Ano ang mangyayari pagkatapos mong mag-publish ng listing?
Congratulations! Puwede mo nang i‑publish ang listing mo. Mahahanap sa Airbnb ng mga bisita ang na-publish mong listing sa loob ng 24 na oras.
Siguraduhing handa ka na para sa mga booking. Gawin ang mga huling hakbang na ito sa kalendaryo at tab na Mga Listing.
Pag-set up ng kalendaryo mo
Magiging available at mabu-book ang kalendaryo mo kapag nag-publish ka na. Siguraduhing i-update kaagad ang availability mo. I-block ang mga petsang hindi ka makakapag-host. Piliin kung kailan available ang listing mo hanggang 2 taon mula ngayon. Puwede mo ring i-adjust kung gaano kaaga puwedeng mag-book ang mga bisita at kung gaano katagal ang kailangan mo sa pagitan ng mga reserbasyon.
Paggawa ng mga alituntunin sa tuluyan mo
Malalaman ng mga bisita sa mga alituntunin sa tuluyan kung ano ang dapat asahan. Makakatulong ito sa kanila na magpasya kung naaangkop sa biyahe nila ang tuluyan mo. Itakda ang maximum na bilang ng bisita, mga oras na tahimik dapat, at oras ng pag-check in at pag-check out para magawa ang mga alituntunin sa tuluyan mo.
Puwede ka ring pumili ng mga karaniwang alituntunin sa tuluyan, tulad na lang kung pinapayagan mo ang:
- Mga alagang hayop
- Mga event
- Paninigarilyo, vaping, at mga e-cigarette
- Commercial na pagkuha ng video at photography
Pagpili ng patakaran sa pagkansela
Pag-isipan kung gaano kalapit sa pag-check in papayagang magkansela ang mga bisita na makakatanggap pa rin ng buo o bahagyang refund. Puwede kang pumili ng mga patakaran sa pagkansela para sa mga booking na wala pang 28 gabi at mga matagalang pamamalagi na 28 o higit pang magkakasunod na gabi.
Balanse ang kailangan sa pagpili ng tamang patakaran. Mainam na maprotektahan ang sarilli sa pagkansela habang naeengganyo pa rin ang mga bisitang gusto ng flexibility sa pagpaplano ng biyahe. Posibleng dumami ang mga booking kapag mas flexible ang pipiliing patakaran sa pagkansela.
Paglalagay ng higit pang amenidad
Nakapili ka na sa maikling listahan ng mga sikat na amenidad noong na-set up mo ang listing. Pagkatapos mo itong i-publish, mailalagay mo ang iba pang amenidad mula sa buo naming listahan ng halos 150 opsyon.
Maraming bisita ang gumagamit ng mga filter para maghanap ng mga tuluyang mayroon ng mga partikular na amenidad na gusto nila. Mas madaling mahahanap ang listing at malalaman ng mga bisita ang mga dapat asahan kapag kinumpleto mo ang listahan ng mga amenidad.
Posibleng nagbago ang impormasyong nakasaad sa artikulong ito mula noong na‑publish ito.