Sinusuportahan ng Airbnb at mga lokal na host ang isang komunidad sa Paris

Para kay Emmanuel na mahigit 10 taon nang host sa Paris, mahalagang maglaan ng panahon para makipag‑ugnayan sa mga tao. “Mahilig akong makihalubilo sa mga tao, lalo na kung mag‑isa sila o may pinagdaraanan,” sabi niya. “Kailangan nating maglaan ng panahon para makapagpasaya ng ibang tao. Ganito rin kapag nagho‑host sa Airbnb at nagpapatuloy ng tao sa tuluyan mo.”

Isa iyon sa maraming dahilan kung bakit nagboboluntaryo si Emmanuel sa Society of Saint Vincent de Paul, isang organisasyong 190 taon na mula nang maitatag sa Paris na nagsisilbi sa mga taong nangangailangan kabilang ang mga indibidwal na walang tirahan. Nangangasiwa ito ng mga lingguhang pagtitipon‑tipon para makisama sa iba, tulad ng mga workshop sa pagtatahi at salo‑salong almusal sa labas.

Bilang miyembro ng Host Club sa Paris, ninomina ni Emmanuel ang Society of Saint Vincent de Paul na mabigyan ng donasyon mula sa Pondo ng Airbnb para sa Komunidad. Bawat taon, may pagkakataon ang mga miyembro ng Host Club na suportahan ang lokal na komunidad nila sa pamamagitan ng Pondo para sa Komunidad. Sa kanyang palagay, mainam na opsyon ang nonprofit dahil magkatulad ang mga pagpapahalaga nito at ng Airbnb. “Espesyal na komunidad ang Airbnb dahil pinapahalagahan nito ang pakikisama sa pagitan ng mga tao,” sabi niya.

Dahil sa nominasyon ng Host Club sa Paris, nakatanggap ang Society of Saint Vincent de Paul ng USD50,000 na donasyon mula sa Pondo ng Airbnb para sa Komunidad. Popondohan ng donasyong ito ang pagbuo ng mas maraming matutuluyan para sa kababaihan sa lungsod at mga karagdagang pagtitipon ng komunidad tulad ng mga salo‑salong almusal sa labas.

Nagbigay ng nominasyon ang mahigit 50 Host Club para sa mga nonprofit sa iba't ibang panig ng mundo para makatanggap ang mga ito ng mga donasyon mula sa Pondo ng Airbnb para sa Komunidad sa taong 2023. Bukas na ang nominasyon para sa mga donasyon mula sa Pondo para sa Komunidad sa taong 2024. Makipag‑ugnayan sa lokal na Host Club para matuto pa tungkol dito.

Posibleng nagbago ang impormasyong nakasaad sa artikulong ito mula noong na‑publish ito.