Pagbibigay ng ilan pang detalye
Posibleng gusto mong malaman kung bakit may mga hinihingi sa iyong personal na detalye habang ginagawa ang listing. Ginagawa ito para makasunod kami sa Know Your Customer (KYC) na iniaatas ng batas.
Ano ang KYC?
Kinakailangan ang KYC ayon sa regulasyon para maprotektahan sa pandaraya ang komunidad ng Airbnb. Mapipigilan din nito ang money laundering at pagpopondo sa terorista. May mga proseso dapat ng KYC ang mga kompanyang lisensyadong magproseso ng bayad, gaya ng mga subsidiary ng Airbnb sa pagbabayad. Sa madaling salita, kinakailangan naming malaman kung sino ang nag-a-access sa bawat account sa Airbnb at kung sino ang nababayaran.
Ano ang kinakailangan?
Kakailanganin mong ibigay ang apat na impormasyong ito bago mo ma-publish ang listing.
- Legal na pangalan: Ibinigay mo ito noong gumawa ka ng Airbnb account.
- Petsa ng kapanganakan: Ibinigay mo ito noong gumawa ka ng Airbnb account.
- Address ng tirahan: Ibigay ang kasalukuyan mong address. Kung naiiba ito sa address ng listing mo, hindi ito makikita ng mga bisita. Makikita lang ng mga bisita ang address ng listing pagkatapos makumpirma ang reserbasyon.
- Nagho‑host ka ba bilang negosyo? Karaniwang ibig sabihin nitong nakarehistro sa estado o gobyerno ang negosyo mo. Kung nagho-host ka bilang negosyo sa EU, ito ang pangunahin mong pinagkakakitaan o nagtatrabaho ka para sa isang kompanya gaya ng boutique hotel o kompanya sa pangangasiwa ng property.
Paano ginagamit at sine-save ng Airbnb ang impormasyong ito?
Pinapangasiwaan ang impormasyon mo ayon sa aming Patakaran sa Privacy.
Ano ang mangyayari kung hindi ko ibibigay ang mga detalyeng ito?
Kinakailangan ang impormasyong ito ng KYC para mabayaran ka. Hindi ka makakapag-publish ng listing sa Airbnb hanggang sa ibigay mo ang mga detalyeng ito.
Ano ang susunod?
Posibleng humingi kami ng karagdagang impormasyon depende kung nasaan ka, tulad ng katibayan ng legal mong pangalan at petsa ng kapanganakan sa pampamahalaang ID.
Kung nagho-host ka bilang negosyo, hihingin namin ang mga detalye ng negosyo mo pagkatapos mong i-publish ang listing. Puwedeng kasama rito ang ID sa pagbubuwis ng negosyo, mga detalye ng pagpaparehistro, at impormasyon tungkol sa mga may-ari.
Posibleng nagbago ang impormasyong nakasaad sa artikulong ito mula noong na-publish ito.