Pagtatakda ng malilinaw na dapat asahan ng bawat bisita

Napakahalaga ng katumpakan sa pagho-host.
Ni Airbnb noong Peb 17, 2023
2 minutong pagbabasa
Na-update noong Peb 17, 2023

Bilang bahagi ng mga pangunahing alituntunin para sa mga host, kailangang tumpak na inilalarawan ang iyong patuluyan sa page ng listing mo, kasama ang mga feature at amenidad na magagamit mula sa pag-check in hanggang sa pag-check out. Madidismaya ang mga bisita kung hindi tutugma ang karanasan nila sa kung paano mo inilarawan ang iyong patuluyan.

Pagtatakda ng mga makatotohanang maaasahan

Huwag labis na purihin ang iyong patuluyan o hindi magsaad ng anumang mahalagang bagay. Mainam na maging tapat tungkol sa mga posibleng hindi kagandahan ng iyong patuluyan at kapitbahayan, halimbawa, kung tumatagos ang liwanag sa umaga sa mga kurtina o malapit sa konstruksyon ang iyong patuluyan.

Tiyaking maayos ang pagtatakda mo ng mga dapat asahan sa tulong ng mga tip na ito:

  • Sabihin sa mga bisita kung ano mismo ang maaasahan nila sa paglalarawan ng iyong listing at maglagay ng mga litratong may caption. Ipaalam sa mga bisita kung may aso sa property o lumalangitngit ang hagdan.
  • Ilagay ang wastong bilang ng mga kuwarto at banyo. Kailangang naaayon din sa aktuwal na patuluyan mo ang isasaad mong uri ng listing mo. Kung nasa apartment complex ang iyong patuluyan, huwag itong ilarawan bilang tuluyan sa kanayunan.
  • Huwag kalabisan ang sabihin tungkol sa iyong mga amenidad. Kung isang oras ang layo mo sa patok na pasyalan, huwag sabihing malapit ka roon. Isaad mo kung gaano ka kalayo. Kung may takdang oras ng paggamit o pagsasara ang pool o hot tub, isaad ang mga iyon sa iyong listing.

Pagpapasaya sa mga bisita

Mas iniigihan ng mga matagumpay na host ang gawa kaysa sa salita. Ibig sabihin, iniiwasan nilang dagdagan ng pampaganda ang mga detalye ng listing nila at nag-aalok sila ng mahusay na hospitalidad na higit sa inaasahan.

Subukan ang mga suhestyong ito para mapabilib ang mga bisita sa pag-check in:

  • Maglagay ng mga makatotohanang litrato. Iwasan ang mga anggulong sobrang lawak at ang labis-labis na pag-edit dahil posibleng magmukhang mas malaki o mas maliwanag kaysa sa totoo ang patuluyan. Puwede kang kumuha ng propesyonal na photographer mula sa Airbnb sa ilang lokasyon.
  • Regular na magmentena. Madalas na siyasatin ang iyong patuluyan para makumpirmang available at gumagana ang lahat ng nakasaad sa listing. Kung may hot tub, swimming pool, dishwasher, at iba pa sa iyong patuluyan, tiyaking malinis at gumagana nang maayos ang mga ito bago dumating ang mga bisita.
  • Maghanda ng karagdagang bagay bilang tanda ng pasasalamat o pagpapahalaga sa iyong mga bisita. Puwedeng simple lang ito, gaya ng pambungad na mensahe sa sulat-kamay mo o kahon ng mga cookie.
Airbnb
Peb 17, 2023
Nakatulong ba ito?