Pagpapasimple ng mga bayarin sa serbisyo

Papasimplehin namin ang estruktura ng bayarin namin sa mga piling bansa. Sa ganitong paraan, mas madaling malalaman kung magkano ang babayaran ng mga bisita para makapagtakda ka ng sulit na presyo. Alamin kung ano ang magbabago at kung paano mapapanatiling gaya pa rin ng dati ang mga payout kung nakatira ka sa Peru, South Korea, Germany, o UK.

Sa ngayon, karaniwang parehong nagbabayad ang mga host at bisita ng mga bayarin sa serbisyo. Dahil dito, kapag nagtakda ka ng presyo, makikita ng mga bisita ang mas mataas na halaga kung saan kasama ang bayarin sa serbisyo na sinisingil sa kanila.

Sinasabi sa amin ng maraming host na pinapahirap nito ang pagpepresyo. Halimbawa, kung USD100 ang itatakda mong presyo, USD115 ang makikita ng mga bisita pagkatapos idagdag ang bayarin na sinisingil sa bisita at kikita ka ng USD97 pagkatapos ikaltas ang bayarin na sinisingil sa host.*

Para pasimplehin ang presyo, pagsasamahin namin ang dalawang bayarin sa isahang bayarin sa serbisyo na 15.5% na babayaran ng mga host. Halimbawa, kung USD115 ang itatakda mong presyo, USD115 ang makikita ng mga bisita at kikita ka ng USD97 pagkatapos ikaltas ang isahang bayarin.

Lilipat sa isahang bayarin sa serbisyo ang mga host na nakatira sa Peru o South Korea sa Mayo 25. Lilipat ang mga host na nakatira sa Germany o UK sa Hunyo 22.

Nakabatay sa mga pandaigdigang average ng bayarin sa serbisyo ng Airbnb ang 15.5% bayarin.

Gumawa kami ng tool na makakatulong sa iyo na sabay‑sabay na i‑adjust ang mga presyo ng lahat ng listing mo bilang pagsasaalang‑alang sa isahang bayarin sa serbisyo.

Kakailanganin mong i‑adjust ang mga itinakda mong presyo para gaya pa rin ng dati ang mga payout mo kada gabi. Gamit ang nakaraang halimbawa, kung itatakda mo sa USD115 ang presyo mula sa USD100, kikita ka pa rin ng USD97 at USD115 pa rin ang makikita ng mga bisita.

Malalapat lang ang isahang bayarin sa serbisyo sa mga reserbasyong gagawin pagkatapos mong lumipat mula sa pinaghahatiang bayarin papunta sa isahang bayarin.

Kung wala kang gagawin bago lumipas ang deadline mo, bababa ang mga presyo at payout mo kada gabi. Halimbawa, kung papanatilihin mong USD100 ang itinakda mong presyo, kikita ka ng USD84.50 pagkatapos ikaltas ang 15.5% bayarin at USD100 ang presyong makikita ng mga bisita.

Matuto pa tungkol sa bayarin sa serbisyo ng Airbnb at sa tool sa adjustment ng presyo.

*Mga halimbawa lang ang mga ito. Hindi pa kasama ang mga bayaring idinaragdag ng mga host o mga buwis.

Mas malaki ang binabayarang bayarin sa serbisyo ng ilang host, kabilang ang mga may listing sa Brazil.

Sa ilang bansa at rehiyon, kasama ang mga buwis sa kabuuang presyong ipinapakita sa mga listing. Palaging kasama ang mga buwis sa kabuuang presyong ipinapakita sa mga bisita bago ang pag-check out.

Posibleng nagbago na ang impormasyong nakasaad sa artikulong ito mula noong na‑publish ito.