Paano gumawa ng mabisang pamagat at paglalarawan

Gumamit ng malinaw at maiksing pananalita para pangalanan ang serbisyo mo at ilarawan ang kadalubhasaan mo. Pagkakataon ito para makilala ang listing mo, maitampok ang mga kwalipikasyon mo, at makahikayat ng mga bisita.

Magsimula sa ilang salitang naglalarawan at malinaw na nagpapaliwanag kung ano ang serbisyo, kung sino ang nagbibigay nito, at kung paano ito natatangi.

Isama ang pangalan mo sa dulo ng pamagat. Panatilihing hanggang 50 karakter lang ang pamagat mo.

Mga halimbawa ng magagandang pamagat ng serbisyo:

• Mga romantic na portrait sa Paris na gawa ni Mo
• Mga lymphatic massage ni Sabrina
• Mulat na pagpapalakas ni Korey

Dapat bumagay at maipaliwanag sa pamagat ang paglalarawan ng kadalubhasaan mo. Ipaliwanag kung bakit natatangi ang kwalipikasayon mo para i‑host ang serbisyo mo. Maging direkta, maikli, at partikular.

Huwag mahiyang ibahagi ang mga kredensyal mo, pati ang mga highlight ng karera. Iwasang ulitin ang impormasyong inilagay mo na noong nagse‑set up. Panatilihing hanggang 90 karakter lang ang paglalarawan mo.

Isaalang‑alang ang pinakamahuhusay na kasanayang ito:

• Makipag‑usap.
• Sumulat ng buong pangungusap, at iwasan ang mga parirala at listahan.
• Magsimula sa pinakakahanga‑hanga, halimbawa, award na natanggap mo.
• Maglagay ng konteksto o palakasin ang mga kasanayan mo.
• Siguraduhing tumpak ang paglalarawan mo.
• Gamitin ang pananaw ng unang panauhan.

Mga halimbawa ng magagandang paglalarawan:

• Nagluto ako sa Le Bernardin na may Michelin star. Hatid ko naman ngayon sa tuluyan ninyo mismo ang fine dining.
• Isa akong premyadong photographer na may mga larawang nailathala na sa Elle at The New York Times.
• Natuto ako ng mga deep‑tissue technique mula sa pinakamahuhusay sa Bali at may 5 taon na akong karanasan.

Kailangang matugunan ng lahat ng host, litrato, at detalye ng listing ang mga pamantayan at kinakailangan para sa Mga Serbisyo sa Airbnb.

Posibleng nagbago na ang impormasyong nakasaad sa artikulong ito mula noong na‑publish ito.