Paano ang proseso ng mga payout para sa mas matatagal na pamamalagi

Makapagbibigay ng tuloy-tuloy na kita ang mas matatagal na pamamalagi, lalo na kapag sunod-sunod na mag-book ang isang bisita nang ilang linggo o buwan. Kung sanay ka nang mag-host ng mga mas maiikling pamamalagi, mahalagang tandaan na naiiba ang oras ng mga pagbabayad para sa mas matatagal na pamamalagi—o mga reserbasyon na higit sa 28 gabi—sa mga mas maiikling pamamalagi.

Para sa mas maiikling pamamalagi, ipinapadala namin ang pagbabayad sa iyo, na tinutukoy namin bilang payout, humigit-kumulang 24 na oras pagkatapos mag-check in ng bisita sa iyong lugar. Para sa mas matagal na pamamalagi, ipinapadala namin nang hulugan ang iyong mga payout.

Narito kung paano nagbabayad nang hulugan:

• Paunang payout: Sinisingil namin ang iyong bisita para sa unang 30 gabi ng kanyang pamamalagi kapag nag-book siya, at ibibigay namin ang bayad na iyon sa iyo pagkalipas ng 24 na oras pagkatapos ng kanyang nakaiskedyul na oras ng pag-check in
• Mga karagdagang payout: Kinokolekta at ibinibigay sa iyo kada buwan (28-31 araw) ang mga pagbabayad para sa mga susunod na gabi kasunod ng paunang payout para sa natitirang bahagi ng reserbasyon

"Kung para sa 45 araw ang reserbasyon, halimbawa, mababayaran ka para sa unang 30 araw pagkatapos mismo ng pagdating ng bisita at para sa natitirang 15 araw sa isang buwan pagkatapos mag-check in ng bisita," paliwanag ng Superhost na si Deborah ng Berkeley, California.

Malalaman mo ang katayuan ng iyong mga payout sa iyong Talaan ng transaksyon.

Matuto pa tungkol sa kung paano mababayaran

Ang eksaktong tagal kung kailan darating ang pera sa iyong account ay nakadepende saparaan ng payout na pinili mo at sa bangkong ginagamit mo. Maaaring makaranas ang mga bagong host na tumatanggap ng kanilang unang reserbasyon ng pagkaantala sa pagbabayad habang bineberipika namin ang iyong pagkakakilanlan.

Kung nagtakda ka ng minimum na halaga para sa mga payout, hindi namin ilalabas ang iyong mga pondo hanggang sa maabot ito ng iyong mga kita. Kung marami kang listing na may mga pag-check in sa parehong araw, karaniwang ipinapadala namin ang iyong mga pondo bilang isahang payout.

Sa tuwing magpapadala kami sa iyo ng mga pondo, lilipat ang line item para sa payout na iyon mula sa Mga Nalalapit na Payout papunta sa Mga Nakumpletong Payout sa iyong Talaan ng Transaksyon. Puwede mong ihambing ang kasaysayang ito sa statement ng iyong account sa bangko para matiyak na magkatugma ang mga iyon.

Matuto nang higit pa tungkol sa mga payout para sa mas matatagal na pamamalagi