Paano nagsisikap na maging mas eco-friendly ang isang Superhost
Mga Katangi-tanging Feature
Ibinabahagi ng Superhost na si Tiffany kung bakit mas madaling makamit ang pagho-host nang sustainable kaysa sa iniisip mo
Nakahanap siya ng balanse sa pagitan ng pagpili ng mga makakalikasang desisyon at pagunawa na hindi lahat ng bisita ay papahalagahan ang mga bagay na mahalaga para sa kanya
Kumuha pa ng payo mula sa serye ng sustainable na pagho-host ng Airbib
Parang nakakatakot ang salitang "sustainable". Pero hindi naman talaga.
Ginagawa ko lang ang mga pang-araw-araw na kasanayan na puwedeng gawin ng sinumang tao. Isang sustainable na nakagawian ang pagko-compost na marahil naiisip ng maraming tao. Kung magagawa mo ito, ayos iyon! Pero hindi ko ginagawa iyon. Maraming madali at pasok sa budget na paraan para magbawas, gamitin ulit, at magresiklo.
Napapabilis ng mga dryer ball nang 10 hanggang 15 minuto ang kada labahin—malaking bagay ito kapag mayroon akong mga sunod-sunod na booking. Hindi lang nababawasan ng mga ito ang konsumo sa kuryente, kundi isa itong magagamit ulit na opsyon na angkop para sa kapaligiran kaysa sa mga isahang-gamit na pantuyo ng mga sapin. Makakatipid ka ng pera sa parehong kadahilanan.Gumagamit ako ng maraming pirasong vintage. Bakit ka bibili ng bagong item na maraming katulad sa merkado kung marami namang kakaiba, nagagamit-ulit na item na mas mahusay ang pagkakagawa at mas may dating? Isang malaking bagay na ang pagpapalit ng balot sa cushion ng upuan o pagdaragdag ng bagong shade sa lamp na naaalikabukan sa iyong garahe.
Napapaligiran kami ng agrikultura, kaya't gustong-gusto kong binibigyan ang mga bisita ng mga prutas at gulay mula sa mga lokal na magsasaka. Nakakatulong ito para masuportahan ang aming komunidad, pagaanin ang aming carbon footprint sa pamamagitan ng lokal na pamimili, at magpalaganap ng kaalaman tungkol sa kasaganaan na maiaalok ng Oxnard, California sa aming mga bisita.
Dalawang bloke ang layo ng Beach Lodge mula sa palengke ng mga magsasaka at limang-minutong biyahe sa kotse mula sa mga farm stand, kaya nag-iiwan ako sa mga bisita ng mga bag na magagamit ulit. Puwede nila itong gamitin habang namimili sila.50 hakbang na lang at magkakaroon na tayo ng malinis na beach na may mataas na rating. Sa kasamaang palad, parami nang parami sa mga bagong nagpupunta sa beach ang nag-iiwan ng basura na nagpaparumi sa karagatan. Gusto kong matiyak na hindi tutulad sa kanila ang mga taong namamalagi sa aming tuluyan. Iyon ang dahilan kung bakit nagbibigay kami ng mga tasa at mapag-iimbakang lalagyan na magagamit ulit.
Marami kang nakikitang mga host na pinatataas ang antas ng kanilang serbisyo sa pamamagitan ng pagbibigay ng wine—pero sa palagay ko ang sustainable na pagho-host ay isa pang paraan ng pagbibigay ng espesyal na pag-aasikaso. Hindi lang makakabuti para sa planeta ang pagpili ng mga kasanayang angkop para sa kapaligiran, kundi puwede rin nitong i-promote ang pagiging sustainable sa iyong mga bisita.
Sinusubukan naming balansehin ang mga bagay. Habang binabawasan namin ang paggamit ng papel sa pamamagitan ng mga tuwalyang tela, nag-iiwan pa rin kami ng isang rolyo ng mga paper towel para may pagpipilian ang mga bisita. Gayunpaman, tinitiyak namin na gawa sa kawayan, niresiklong papel, o papel na sertipikado ng PEFC ang mga paper towel at toilet paper.Sa teoriya, ayos ang mga sustainable na bag ng basura, pero natuklasan ko sa aking pananaliksik na posibleng tumagas at mapunit ng ilang partikular na basura ang mga bag na yari sa halaman. Hindi ko basta-basta maipagagamit iyon sa mga bisita dahil hindi ko alam kung ano ang itatapon nila sa basurahan. Nasa ikatlong palapag ang aming kusina, mahirap na kung masisira ang mga bag bago pa maibaba ng bisita ang mga basura sa unang palapag. Bagaman hindi akma ang mga biodegradable na bag ng basura para sa aking sitwasyon, maganda kung mapapaubra mo ito.
Madalas na may naiiwanang pagkain na hindi nabuksan ang mga bisita na puwedeng ibigay na donasyon sa mga lokal na food bank. Isa itong madaling paraan para makatulong sa mga nangangailangan sa iyong komunidad. Oo, kailangan mo itong ihatid sa food bank, pero pag-isipan ang positibong epekto na puwedeng idulot nito.
Ngayong taon, layunin kong ipakita sa aking mga follower sa Instagram na magagawa ang lahat ng bagay na ito—at sustainable ito. Sana hindi lamang mapahalagahan ng mga paparating na bisita ang ideya sa likod ng aming mga sustainable na kasanayan, kundi maunawaan din ng mga host na nagfa-follow sa amin ang epektong idudulot ng pagiging sustainable sa kanilang mga tuluyan.Maaaring nagbago na ang impormasyong nilalaman ng artikulong ito mula nang ma-publish ito.
Mga Katangi-tanging Feature
Ibinabahagi ng Superhost na si Tiffany kung bakit mas madaling makamit ang pagho-host nang sustainable kaysa sa iniisip mo
Nakahanap siya ng balanse sa pagitan ng pagpili ng mga makakalikasang desisyon at pagunawa na hindi lahat ng bisita ay papahalagahan ang mga bagay na mahalaga para sa kanya
Kumuha pa ng payo mula sa serye ng sustainable na pagho-host ng Airbib