Mga upgrade para matulungan ka sa pangangasiwa at pagpapalago ng negosyo

Mas madali na ngayong sabayan ang kompetisyon, maging matalino sa pagtatakda ng presyo, at mabisang makipag‑ugnayan gamit ang mga pinakabagong upgrade ng Airbnb sa mga tool sa pagho‑host. Magpapakilala rin kami ng mga feature na makakatulong sa mga bisita na makahanap ng mga listing na posibleng mapalampas nila at makakapagpareserba sila sa halagang $0 sa panahon ng pagbu‑book. Wala kang dagdag na gagastusin para rito.* Makikita mo na ang mga upgrade na ito sa app mo simula ngayon, at magiging available ang iba pa sa unang bahagi ng susunod na taon.

Makakatulong ang mga tool na ito para mapalaki mo ang kita at maiwasan ang mga pahabol na pagkansela. 

Mga dynamic na patakaran sa pagkansela: Magtakda ng magkakaibang patakaran sa pagkansela para sa mga partikular na petsa gaya ng mga holiday o kapag hindi peak season. Puwede mong pag‑isipang mag‑alok ng mas flexible na patakaran sa pagkansela sa mga buwan na mas kaunti ang mga bisita para makahikayat ng mga bisita, pero panatilihin ang karaniwang patakaran sa panahong may mataas na demand.**

Mga pinahusay na tip sa presyo: Makakuha ng mga tip sa presyo para sa mga petsa hanggang isang taon bago ang takdang petsa at gamitin ang lahat ng tip sa isang tap lang. Ginagamit ng mga tip sa presyo ang mga katangian ng tuluyan mo kabilang ang lokasyon, mga amenidad, at mga nakaraang booking pati ang mga pinakabagong presyo para sa iba pang tuluyan sa lugar mo.**

Mga preview ng presyo ng biyahe: Alamin kung magkano ang babayaran ng mga bisita at ang tinatayang kikitain mo kapag in‑edit mo ang presyo kada gabi para sa isa o higit pang gabi.

Makipag‑ugnayan sa mga bisita sa pamamagitan ng pagpapadala ng mga bagong video message at rekomendasyon ng host.

Mga video message: Padalhan ng mga video ang mga bisita para matuto sila tungkol sa patuluyan mo. Puwede kang magpadala ng tour ng property sa mga bisita bago ang pag‑check in, o magdagdag ng tutorial sa paggamit ng ihawan sa pambungad na mensahe mo. 

Mga rekomendasyon ng host: Madaling magpadala ng digital na card na nagtatampok ng guidebook, o experience o serbisyo sa Airbnb sa mga mensahe mismo sa ilang tap lang. Puwede ka ring maglagay ng link ng experience o serbisyo, at makakakita ang mga bisita ng card na may rekomendasyon.

Simula sa susunod na taon, makakakuha na ng mga graph na madaling maintindihan sa dashboard ng kita para mas maunawaan ang performance ng listing.

Na‑update na dashboard ng kita: Alamin ang mga trend sa kita kada taon at ikumpara ang performance kada season sa pinahusay na tab. Halimbawa, ikumpara ang kinita mo noong Nobyembre noong isang taon sa inaasahang kita sa Nobyembre ngayong taon.***

May dalawang upgrade sa kalendaryo na makakatulong sa pangangasiwa ng iskedyul mo.

Mga note sa mga naka‑block na gabi: Puwede ka na ngayong maglagay ng mga paalala sa mga naka‑block na gabi at mabilisang malaman kung bakit mo na‑block ang mga iyon sa hinaharap. 

Pagsasaad ng pinaikling currency: Paiikliin sa kalendaryo mo ang anumang mahabang presyo kada gabi. Halimbawa, isasaad na COP35.1K ang COP35,103.42. 

May mas marami nang paraan ng pagbabayad at mas mahuhusay na paghahanap na magagamit ng mga bisita.

Mag‑book ngayon at saka na magbayad: May opsyon ang mga bisita na magpareserba ng kwalipikadong pamamalagi at magbayad ng $0 sa panahon ng pagbu‑book. Hindi ito makakaapekto sa iskedyul ng payout mo. Puwedeng mas dumami ang mga booking para sa mga host kapag mas maraming opsyon ang mga bisita. Piniling gamitin ng mahigit 60% ng mga bisita ang opsyong ito sa pagbabayad sa pag‑check out para sa mga kwalipikadong booking.****

Mas mahusay na paghahanap: Kapag naghahanap ng matutuluyan, mas maraming mapagpipilian ang mga bisita para sa mga tuluyan na nasa labas lang ng pamantayan nila sa paghahanap. Halimbawa, magpapakita kami ng mga tuluyang may katulad na presyo o iba’t ibang amenidad, o mga tuluyang mas mura sa mga kalapit na lungsod. Makakatulong ang ganitong paraan para makahanap ang mga bisita ng magagandang opsyong posibleng napalampas nila.

Pinahusay na mga mapa: Makikita na ngayon ng mga bisita ang mga kalapit na tanyag na pook, atraksyon, restawran, at higit pa sa mga mapa. Puwedeng mag‑tap ang mga bisita sa mahahalagang tanyag na pook para makita ang buod at ang layo ng mga ito sa tuluyang tinitingnan o na‑book na nila. Sa huling bahagi ng taong ito, makakapagpalipat-lipat ang mga bisita sa iba’t ibang view ng mapa, kabilang ang satellite, kalye, at transportasyon, batay sa gusto nila.

*Available ang Mag‑book ngayon at saka na magbayad sa mga bisita sa US at magiging available sa mga piling bisita sa iba’t ibang panig ng mundo simula ngayong araw. Inaasahang magiging available ito sa mas marami pang bisita sa unang bahagi ng susunod na taon. Hindi kwalipikado ang mga reserbasyong binayaran sa Brazilian Real (BRL), Indian Rupee (INR), o Turkish Lira (TRY).

**Ilulunsad sa Nobyembre sa iilang host ang mga dynamic na patakaran sa pagkansela at mas pinahusay na tip sa presyo. Inaasahang magiging available ito sa mas marami pang host sa unang bahagi ng 2026.

***Magiging available sa mga host ang bagong tab na Performance sa unang bahagi ng 2026.

****Batay sa internal na datos ng Airbnb mula Abril hanggang Hunyo 2025 mula sa mga pagsubok para sa Mag‑book ngayon at saka na magbayad sa US sa unang kalahati ng taon. 

Nakasaad sa USD ang mga presyo. Posibleng mag‑iba ang karanasan ng user depende sa lokasyon.

Posibleng nagbago na ang impormasyong nakasaad sa artikulong ito mula noong na‑publish ito.