 30, 2026. May mga nalalapat na tuntunin at bayarin.

⁴ Available sa mga piling lungsod ang alok. Hindi kasama ang mga buwis at bayarin. May mga nalalapat na tuntunin.

⁵ Available sa mga piling lungsod ang alok. Hindi kasama ang mga buwis at bayarin.

⁶ Batay sa datos ng survey ng Airbnb noong Abril 25–30, 2024. 2,752 ang sumagot sa survey sa US, Canada, UK, at Australia.

⁷ Batay sa internal na pandaigdigang datos ng Airbnb mula Mayo 13, 2025 hanggang Marso 31, 2026.

⁸ Batay sa survey noong Q4 2024 sa mga biyahero sa US, Canada, UK, France, Germany, Italy, Spain, Brazil, Mexico, Australia, Japan, South Korea, at India.

⁹ Magagamit hanggang Disyembre 31, 2026 ang 15% credit na alok sa mga kwalipikadong hotel. Hindi kasama sa pagkalkula ng credit ang mga bayarin at buwis. Magagamit ang credit sa loob ng isang taon. USD2,000 o katumbas nito sa lokal na currency ang maximum na credit. May mga nalalapat na tuntunin at pagbubukod.

¹⁰ Nalalapat lang sa mga piling hotel. Dapat ipadala ang kahilingan sa loob ng 24 na oras pagkatapos mag-book. USD400 o katumbas nito sa lokal na currency ang maximum na credit. Hindi kasama ang mga bayarin at buwis sa pagkalkula ng pagkakaiba sa presyo. Magagamit ang credit sa loob ng isang taon. May mga nalalapat na tuntunin at pagbubukod.

Mga forward-looking statement

Naglalaman ng mga forward-looking statement ang artikulong ito alinsunod sa kahulugan ng mga probisyon ng “safe harbor” ng Private Securities Litigation Reform Act of 1995. Maituturing na forward-looking ang lahat ng pahayag sa artikulong ito maliban sa mga impormasyon sa nakaraang pangyayari. Kabilang dito ang, pero hindi ito limitado sa, mga pahayag hinggil sa availability, timing, at heograpikong saklaw ng aming mga alok na produkto, serbisyo, experience, at hotel; paggamit, kakayahan, at performance ng AI namin; mga partnership namin sa third-party; at aming mga alok, presyo at nauugnay sa tuntunin sa promo.

Kasama sa mga forward-looking statement ang mga natukoy at hindi pa natutukoy na panganib, kawalan ng kasiguruhan, pagpapalagay, at iba pang salik na posibleng maging sanhi para mag-iba nang husto ang mga aktuwal na resulta sa mga layuning inihayag o ipinahiwatig sa artikulong ito, kabilang ang mga pagbabago sa mga tuntunin o availability ng mga partner na serbisyo, kakayahan naming gumamit at mag-deploy ng mga teknolohiya ng AI, at kakayahan naming maglunsad ng mga bagong produkto, serbisyo, experience, at feature sa mga inaasahang timeline. Kasama sa iba pang mahalagang salik ang, pero hindi ito nalilimitahan sa, mga pagbabago sa mga kondisyong pampulitika, pangnegosyo, at pang-ekonomiya, kabilang ang mga kondisyong resulta ng mga geopolitical na hidwaan; pati iba pang panganib na inilalarawan sa mga inihain namin sa Securities and Exchange Commission, na available din sa website namin.

Simula lang sa petsa ng artikulong ito ang pinapatungkulan ng lahat ng forward-looking statement. Batay ang mga ito sa impormasyong mayroon kami noong petsang iyon. Hayagan naming itinatatuwa ang anumang obligasyong i-update o baguhin ang anumang impormasyong nilalaman ng artikulong ito, maliban kung iniaatas ng batas.

Posibleng nagbago na ang impormasyong nakasaad sa artikulong ito mula noong na-publish ito.