Mga bagong tool sa pagho‑host para mapalago ang negosyo mo

Inayos namin ang app para maisama ang lahat ng kailangan mo para pangasiwaan ang patuluyan mo. Mas madali na ngayong subaybayan ang mga booking at mag‑update ng availability at presyo.

Nakaayos sa limang tab na ito ang lahat ng tool kapag naka‑log in ka bilang host.

Ang bagong tab na Ngayong Araw ang bubungad sa iyo pagkabukas mo ng app. Mabilis mong masisilip ang mga detalye ng reserbasyon para makatulong sa pagpaplano ng araw mo at pagbibigay ng natatanging hospitalidad.

• Magpalipat‑lipat sa view ng mga kasalukuyan at nalalapit na reserbasyon para malaman kung sino ang iho‑host mo at kung kailan iyon.
• Maglagay ng mga note para sa sarili mo sa mga reserbasyon, tulad ng mga paalala tungkol sa mga espesyal na okasyon o kahilingan.
• Makakuha ng mga tip sa dapat gawin para sa bawat reserbasyon, tulad ng pangungumusta sa mga bisita o pagbabasa ng review.

Sa pinaganda pang Kalendaryo, mas madali mo nang masusuri at mababago ang availability at presyo.

• Dagdagan ang mga petsang puwedeng i‑book ng mga bisita at i‑block ang mga gabing hindi ka makakapag‑host.
• Isaayos sa kalendaryo mo mismo ang mga setting ng availability at presyo, tulad ng minimum na bilang ng gabi at mga diskuwento.
• Alamin ang mga bagong tip sa presyo kada gabi na mga iniangkop na rekomendasyon batay sa mga salik na tulad ng lokasyon at mga amenidad ng listing mo, mga dating booking, at mga pinakahuling presyo sa lugar ninyo.

Sa tab na Mga Listing, marami pang paraan para pangasiwaan ang mga detalye ng listing mo. Gamitin ang mga tool na ito para mabigyan ang mga bisita ng pinakatumpak at pinakakumpletong ideya sa patuluyan mo.

• Maglagay sa listing mo ng magagandang litrato na pantawag ng pansin at detalyadong gabay sa pagdating.
• Idagdag ang lahat ng amenidad na iniaalok mo, kabilang ang mga accessibility feature, para makahikayat ng mga nagbu‑book.
• Tingnan ang listing mo para makita kung paano ito makikita ng mga bisita.

Tinutulungan ka ng tab na Mga Mensahe na makipag‑ugnayan sa mga bisita bago, habang, at pagkatapos ng pamamalagi nila.

• Gamitin ang bagong pang‑edit ng mga mabilisang tugon para mag‑angkop ng mga sagot sa mga madalas itanong at mag‑iskedyul ng mga mensaheng ipapadala sa mahahalagang sandali.
• Magbahagi ng mga litrato para magpakilala at magtampok ng mahahalagang detalye.
• Mas kapansin‑pansin na ang mga kahilingan sa pagpapareserba, pati ang mga detalyeng tulad ng petsa ng biyahe at bilang ng bisita.

Sa Menu, maa‑access mo ang kita, mga insight, at iba pang setting. Makakakuha ka ng mga iniangkop na tip at higit pang sanggunian para makatulong na mapalago ang negosyong pagho‑host mo.

• Alamin ang kinita mo at gumawa ng mga iniangkop na ulat sa dashboard ng kita.
• Suriin ang mga rating at review mula sa mga bisita sa seksyon ng mga insight.
• Pangasiwaan ang mga setting ng account mo at makahanap ng mga sanggunian sa pagho‑host.

Sumali na sa Maagang Access para magamit mo na ang mga bagong tool sa pagho‑host.

Posibleng nagbago na ang impormasyong nakasaad sa artikulong ito mula noong na‑publish ito.