Naghahambing sa mga katulad na listing sa malapit ang bagong tool para sa pagtatakda ng presyo

Note ng editor: Na‑publish ang artikulong ito bilang bahagi ng Airbnb 2023 Release sa Mayo. Maaaring nagbago ang impormasyon mula noong na‑publish ito. Matuto pa tungkol sa pinakabago naming release ng produkto.

Sa kauna‑unahang pagkakataon sa Airbnb, maihahambing mo na ang itinakda mong presyo sa average na presyo ng mga katulad na listing na na‑book sa malapit.

Sinabi sa amin ng mga host na tulad mo na mahirap pagpasyahan kung magkano ang sisingilin. Isinaalang‑alang namin ang natanggap naming feedback at ginawa naming mas madaling maunawaan ang pagtatakda ng presyo para sa iyong lugar.

May bagong mapa kung saan madalian mong malalaman ang average na presyo ng mga listing na katulad ng iyo, na‑book man o hindi ang mga iyon. Puwede mo iyong gamitin kapag nagtatakda o nag‑a‑update ka ng presyo.

“Kadalasang nabu‑book na ang listing namin kahit ilang buwan pa bago ang takdang petsa, pero gusto ko pa ring alamin ang presyo ng ibang tuluyan at kung magkano ang kinikita ng mga host sa lugar ko kada gabi,” sabi ni Felicity na miyembro ng Host Advisory Board at Superhost sa New South Wales, Australia. “Palagi kong sinisigurong sulit para sa mga bisita ang itinatakda kong presyo. Sa palagay ko, malaki ang maitutulong ng feature na ito sa maraming host.”

Ganito maghambing ng mga presyo:

• Pumili ng anumang petsa sa kalendaryo mo o hanay ng petsa na hanggang 31 gabi.
• I‑tap o i‑click ang presyo kada gabi. Sa button sa ibaba mismo ng presyo, may icon ng mapa at nakasaad ang mga salitang “Ihambing ang itinakda mong presyo.”
• I‑tap o i‑click ang button na iyon para buksan ang mapang nagsasaad sa average na presyo ng mga listing na katulad ng iyo. Sa mapa, puwede mong piliing itampok ang average na presyo ng mga listing na na‑book o hindi na‑book sa iyong lugar.

Ang mga presyong nasa mapa ang average na presyo ng bawat listing sa mga napiling petsa noong na‑book o hindi na‑book ang mga iyon. Kabilang sa mga salik na ginagamit para matukoy kung ano‑anong listing ang katulad ng iyo ang lokasyon, sukat, mga feature, mga amenidad, mga rating, mga review, at iba pang listing na bina‑browse ng mga bisita habang isinasaalang‑alang ang iyo.

Kasama ang mga bagong tool na ito sa Airbnb 2023 Release sa Mayo na may 25 upgrade para sa mga host. Sumali sa Maagang Access para magamit na ang mga bagong tool na ito.