Ang kailangan mong malaman tungkol sa pagho‑host ng mga pamilya

Ihandang mabuti ang iyong tuluyan at i‑update ang iyong listing para lalong dumami ang mga tagasubaybay mo.
Ni Airbnb noong Hul 21, 2020
6 na minutong pagbabasa
Na-update noong Hul 21, 2023

Mga Katangi-tanging Feature

  • Puwedeng dumami ang mga booking kapag inihanda mo ang iyong patuluyan para sa mga pamilya

  • I‑update ang iyong listing para banggitin na pampamilya ang iyong patuluyan, at magsama ng mga litrato

    • Magsama ng mga amenidad na gaya ng nabibitbit na kuna at high chair

    • Alamin kung anong suporta ng Airbnb ang available kung magkaroon ng isyu

    Maraming tanggapan, paaralan, at daycare center sa iba't ibang panig ng mundo ang sarado kaya mas madali na ngayong makakapili ang mga magulang kung saan sila maninirahan at magtatrabaho. Marami ang interesadong bumiyahe nang mas madalas— at pansamantalang lumipat kasama ng kanilang mga pamilya—sa mga lugar na mas malawak at kung saan puwedeng lumabas.

    Posibleng hindi ligtas ang pagpapatuloy ng mga bata sa ilang lugar. Pero kung handa kang patuluyin sila, narito ang dapat mong malaman.

    Magandang magplano nang maaga para sa pagho‑host ng mga pamilya

    Kung hindi ka sigurado sa pagpapatuloy ng mga bisitang may kasamang mga bata sa iyong patuluyan, may ilang bagay kang puwedeng gawin para mas makampante ka.

    Makipag‑ugnayan nang maaga tungkol sa kung ano ang available—at hindi available—sa iyong patuluyan.

    Tulungan ang mga magulang na mag‑empake sa pamamagitan ng pagdedetalye sa lahat ng nakahanda nang amenidad na pampamilya. Puwede ring isaad sa iyong guidebook ang mga rekomendasyon kung saan makakakuha o makakabili ng mga supply.

    Para matulungan kang magsimulang mag‑host ng mga pamilya, narito kung paano mo maihahanda ang iyong patuluyan sa paglipas ng panahon:

    • Pumili ng matibay at ligtas na muwebles, at iwasan ang salamin kung posible
    • Iwasan ang kalat at mga hindi kinakailangang dekorasyon para mapadali ang paglilinis
    • Tiyaking hindi maaabot ng mga bata ang mga puwedeng mabasag at matulis na gamit
    • Maglagay sa kusina ng muling magagamit na mga plastik na baso at pinggan para maiwasang may mabasag na kasangkapan
    • Pag‑isipang maglagay ng mga pansarado sa mga kabinet at mga pamproteksyong takip sa mga saksakan
    • Pumili ng matibay at madaling linisin na mga tela, gaya ng mga materyal na ginagamit para sa mga panlabas na unan
    • Takpan ng nalalabhang alpombra ang mga sahig na yari sa matigas na kahoy

    Magsagawa ng pangunahing mga hakbang para sa kaligtasan para maprotektahan ang iyong mga bisita at ang iyong patuluyan.

    • Tumulong na mapanatag ang isip ng lahat sa pamamagitan ng paglalagay ng smoke at carbon monoxide alarm at fire extinguisher malapit sa lutuan sa kusina
    • Tandaang maglagay ng ganitong mga amenidad sa iyong listing, at huwag kalimutang regular na palitan ang mga baterya
    • Isama ang mga lokal na numerong pang‑emergency sa iyong manwal ng tuluyan at sa card na mabilisang masasangguni ng mga bisita

    Pag‑isipang maningil ng bayarin sa paglilinis.
    Maraming host ang naglalagay ng bayarin sa paglilinis para mabawi ang gastos sa mga kagamitan o sa propesyonal na serbisyo sa paglilinis. Narito ang higit pang impormasyon kung paano maningil ng bayarin sa paglilinis kung hindi ka pa naniningil nito.

      Alamin ang dapat gawin kung magkaroon ng isyu.
      Maaari pa ring magkaaksidente gaano ka man kahanda, pero may ilang paraan para maprotektahan mo ang iyong sarili habang nagho‑host ka sa Airbnb.

      Kung interesado kang makahikayat ng mga bumibiyaheng kasama ang pamilya, puwede kang mamukod‑tangi bilang pinakaangkop na host kapag nagdagdag ka ng mga pinag‑isipang detalye. Para maging mas komportable sila sa kanilang pamamalagi, maghandang magbigay ng mga karaniwang hinihiling na gamit, gaya ng mga dagdag na tuwalya at sapin. Makakatulong din ang paghahanda ng toilet paper at mga supply sa kusina gaya ng asin, paminta, at iba pang pangunahing kailangan sa pagluluto. 

      Makakuha ng higit pang ideya mula kay Elsie, isang host sa Nashville, Tennessee, na nagbabahagi kung paano siya naghahanda ng tuluyang pampamilya:

      Tip: Hindi rin masamang mag‑supply ng sobrang kagamitang panlinis, lalo na ang mga paper towel, disinfectant wipe, at pantanggal ng mantsa, o lubos na maghanda para sa mas matatagal na pamamalagi.

      Tiyaking alam ng mga bisita kung ano ang iniaalok mo

      Pagkatapos mong gawin ang mga hakbang na ito para maihanda para sa mga pamilya ang patuluyan mo, puwede mo na itong ipagmalaki sa pamamagitan ng pag‑aayos sa mga detalye ng listing mo at pag‑update sa mga amenidad.

      • Kapag mayroon kang napapanahong pamagat at paglalarawan ng listing, puwede mong mahikayat ang naaangkop na uri ng mga biyahero at makakapagtakda ka ng malilinaw na dapat asahan
      • Magagamit ng mga bisitang bibiyahe nang may kasamang mga bata ang mga filter sa paghahanap para mabawasan ang mga mapagpipilian nila, kaya mainam na tandaan mo ring i‑update ang mga amenidad mo. (Kung mayroon kang mahigit isang listing, puwede mong i‑update ang mga amenidad sa lahat ng patuluyan mo sa page na Mga Listing.) Mga kinakailangang amenidad ang kuna at high chair para sa mga bisitang may mga sanggol.
      • Magsama ng mga amenidad na gaya ng air conditioning, washer/dryer, at kusina kung may mga ganito sa patuluyan mo
      • Kung may magagamit na washer sa patuluyan, banggitin kung nagbibigay ka ng sabong panlaba at kung may anumang dagdag na bayarin
      • Mas madaling mapapaliguan ang mga bata kapag may mga tub kaya tiyaking banggitin kung may bathtub sa listing mo at magsama ng litrato sa gallery ng larawan
      • Tiyaking mahahanap sa mga litrato mo ang lahat ng inilarawan mo. Sumangguni sa aming tutorial sa pagkuha ng litrato na may sunod‑sunod na hakbang para malaman kung paano itampok ang lahat ng paraan ng pagtugon mo sa mga pangangailangan ng mga biyahero ngayon.

      Maaaring makadagdag sa mga gawain ang paghahanda ng iyong tuluyan para sa mga pamilyang may kasamang bata, pero isa sa pinakamagagandang paraan para mapasaya ang lahat ng bisita ang paglalagay ng mga pinag‑isipang amenidad na ito.

      Hindi saklaw ng proteksyon sa pinsala para sa host, insurance sa pananagutan para sa host, at insurance sa pananagutan para sa mga Karanasan ng AirCover para sa mga Host ang mga host na nag‑aalok ng mga tuluyan o Karanasan sa Japan kung saan nalalapat ang Insurance para sa Host sa Japan at Insurance sa Karanasan sa Japan. Hindi rin saklaw ang mga host na nag‑aalok ng mga tuluyan sa pamamagitan ng Airbnb Travel, LLC. Nalalapat ang Plano para sa Proteksyon ng Host sa China sa mga host ng mga tuluyan o Karanasan sa mainland China. Tandaang nakasaad sa USD ang lahat ng limitasyon sa pagsaklaw.

      Sineseguro ng mga third‑party na tagapagbigay ng insurance ang insurance sa pananagutan para sa host at insurance sa pananagutan para sa mga Karanasan. Kung host ka sa UK, sineseguro ng Zurich Insurance Company Ltd. at isinasaayos at pinagpapasyahan ng Airbnb UK Services Limited ang polisa ng insurance sa pananagutan para sa host at insurance sa pananagutan para sa mga Karanasan nang walang karagdagang babayaran ang mga host sa UK. Itinalagang kinatawan ang Airbnb UK Services Limited ng Aon UK Limited na pinapahintulutan at pinapangasiwaan naman ng Financial Conduct Authority. Ang numero ng pagpaparehistro ng Aon sa FCA ay 310451. Makukumpirma mo ito sa Financial Services Register kapag pumunta ka sa website ng FCA o tumawag ka sa FCA sa 0800 111 6768. Pinapangasiwaan ng Financial Conduct Authority ang polisa ng insurance sa pananagutan para sa host at insurance sa pananagutan para sa mga Karanasan na bahagi ng AirCover para sa mga Host. Hindi pinapangasiwaang produkto na isinasaayos ng Airbnb UK Services Limited ang iba pang produkto at serbisyo. FPAFF610LC 

      Hindi insurance at hindi nauugnay sa insurance sa pananagutan para sa host ang proteksyon sa pinsala para sa host. Sa pamamagitan ng proteksyon sa pinsala para sa host, maibabalik ang nagastos mo sa mga partikular na pinsalang dulot ng mga bisita sa patuluyan at mga pag‑aari mo kung hindi nila babayaran ang mga pinsalang iyon. Para sa mga listing sa estado ng Washington, saklaw ng polisa ng insurance na binili ng Airbnb ang mga obligasyon ng Airbnb ayon sa proteksyon sa pinsala para sa host. Nalalapat ang Mga Tuntunin ng Proteksyon sa Pinsala para sa Host na ito sa mga host na hindi sa Australia nakatira o nagnenegosyo. Para sa mga host na sa Australia nakatira o nagnenegosyo, nakadepende ang proteksyon sa pinsala para sa host sa Mga Tuntunin ng Proteksyon sa Pinsala para sa Host para sa mga User sa Australia.

      Posibleng nagbago ang impormasyong nakasaad sa artikulong ito mula noong na‑publish ito.

      Mga Katangi-tanging Feature

      • Puwedeng dumami ang mga booking kapag inihanda mo ang iyong patuluyan para sa mga pamilya

      • I‑update ang iyong listing para banggitin na pampamilya ang iyong patuluyan, at magsama ng mga litrato

        • Magsama ng mga amenidad na gaya ng nabibitbit na kuna at high chair

        • Alamin kung anong suporta ng Airbnb ang available kung magkaroon ng isyu

        Airbnb
        Hul 21, 2020
        Nakatulong ba ito?