Pag‑update sa availability mo

Pinapadali ng mga setting ng availability ng Airbnb ang pagkontrol sa kung kailan at paano binu‑book ng mga bisita ang patuluyan mo. Nasa kalendaryo mo ang mga ito.

Kadalasan, magkasamang ginagamit ang mga tool para sa pagtatakda ng presyo at setting ng availability. Halimbawa, kung mag-aalok ka ng diskuwento para sa maagang pagbu-book, mas marami kang maaabot na bisitang maagang magplano kapag pinayagan silang mag-book nang maaga nang 12 o 24 na buwan.

Kapag binago mo ang pinapayagang tagal ng pamamalagi, posibleng isama sa mas maraming resulta ng paghahanap ang listing mo. Siguraduhin lang na naaayon sa mga lokal na alituntunin at regulasyon ang minimum at maximum na tagal ng pamamalagi na itatakda mo.

• Minimum na bilang ng gabi: Kapag mas maikli ang minimum na bilang ng gabi, mahihikayat ang mga bisitang nagbu‑book ng maiikling pamamalagi at posibleng ma‑book ang mga bakanteng gabi sa kalendaryo mo. Puwede kang magtakda ng minimum na tagal ng pamamalagi batay sa araw ng pag-check in.
• Maximum na bilang ng gabi: Kapag mas mahaba ang maximum na tagal ng pamamalagi, mahihikayat ang mga bisitang nagbu‑book ng mas matatagal na pamamalagi at mababawasan ang pagpapalit ng bisita. Puwede mo ring payagan ang mga kahilingang mamalagi nang mas matagal sa maximum na itinakda mo. Masusuri at maaaprubahan mo ang mga ganitong kahilingan.
• Iniangkop na pinapayagang tagal ng pamamalagi: Kapag nagtakda ng iniangkop na pinapayagang tagal ng pamamalagi na mas maikli sa minimum na tagal ng pamamalagi sa mga partikular na petsa, posibleng ma‑book ang mga bakanteng gabi sa kalendaryo mo.

Awtomatikong gagawing available ang mga gabi batay sa mga setting mo. Kung nagba-block ng mga petsa ang mga setting mo, may mga tip sa pag-unblock ng mga ito. Halimbawa, kung limang gabi ang minimum na tagal ng pamamalagi at may apat kang hindi pa nabu-book na gabi sa pagitan ng mga reserbasyon, may lalabas na tip na babaan ang itinakda mong minimum na tagal ng pamamalagi para sa mga gabing iyon.

Magpasya kung gaano kaagang abiso ang kailangan mo bago dumating ang mga bisita at kung gaano kaaga puwedeng mag-book ang mga tao.

• Paunang abiso: Magpasya kung gaano katagal ang kailangan mo sa pagitan ng pagbu‑book ng bisita at pagdating niya. Puwede mong piliin ang parehong araw, 1 araw, 2 araw, 3 araw, o 7 araw. Kahit piliin mo ang 1 araw o higit pa, puwede mong payagan ang mga kahilingan na wala pang isang araw. Kakailanganin mong suriin at aprubahan ang mga iyon.
• Abiso sa mismong araw: Kung pumapayag kang mag‑book ang mga bisita sa mismong araw ng pag-check in, puwede mong itakda ang oras ng cut‑off kung kailan hindi na puwedeng makapag‑book. Pumili ng anumang oras mula 6:00 AM hanggang 12:00 AM.
• Panahon ng paghahanda: Piliin kung ilang gabi ang kailangan mong i‑block bago at pagkatapos ng bawat booking. Pumili sa wala, isang gabi bago at pagkatapos ng bawat reserbasyon, o dalawang gabi bago at pagkatapos ng bawat reserbasyon.
• Palugit ng availability: Puwedeng lumabas sa mas maraming resulta ng paghahanap ang listing kapag pinahaba ang panahon kung gaano kaaga puwedeng mag‑book ang mga bisita. Piliin ang maaga nang 3, 6, 9, 12, o 24 na buwan.
• Higit pang setting ng availability: Puwede mong pagbawalan ang pag‑check in o pag‑check out ng mga bisita sa mga partikular na araw ng linggo. Bina-block nito sa kalendaryo ang mga pagdating o pag-alis kung alam mong hindi ka available sa mga partikular na araw. Puwede kang pumili ng hanggang 6 na araw kada linggo.

Kung gumagamit ng maraming kalendaryo, maiiwasan ang mga dobleng booking kapag naka-sync ang lahat ng kalendaryo sa pagho-host. Awtomatikong naa‑update ang magkabilaang koneksyong ito kapag may na‑book na gabi. Para ikonekta ang mga kalendaryo mo:

• Ilagay ang ibinigay na link ng kalendaryo sa Airbnb sa kabilang website.
• Kumuha ng link na nagtatapos sa .ics sa kabilang website at ilagay ito sa kalendaryo mo sa Airbnb.

Ikaw lagi ang bahala sa presyo at iba pang setting mo. Posibleng maiba ang resulta para sa iyo.

Posibleng nagbago ang impormasyong nakasaad sa artikulong ito mula noong na‑publish ito.