Tamang presyo para sa bawat panahon

Posibleng makahikayat ng booking at lumaki ang kita mo kapag isinaayos ang presyo at availability. Gamit ang mga bagong setting na ito, makakapagtakda ka ng magkakaibang presyo depende sa panahon, makakatanggap ka ng mga pahabol na booking para mapuno ang kalendaryo, at makakasuri ka ng mga kahilingang magpareserba lampas sa palugit sa availability mo.

Makakatulong na maging sulit ang presyo kung ia-adjust ito ayon sa demand. Susuriin namin ang demand sa lugar mo at magmumungkahi kami ng mga seasonal na presyo na makakapagparami ng booking at kita. Narito ang ilulunsad simula sa Hulyo.

• Pagtatakda ng presyo sa buong taon: Magtakda ng magkakaibang batayang presyo kada buwan para makasabay sa nagbabagong demand.
• Adjustment sa weekend: Magtakda ng porsyentong dagdag sa presyo para sa weekend, gaya ng +15%, para madali itong ma-update sa lahat ng buwan.

Nakabatay ang mga iminumungkahi naming presyo sa demand para sa mga katulad na listing sa lugar mo at sa mga salik gaya ng lokasyon at mga amenidad ng listing. Magagawa mo anumang oras sa mapa na maghambing ng presyo ng mga katulad na listing sa malapit. Mae-edit mo rin ang mga iminumungkahi naming presyo bago gumawa ng anumang update.

Puwede mong i-adjust ang availability at presyo para sa pahabol na pagbu-book para mapanatiling sulit ang presyo habang papalapit ang mga gabing hindi naka-book. Magmumungkahi kami ng mga paraan para lumabas nang mas madalas ang listing mo sa mga resulta ng paghahanap at maparami ang mga booking. Narito ang ilulunsad simula sa Agosto.

• Minimum na bilang ng gabi para sa pahabol na pagbu-book: Payagan ang mas maiikling pamamalagi para sa mga gabing hindi naka‑book sa loob ng dalawang linggo bago mag-check in.
• Mga diskuwento para sa pahabol na pagbu-book: Unti-unting palakihin ang diskuwento para sa mga pahabol na pagbu-book para sa mga bisitang magbu-book nang 8–14, 2–7, at 0–1 araw bago dumating.

Puwede mong ilapat ang mga minimum na bilang ng gabi at diskuwentong iminumungkahi namin, o pumili ng gusto mo.

Kung gumagamit ka ng Madaliang Pag‑book, puwede mo nang suriin ang mga kahilingan sa pagpapareserba na lampas sa palugit sa availability mo. Mapapalaki nito ang kita mo kapag manwal kang tumanggap ng mga booking na malayo pa ang petsa.

• Pinalawig na availability: Makakahanap ng mga listing ang mga bisita sa mga resulta ng paghahanap para sa mga petsang lampas sa palugit sa availability. Mapapadalhan ka nila ng kahilingang magpareserba na dapat mong suriin sa loob ng 24 na oras.
• Mga setting sa pag-book: Huwag baguhin ang mga setting ng Madaliang Pag-book para ma-book pa rin kaagad ng mga bisita ang patuluyan mo sa mga petsang nasa palugit sa availability mo.

Puwede kang mag‑opt out sa pinalawig na availability anumang oras. I‑update lang ang mga setting ng availability mo.

Nakasaad sa USD ang mga presyo. Posibleng mag‑iba ang karanasan ng user batay sa lokasyon.

Ikaw lagi ang bahala sa presyo at iba pang setting mo. Posibleng maiba ang resulta para sa iyo.

Posibleng nagbago na ang impormasyong nakasaad sa artikulong ito mula noong na-publish ito.