Ang mga inayos na tool para sa pagtatakda ng presyo, nasa kalendaryo mo na sa Airbnb

Mas madali mong mapapangasiwaan ang mga nakatakdang presyo sa pamamagitan ng mga in‑update na detalye ng presyo at diskuwento.
Ni Airbnb noong Ene 17, 2024
3 minutong pagbabasa
Na-update noong May 25, 2023

Note ng editor: Na‑publish ang artikulong ito bilang bahagi ng Airbnb 2023 Release sa Mayo. Maaaring nagbago ang impormasyon mula noong na‑publish ito. Matuto pa tungkol sa pinakabago naming release ng produkto.

Feedback mula sa mga host ang naging inspirasyon namin para pagsama‑samahin sa kalendaryo ang lahat ng tool para sa pagtatakda ng presyo. Puwede mong isaayos ang mga nakatakdang presyo, baguhin ang availability mo, at suriin ang anumang itinakda mong diskuwento o promo sa iisang lugar.

Anumang tool ang ginagamit mo para mapangasiwaan ang mga presyo, malalaman mo kung magkano ang babayaran ng bisita at kikitain mo. Mas pinadali na rin namin ang pagtatakda ng mga diskuwento. Igalaw lang ang slider at malalapat na sa average na lingguhan o buwanang presyo ang halaga ng diskuwento mo.

Mga na‑update na detalye ng presyo

Bilang host, ikaw ang bahalang magtakda sa presyong sisingilin mo. Mainam na malaman kung paano lumalabas ang presyo sa paghahanap ng mga bisita dahil hindi lang ang nakatakdang presyo kada gabi ang babayaran ng bisita.

Kasama sa kabuuang presyong babayaran ng bisita ang lahat ng bayarin bago dagdagan ng buwis maliban sa mga rehiyon kung saan iniaatas ng mga lokal na alituntunin ang pagsasama sa mga buwis. Kapag alam mo ang kabuuang presyo, maaari kang makapag‑alok ng sulit na presyo at puwede mong mas madaling maabot ang target na kita mo.

Sa mga darating na linggo, maglulunsad kami ng na‑update na tool ng detalye ng presyo. Pumili lang ng kahit ilang gabi sa kalendaryo mo para malaman ang mga detalye ng kabuuang presyong babayaran ng bisita para sa mga petsang iyon. Nakasaad sa detalye ng presyo ang presyo kada gabi, mga bayarin, anumang diskuwento o promo, mga buwis, at mga kikitain mo.

Pumili ng petsa sa kalendaryo mo para i‑update ang nakatakdang presyo at malaman ang detalye ng presyong babayaran ng bisita at kikitain mo.

Sa kalendaryo mo, pumili ng anumang available na petsa o hanay ng petsa. Sa ibaba ng presyo kada gabi, may button na nagsasaad sa kabuuang presyong babayaran ng bisita para sa reserbasyong iyon. Kapag nag‑tap o nag‑click sa button, lalabas ang detalye ng presyo at mga kita.

Mga pinasulit na lingguhan at buwanang diskuwento

Puwede kang kumita nang mas malaki habang mas kaunti ang inaasikasong dumarating at umaalis na bisita kapag nag‑alok ka ng mga diskuwento para sa mga lingguhan at buwanang pamamalagi. Sinabi mo sa aming mahirap malaman kung paano nakakaapekto sa presyo at mga kita mo ang mga diskuwento.

Kapag nagtakda ka ng diskuwento, may lalabas na suhestyon batay sa listing mo at sa demand para sa mga katulad na listing sa iyong lugar. Igalaw ang slider para baguhin ang halaga. Agad nitong isasaayos ang average na lingguhan o buwanang presyo at mga kita mo para isaad ang diskuwento.

Para gamitin ang slider ng diskuwento, pumunta sa Mga diskuwento sa tab na Presyo, saka piliin ang Lingguhan o Buwanan. Puwede ka ring maglagay ng numero sa tabi ng percent sign para magdagdag ng diskuwento.

Matuto pa tungkol sa mga tool na ito sa aming serye ng pagtuklas para sa pagtatakda ng presyo. Sumali sa Maagang Access para magamit na ang mga ito at ang iba pang bagong tool sa Airbnb 2023 Release sa Mayo na may 25 upgrade para sa mga host.

Airbnb
Ene 17, 2024
Nakatulong ba ito?