Pagbabahagi ng mga rekomendasyon sa tab na Mga Mensahe
Madalas humihingi ng payo ang mga bisita sa mga host tungkol sa pinakamagagandang lokal na bagay na dapat makita, gawin, at kainin. Puwede ka na ngayong magrekomenda ng mga experience at serbisyo sa Airbnb gamit ang mga na-update na tool sa pagpapadala ng mensahe.
Ano ang mga experience at serbisyo?
Mga aktibidad ang mga experience sa Airbnb na tumutulong sa mga bisita na makipag‑ugnayan sa mga lugar kung nasaan sila, tulad ng mga klase sa pagluluto, art workshop, at behind-the-scenes tour. Mga de‑kalidad na serbisyo ang mga serbisyo sa Airbnb na makakatulong na mapaganda pa ang pamamalagi ng bisita, kabilang ang mga masahe, nakahanda nang pagkain, at sesyon ng personal training.
Sinuri ang kalidad ng mga experience at serbisyo, at regular na sinusuri ang mga ito para masigurong nakakatugon sa mga pamantayan ng Airbnb. Maraming host ang kilala sa mga larangan nila.
I‑explore ang mga experience at serbisyo sa lugar mo.
Paano ako makakapagbahagi ng mga rekomendasyon?
May dalawang paraan para magrekomenda ng mga experience at serbisyo sa tab na Mga Mensahe. Puwede kang pumili sa mga piling listing na may mataas na rating o magbahagi ng mga link papunta sa mga paborito mo sa isang mensahe. Kapag nagrekomenda ka sa alinmang paraan, makakatanggap ang mga bisita ng digital card na nagsasaad ng pamagat, star rating, at bilang ng mga review ng listing.
Para pumili sa mga piling listing na may mataas na rating:
- Pumunta sa pag‑uusap ninyo ng bisita.
- I‑tap ang plus sign (+) sa tabi ng “Sumulat ng mensahe,” saka ang Magbahagi ng mga rekomendasyon.
- Pumili ng mga experience o serbisyong gusto mong irekomenda at idagdag ang mga iyon sa pamamagitan ng pag‑tap sa Ilakip.
- I‑tap ang arrow (↑) para ibahagi ang mga rekomendasyon.
Para magbahagi ng mga link papunta sa mga paborito mong listing:
- Kopyahin ang mga link papunta sa mga paborito mong experience at serbisyo at i‑paste ang mga ito sa mensahe.
- Kung gagamitin mo ang paraang ito, tandaang makakakita ang mga bisita ng mga digital card at makikita rin nila ang mga mismong link. Magiging kwalipikado ka lang para sa reward kung magta‑tap ang mga bisita sa digital card para mag‑book.
Paano ko ise‑save ang mga rekomendasyon ko sa mga mabilisang tugon?
Puwede kang gumawa ng mabilisang tugon o mag‑edit ng kasalukuyang tugon. Makakatipid ka ng oras kapag nag‑save ka ng mga link sa mga rekomendasyon mo sa nakasulat nang template. Puwede kang magpadala ng mabilisang tugon habang nakikipag‑usap ka sa mga bisita o iiskedyul na awtomatiko itong ipadala sa mahalagang sandali.
Para gumawa o mag‑edit ng mabilisang tugon:
- Pumunta sa tab na Mga Mensahe.
- I‑tap ang icon ng mga setting sa kanang bahagi sa itaas ng screen.
- I‑tap ang Pangasiwaan ang mga mabilisang tugon saka ang Gumawa.
- Pangalanan ang template at isulat ang mensahe.
- I‑tap ang Magdagdag ng mga detalye para gumamit ng mga placeholder na awtomatikong maglalagay ng pangalan ng bisita o iba pang impormasyon.
- Magsama ng mga link sa mga listing na inirerekomenda mo.
- I‑tap ang I‑save.
Posibleng nagbago na ang impormasyong nakasaad sa artikulong ito mula noong na-publish ito.