Pagpapatuloy sa panahon ng krisis sa Airbnb.org
Nagbibigay-inspirasyon sa amin araw-araw ang kakayahan mo bilang host na maipadama sa mga tao na tanggap sila sa patuluyan mo. Sinusuportahan ng komunidad ng mga host namin ang Airbnb.org, ang nonprofit na itinatag noong 2020 para ipagpatuloy ang nasimulan sa mga programang Open Homes at Mga Matutuluyan para sa mga Frontliner.
Mula 2020, nakapagpatuloy na ang mga host ng mahigit 220,000 katao, kabilang ang mga refugee, asylum seeker, relief worker, at mga nakaligtas sa matitinding sakuna sa iba't ibang panig ng mundo.
Nagiging posible ang gawain ng Airbnb.org dahil sa kabutihan ng mga host na nagkakaloob ng mga matutuluyan. Pinopondohan din ito ng mga donasyon para masuportahan ang mga taong nangangailangan.
Pagkuha ng badge ng Tagasuporta ng Airbnb.org
Kinikilala namin ang kabutihan ng komunidad ng mga host sa pamamagitan ng pag-aalok ng badge ng Tagasuporta ng Airbnb.org. Magagawa ng mga host na suportahan ang Airbnb.org at makakuha ng badge sa pamamagitan ng:
Pag-sign up para mag-host ng mga pang-emergency na matutuluyan nang may diskuwento
Pagbibigay ng umuulit na donasyon
Pagho-host ng mga pang-emergency na matutuluyan
Kinikilala ng badge ng Tagasuporta ng Airbnb.org ang mga host na may kahit man lang isang aktibong listing sa Airbnb.org na nag-aalok ng mga may diskuwentong pang-emergency na matutuluyan. Sa pamamagitan ng mga may diskuwentong tuluyan, nakakatipid at nakakatulong sa mas maraming tao nang mas matagal ang mga partner at bisita ng Airbnb.org.
Pagbibigay ng umuulit na donasyon
Puwede mo ring makuha ang badge ng Tagasuporta ng Airbnb.org kapag nag-sign up ka para tuloy-tuloy na magbigay ng porsyento ng mga payout mo bilang donasyon sa Airbnb.org. Kung mas gusto mo, puwede ka ring gumawa ng minsanang donasyon nang walang makukuhang badge.
Matuto pa tungkol sa pagbibigay ng donasyon mula sa payout mo
Pagkuha ng sagot sa mga tanong mo
Ano ang kaugnayan ng Airbnb.org sa Open Homes at Mga Matutuluyan para sa mga Frontliner?
Noong 2020, naging Airbnb.org, isang 501(c)(3) na nonprofit, ang mga programang Open Homes at Mga Matutuluyan para sa mga Frontliner ng Airbnb. Bagama't miyembro rin ng komunidad ng Airbnb ang mga miyembro ng Airbnb.org, independiyenteng organisasyon ang nonprofit at mayroon itong sariling lupon ng mga direktor.
Saan lumalabas ang badge ng tagasuporta ng Airbnb.org?
Lalabas ang badge na ito sa profile mo bilang host. Kung gusto mong itago ang badge mo, makipag-ugnayan sa team ng suporta namin.
Nakakaapekto ba ang badge sa listing ko sa paghahanap?
Kinikilala ng badge ang bukas-palad mong suporta sa Airbnb.org. Hindi ito nakakaapekto sa paglabas ng mga listing sa mga resulta ng paghahanap sa Airbnb. Hindi mafi-filter ng mga bisita ang mga paghahanap batay sa mga badge ng Airbnb.org sa ngayon.
Nakakaapekto ba ang badge sa badge o katayuan ko bilang Superhost?
Hindi naaapektuhan ng badge ng tagasuporta ng Airbnb.org ang badge o katayuan mo bilang Superhost. Lalabas ang badge sa tabi ng badge mo bilang Superhost.
Mawawala ba ang badge ng Tagasuporta ng Airbnb.org kung mag-o-opt out ako sa pagho-host o pagbibigay ng donasyon sa Airbnb.org?
Oo, pero lalabas ulit ang badge kung magsa‑sign up ka para mag‑host ng mga pang‑emergency na matutuluyan nang may diskuwento o muli kang magbibigay ng umuulit na donasyon. Puwede mong alisin ang mga diskuwento mo o pansamantalang ihinto o itigil ang umuulit na donasyon mo anumang oras.
Paano nakakatulong ang Airbnb?
Nangako ang Airbnb na popondohan nito ang mga gastos sa pagpapatakbo ng Airbnb.org, kaya mapupunta ang lahat ng donasyon sa pagtulong sa mga taong pinaglilingkuran ng Airbnb.org.