Tatlong paraan para makaengganyo pa ng mga bisita

Lawakan ang pinagseserbisyuhan mong lugar at mag‑alok ng iba’t ibang presyo at oras ng negosyo para makaengganyo ng mas maraming bisita.

Ilagay ang mga oras ng negosyo at magtakda ng palugit sa availability. Mga serbisyo lang na mayroon nitong pareho ang mahahanap ng mga bisita. Kapag tapos ka na, i-preview ang listing mo para masilip kung ano ang makikita ng mga bisita.

Sa tab na Mga Listing:

• Pumili ng mga oras ng negosyo. Puwedeng pare-pareho o iba-iba ang mga oras sa bawat iniaalok Isaalang-alang ang mga oras na mataas ang demand. Halimbawa, posibleng pinakapatok ang umaga para sa mga personal trainer at ang gabi naman para sa mga pribadong chef. 
• Maglagay ng palugit sa availability. Puwedeng mag‑book ang mga bisita mula 3 hanggang 24 na buwan bago ang takdang petsa. Puwedeng iba‑iba ang itakda mo para sa iba’t ibang iniaalok.
• Mag‑set up ng magkakasabay na reserbasyon. Mas malaki ang puwede mong kitain kapag maraming bisitang magkakasabay ang reserbasyon. Puwede kayong tumanggap ng co‑host mo ng magkakasabay na reserbasyon para mas marami pang bisita ang mabigyan ng serbisyo.

Sa kalendaryo mo:

• Gawing partikular ang availability mo. Puwede kang magdagdag ng mga oras sa labas ng mga regular na oras ng negosyo mo at mag‑block ng mga oras kung kailan hindi ka makakapagtrabaho. Malalapat sa lahat ng iniaalok ang anumang iba‑block na oras.

• I‑sync ang mga kalendaryo. I-link ang mga kalendaryo mo sa Airbnb at Google. Iba‑block sa kalendaryo mo sa Airbnb ang lahat ng oras na may event sa kalendaryo mo sa Google.

Mainam kung magtatakda ng kahit tatlong iniaalok man lang na may presyong panimula, karaniwan, at premium para maging nakakaengganyo at makahikayat pa ng mga bisita. Posibleng mas malaki ang kitain at mas maraming matanggap na review kapag nag‑alok ka ng iba’t ibang presyo. Halimbawa, karaniwang handang magbayad ang mga bisita ng USD52 hanggang USD95 para sa three‑course meal, USD54 hanggang USD96 para sa spa treatment, o USD46 hanggang USD75 para sa photo shoot.*

• Magsama ng panimulang alok. Makikita ng mga bisita ang pinakamurang iniaalok mo sa resulta ng paghahanap. Sa pamamagitan ng panimulang alok, puwede kang makahikayat ng mga bisita at posibleng mapansin ang iba mo pang iniaalok.
• Magbigay ng mga iniangkop na alok. Sa tab na Mga Mensahe, magpadala ng mga iniangkop na alok na may kahilingan para sa pagbabayad bago mag‑book ang bisita. Halimbawa, puwedeng maghanap ng personal trainer ang bisita kung panahon at lugar siya para sa maagang workout o kung makakalabas siya sa pinagseserbisyuhang lugar. 
• Mag‑angkop sa pamamagitan ng pagbabago. Sa tab na Mga Mensahe, puwede kang magpadala ng pagbabago ng presyo pagkatapos mag‑book ng bisita. Halimbawa, puwedeng magpaangkop ng alok ang bisita para magpadagdag ng French tips sa manicure o ng espesyal na sangkap sa pagkain niya. 
• Magtakda ng minimum na presyo. Kung kada bisita ang singil mo, puwede kang magtakda ng minimum na presyo kada booking. Makakatulong ito para sa mga serbisyo kung saan karaniwang grupo‑grupo ang nagpapagawa, tulad ng catering o nakahanda nang pagkain. Halimbawa, kung gusto ng bisita na mag‑book ng USD50 na alok para sa dalawang bisita at USD120 ang minimum mo, kailangan niyang magbayad ng USD120 para makapag‑book.
• Mag‑alok ng diskuwento. Puwede kang magdagdag ng mga diskuwento para sa limitadong panahon, maagang pagbu‑book, at malaking grupo para mahikayat na mag‑book ang mga bisita. Kapag nag‑alok ka ng diskuwento, makikita ng mga bisita ang naka‑strikethrough na presyong itinakda mo sa mga resulta ng paghahanap at sa listing mo.

Pag‑isipan kung ikaw ang pupunta sa mga bisita, kung mga bisita ang pupunta sa iyo, o kung puwede kahit alin doon. Ilagay ang pinakamatagal mong oras ng biyahe para mapili kung gaano kalayo ka handang bumiyahe. Kung mga bisita ang pupunta sa iyo, tandaang mahahanap lang nila ang mga iniaalok mo kung naghahanap sila ng mga serbisyong malapit sa lokasyon mo.

Kung ikaw ang pupunta sa mga bisita:

• Isaalang-alang pinagseserbisyuhan mong lugar. Para lumabas nang mas madalas sa mga resulta ng paghahanap, siguraduhing inilagay mo ang pinakamatagal mong oras ng biyahe.
• Isaad kung flexible ka. Sa paglalarawan ng listing mo, isaad ang mga lugar kung saan ka puwedeng pumunta paminsan‑minsan, o ipaalam sa mga bisita na puwede silang makipag‑ugnayan sa iyo kung nasa labas sila ng pinagseserbisyuhan mong lugar. 

Kung mga bisita ang pupunta sa iyo:

• Patunayan ang address mo. Makikita ng mga bisitang titingin sa listing mo ang distansya at tagal ng biyahe papunta sa lokasyon mo.
• Isaad ang pangalan ng negosyo mo. Sa ganitong paraan, mas madali kang mahahanap ng mga bisita pagdating nila.
• Magdagdag ng mga propesyonal na litrato. Maipaparating ang ganda ng serbisyo mo at mas madali kang mahahap ng mga bisita sa pamamagitan ng mga litrato ng lokasyon mo.

*Batay sa survey online noong Marso 2025 sa mahigit 700 bisita at potensyal na unang beses magbu‑book sa Airbnb sa US.

Posibleng mag‑iba ang karanasan ng user depende sa lokasyon. Posibleng nagbago ang impormasyong nakasaad sa artikulong ito mula noong na‑publish ito.