Paano ang proseso ng paghahanap sa Airbnb

Alamin ang mga tip para mapataas ang ranking mo sa mga resulta ng paghahanap.
Ni Airbnb noong May 11, 2022
3 minutong pagbabasa
Na-update noong Nob 21, 2022

Mga Katangi-tanging Feature

  • Nakakaapekto ang presyo, kalidad, at popularidad ng iyong listing sa kung paano ito lumalabas sa mga resulta ng paghahanap ng mga bisita

  • Subukan gawing available ang mas maraming petsa sa iyong kalendaryo para tumugma sa higit pang pamantayan sa paghahanap ng mga bisita

Gumawa at nag-publish ka ng listing. Gusto mo itong pansinin ng mga tao ngayon. Paano nila ito mahahanap? Narito ang ilang bagay na magagawa mo para tumaas pa ang iyong ranking sa resulta ng paghahanap.

Unawain ang pangunahing impormasyon

Gumagamit ang algorithm sa paghahanap ng Airbnb ng maraming salik para matukoy ang pagkakasunod-sunod ng mga listing sa mga resulta ng paghahanap. Hindi pantay ang pagsasaalang-alang sa bawat salik. Nakakaimpluwensya nang malaki ang presyo, kalidad at pagiging patok ng listing sa kung paano lumalabas ang listing.

Binibigyang priyoridad ng algorithm ang kabuuang presyo ng listing bago idagdag ang mga buwis (kabilang ang mga bayarin at diskuwento), at ang kalidad ng listing, kumpara sa mga katulad na listing sa lugar. Makakatulong ang mga litrato, review ng bisita, at iba pang katangian ng listing para matukoy ang kalidad nito.

Makakatulong ang pagtatakda ng sulit na presyo at pagpapanatili ng mataas na kalidad para tumaas ang iyong ranking. Karaniwang mas mataas ang ranking sa mga resulta ng paghahanap ng mga listing na nag-aalok ng pinakasulit na presyo sa anumang rehiyon.

Magsikap para maging patok

Sinusuri ng algorithm ng Airbnb ang pagiging patok ng iyong listing gamit ang malawak na hanay ng impormasyon. Kasama rito kung gaano kadalas binu-book ng mga bisita ang iyong listing, gaano nila kadalas binibisita ang page ng listing mo, at idinaragdag ang iyong listing sa kanilang mga wishlist.

Kadalasang mas mataas ang ranking sa mga resulta ng paghahanap kapag mas patok ang mga listing. Para makatulong sa pagpukaw ng interes ng mga bisita, inirerekomenda namin na:

  • Mag-alok ng mga amenidad na gusto ng mga bisita, gaya ng mabilis na wifi, sariling pag-check in, at libreng paradahan.
  • Ilarawan ang mga natatanging katangian ng iyong patuluyan gamit ang mga partikular na detalye na magpapaalam sa mga bisita kung ano mismo ang dapat nilang asahan.
  • Magtampok ng mga litratong may mataas na kalidad na nakakaengganyo. Kapag naglagay ka ng mga litratong may mataas na kalidad, maaari kang maging mas kapansin-pansin sa kategorya.

Magdagdag pa ng availability

Isinasaalang-alang ng algorithm ng Airbnb ang availability ng iyong listing, bilis ng pagtugon mo sa mga pagtatanong, at dalas ng pagtanggap mo ng mga reserbasyon. Kapag mas marami kang available na petsa sa iyong kalendaryo, mas malaki ang posibilidad na matugunan ng listing mo ang mga pamantayan sa paghahanap ng bisita at lumabas sa kanilang mga resulta ng paghahanap.

Mga puwede mong gawin para tumaas ang ranking ng iyong listing sa resulta ng paghahanap:

  • Tumugon sa mga kahilingan sa pagpapareserba sa loob ng 24 na oras. Iwasan ang madalas na pagtanggi sa mga kahilingan sa pagpapareserba.
  • Gamitin ang Madaliang Pag-book upang mahanap ng mga bisita ang iyong listing kapag na-filter nila ang kanilang mga resulta ng paghahanap para sa opsyong iyon. Sa pamamagitan ng feature na ito, madaliang mabu-book ng mga bisita ang iyong patuluyan (nang hindi mo na kailangang tanggapin ang kanilang mga kahilingan), para mapabilis ang pagtugon mo.
  • Bawasan ang bilang ng mga paghihigpit na nilalagay mo sa mga booking, tulad ng minimum at maximum na tagal ng pamamalagi.

Mag-alok ng mahusay na hospitalidad

Karaniwang tumataas ang iyong ranking sa resulta ng paghahanap sa paglipas ng panahon dahil sa kakayahan mong magtakda ng mga inaasahan ng bisita sa paglalarawan ng iyong listing, at natutugunan o nalalampasan mo bilang host ang mga ito.

Puwedeng humantong sa mas mataas na rating at review ang pamamalagi ng mga bisita sa iyong tuluyan kung nagbibigay ka ng mga tumpak na detalye tungkol sa iyong patuluyan at kung malinaw kang nakikipag-ugnayan sa kanila. Makakatulong din ito sa iyo para maiwasan ang mga reklamo sa customer service, na puwedeng negatibong makaapekto sa ranking ng iyong listing.

Isinasaalang-alang din ng algorithm kung Superhost ka—ang ginagamit naming termino para sa bihasang host na may mataas na rating—o kung natutugunan mo ang ilan o lahat ng mga kinakailangan para maging Superhost. Kasama sa mga rekisito ang mga bagay na tulad ng mabilis na pagtugon sa mga pagtatanong sa pagbu-book ng bisita, at ang pananatiling mababa ng bilang ng (iyong) pagkansela hangga't maaari.

May opsyon ang mga bisita na i-filter ang mga resulta ng paghahanap nila para ang mga listing lang na iniaalok ng mga Superhost ang kanilang ma-access.

Tuklasin ang higit pa sa aming gabay sa pag-set up ng matagumpay na listing

Posibleng nagbago ang impormasyong nakasaad sa artikulong ito mula noong na-publish ito.

Mga Katangi-tanging Feature

  • Nakakaapekto ang presyo, kalidad, at popularidad ng iyong listing sa kung paano ito lumalabas sa mga resulta ng paghahanap ng mga bisita

  • Subukan gawing available ang mas maraming petsa sa iyong kalendaryo para tumugma sa higit pang pamantayan sa paghahanap ng mga bisita

Airbnb
May 11, 2022
Nakatulong ba ito?