Paano gagawing komportable ang iyong tuluyan para sa mga nagtatrabaho nang malayuan

Habang nagiging mas karaniwan ang pagtatrabaho nang malayuan sa maraming lugar, napansin namin ang mga pangunahing pagbabago sa kung paano at kung bakit naglalakbay ang mga tao. Puwede itong magdulot ng mas maraming bisitang interesado sa mga lugar na makakatulong sa kanilang gawin ang kanilang mga trabaho kahit saan.

Narito kung paano magbigay ng mga naaangkop na amenidad, mag-set up ng nakatalagang workspace, at i-promote ang iyong tuluyan.

Kinakailangan ang koneksyon sa internet para sa mga nagtatrabaho nang malayuan na naghahanap ng mabilis at maasahang wifi para masuportahan ang mga video call at iba pang gawain.

Puwede mong beripikahin ang bilis ng wifi ng iyong listing nang hindi umaalis sa Airbnb app sa pamamagitan ng test ng bilis ng wifi. Gamit ang tool na ito, mate-test mo ang bilis ng wifi sa iyong property at maisasaad mo ito nang direkta sa page ng listing mo. Makakatulong ito sa iyong makahikayat ng mas maraming bisitang nangangailangan ng mabilis na koneksyon.

Kung may mahinang signal ang ilang bahagi ng iyong tuluyan, puwedeng mapahusay ng mga wifi booster at extender ang kanilang performance. Maaari ring makatulong sa iyo na matuto kung paano suriin ang iyong router nang malayuan para masubaybayan ang iyong wifi.

I-test ang bilis ng wifi

Naghahanap ang mga bisita ng mga nakatalagang workspace bilang pangunahing amenidad—at mas madali itong gawin kaysa sa maaaring naiisip mo. Para idagdag ang amenidad na ito sa iyong listing, kakailanganin mong mag-alok ng mesa o desk na sadyang magagamit para sa pagtatrabaho, access sa saksakan ng kuryente, at ng komportableng upuan

Dahil maaaring mangailangan ng magkahiwalay na espasyo ang magkarelasyong nagtatrabaho nang malayuan, pag-isipan ang pagse-set up ng dalawang lugar para sa trabaho. Puwede mong ipaalam sa mga bisita ang tungkol sa mga feature na ito sa pamamagitan ng pagpili sa Nakatalagang workspace sa seksyong Mga Amenidad ng iyong listing, at sa pamamagitan ng pag-highlight ng anumang workspace sa paglalarawan, mga litrato, at mga caption ng iyong listing.

Puwede pa ring tumanggap ng mga nagtatrabaho nang malayuan ang mga host na walang lugar para sa nakatalagang workspace. Kapag kailangang magtrabaho nang malayuan ng bisita, “Papalitan ko ang isa sa mga silya sa paligid ng mesa sa kusina ng malambot at de-gulong na upuang pang-opisina,” sabi ni Emilia, isang Superhost sa Orono, Maine. "Sa palagay ko, malaki ang nagagawa ng kahit upuan lang."

Bukod pa sa nakatalagang workspace, pinahahalagahan din ng mga bisita ang mga dagdag na ginagawa mong puwedeng gawing higit pang kasiya-siya at produktibo ang pagtatrabaho nang malayuan.

Narito ang ilang opsyong dapat isaalang-alang para sa iyong tuluyan:

• Mga alternatibong workspace. Puwedeng mag-alok ng nakaka-refresh na pagbabago sa paligid ang sala, silid-kainan, o patyo—at pahintulutan ang maraming taong magtrabaho nang sabay-sabay.
• Ergonomic na suporta. Puwedeng makatulong ang patungan ng laptop, ergonomic na silya sa trabaho, at ang naa-adjust na footrest para gawing mas komportable ang mahabang araw ng trabaho.
• Maayos na pag-iilaw. Kahit na mainam ang mga bintana o glass door sa paghahatid ng natural na liwanag, makakatulong ang desk lamp para patingkarin ang liwanag sa workspace.
• Coffee maker at tea kettle. Ikinasisiya ng maraming bisita ang pagkakape para tulungan silang magkapagsimula ng trabaho. Puwede ka ring maglaan ng tsaa at kape—at para gawin ang dagdag na hakbang na iyon, iminumungkahi ng lifestyle blogger na si Elsie, isang Superhost sa Nashville, Tennessee, na mag-alok ng maraming opsyon sa pagtitimpla ng kape, tulad ng French press at ng awtomatikong coffee maker.
• Mga kagamitang pang-opisina. Madaling maglaan ng mga simpleng item tulad ng mga bagong bolpen at notepad, pero puwedeng makatulong ang access sa printer para mamukod-tangi ang iyong listing.
• Teknikal na suporta. Puwedeng paghusayin pa ang iyong workspace ng paglalaan ng monitor ng computer, mga smart speaker, at dagdag na charger ng telepono.
• Backdrop para sa video conferencing. Puwedeng magustuhan ng mga bisitang madalas na nasa video call ang mga interesanteng wallpaper, halaman, o sining na matatagpuan sa background ng workspace.
• Pagbabawas ng ingay. Puwedeng makatulong ang mga tela tulad ng mga kurtina, alpombra, kumot, at unan na mapahina ang mga nakakaabalang ingay.

Kapag natapos mo nang gawing komportable ang iyong tuluyan para sa mga nagtatrabaho nang malayuan, mahalagang i-update ang iyong paglalarawan ng listing mga amenidad, at mga litrato para ipaalam sa mga bisita na mayroon kang lugar na angkop para sa pagtatrabaho.

• Samantalahin ang mga filter ng paghahanap. Kapag nagba-browse ng mga listing, maraming bisita ang nag-a-apply ng mga filter para makahanap ng mga lugar na mayroong mga amenidad na gusto nila, kaya tiyaking markahan ang Nakatalagang workspace at iba pang inaalok mo.
• I-update ang iyong mga litrato at caption. Dahil maaaring buksan ng mga bisita ang mga litrato ng iyong listing bago basahin ang paglalarawan, tiyaking kasama sa iyong mga larawan ang anumang workspace na ilalaan mo. Alamin kung paano kumuha ng magagandang litrato
• Hayaan ang mga bisitang isipin ang kanilang mga sarili na nasa iyong tuluyan. Tiyaking ipinaaalam sa paglalarawan ng iyong listing kung paanong naa-accommodate ng iyong tuluyan ang mga bisitang nagtatrabaho nang malayuan. Kung talagang gusto mong mamukod-tangi, puwede mong isama ang impormasyong iyon sa pamagat ng iyong listing.

Makakatulong din na magpadala ng mensahe sa mga bisita bago sila dumating. Sa pamamagitan ng pagpapaalala sa kanila na nag-aalok ka ng mga bagay tulad ng kape o monitor ng computer, matutulungan mo silang magplano nang naaayon.

Makatulong sana ang mga tip na ito para makagawa ka ng magiliw na tuluyan. Sa pamamagitan ng pagsasaalang-alang sa mga pangangailangan ng iyong mga bisita, makakapag-alok ka ng komportable—at produktibong—pamamalagi para sa mga nagtatrabaho nang malayuan.