Hindi available sa pinili mong wika ang nilalamang ito, kaya inihanda namin ito sa pinakamalapit na available na wika sa ngayon.

Paano gumagana ang proseso ng pagbu-book sa Airbnb?

Kunin ang mga detalye tungkol sa mga pagtatanong, mga kahilingang mag-book, Madaliang Pag-book, at marami pang iba.
Ni Airbnb noong Peb 9, 2021
3 minutong video
Na-update noong Ago 18, 2022

Mga Katangi-tanging Feature

  • Maaaring magpadala ang mga bisita ng mga tanong kaugnay ng booking kung mayroon silang mga nais malaman tungkol sa iyong lugar

  • Puwede mong gamitin ang Madaliang Pag-book o hilingin ang mga manwal na kahilingan sa pagpapareserba

  • Napakalaking bahagi ng pagiging matagumpay na host ang pagiging ingklusibo sa pagho-host

Idinisenyo ang proseso ng pagbu-book sa Airbnb para maging simple at madali. Pero bilang bagong host, maaaring may ilan kang katanungan tungkol sa kung paano ang proseso nito.

Magiging handa ka nang tumanggap ng mga una mong bisita kapag naunawaan mo na ang proseso ng pagtanggap at pagtugon sa mga tanong kaugnay ng pag-book, pag-on o pag-off sa Madaliang Pag-book, pagsubaybay sa mga reserbasyon, at pagpaplano nang maaga sa iyong kalendaryo.

Pagtanggap ng mga pagtatanong para sa pagbu-book

Maaaring may mga tanong ang ilang bisita—halimbawa, tungkol sa mas maagang oras ng pag-check in, o eksaktong lokasyon mo. Mapapadalhan ka ng mga bisitang ito ng tanong kaugnay ng pagbu-book bago magpareserba. Kapag nakatanggap ka ng tanong, makakatanggap ka ng email, ng abiso sa iyong Airbnb inbox, o pareho, depende sa iyong mga setting.

Kahit na gumagamit ka ng Madaliang Pag-book, maaari munang magpadala sa iyo ang mga bisita ng tanong kaugnay ng pagbu-book para makakuha ng kaunti pang impormasyon bago sila magpareserba. May 24 na oras ka para tumugon sa kanilang mensahe. Kapag natugunan mo na ang kanilang mga tanong, puwede kang magpadala ng:

  • Paunang pag-apruba, na nagpapahintulot sa mga bisita na i-book nila ang iyong tuluyan nang walang karagdagang pagkilos mula sa iyo sa loob ng 24 na oras kung in-off mo ang Madaliang Pag-book
  • Espesyal na alok, na hinahayaan kang mag-alok ng diskuwento (kadalasang ginagamit para sa mas matatagal na pamamalagi)
  • Notipikasyon ng pagtanggi kung hindi mo mapapatuloy ang bisita, hangga't sinusunod mo ang aming patakarang laban sa diskriminasyon

May tatlong opsyon ang screen sa pagtatanong tungkol sa booking: paunang aprubahan, espesyal na alok, o tanggihan.
Kung gusto mong maging Superhost, kakailanganin mo ng 90% rate sa pagtugon (kasama ng iba pang salik), kaya subukang tumugon sa mga bisita sa loob ng 24 na oras.

Paano puwedeng i-book ng mga bisita ang iyong tuluyan

Makakapag-book ng pamamalagi ang mga bisitang walang anumang tanong sa pamamagitan ng Madaliang Pag-book kung naka-on ito, o ng kahilingan sa pagpapareserba kung naka-off ito.

  • Default na opsyon ang Madaliang Pag-book sa pagbu-book para sa lahat ng listing. Kung gagamitin mo ito, agad na mabu-book ang iyong lugar para sa anumang available na petsa ng mga bisitang nakakatugon sa lahat ng iyong mga rekisito at sumasang-ayon sa iyong mga alituntunin sa tuluyan. Ipinapahiwatig din ng paggamit ng Madaliang Pag-book na handa kang mag-host ng sinumang nakakatugon sa iyong mga pamantayan sa pagbu-book. Isa itong mahalagang bahagi ng pagiging ingklusibong host.
  • Kung may mga kahilingan sa pagpapareserba sa iyo, mayroon kang hanggang 24 na oras para suriin at tanggapin o tanggihan ang bawat isinumiteng kahilingan sa pagbu-book. Maa-access mo ang mga review at profile ng mga bisita. Mas pinipili ng ilang host, lalo na ng mga may natatanging tuluyan o hindi regular na iskedyul, ang mga manwal na kahilingan sa pagbu-book.
Kapag nakatanggap ka ng kahilingan sa pagpapareserba, mag-scroll pababa para i-access ang profile ng bisita at ang mga kamakailang review.
Sinisikap naming tumugon sa lalong madaling panahon. Sinusubukan rin naming tumanggap ng maraming kahilingan hangga't maaari. Isa itong tiyak na paraan para mapataas ang iyong mga ranking sa resulta ng pahahahanap.
Superhosts Danielle and Eli,
Tannersville, New York

Panatilihing napapanahon ang iyong kalendaryo

Puwede mong isaayos ang presyo at mga setting para makatugon sa lokal na demand para sa iba't ibang panahon ng taon. Ilang mabilis na tip sa paggamit ng kalendaryo:

Alamin ang higit pang detalye tungkol sa mga setting ng kalendaryo at booking

Kapag naunawaan mo kung paano puwedeng i-book ng mga bisita ang iyong tuluyan at kung ano ang karanasan nila sa booking, magiging handa ka nang tumuon sa masayang bahagi ng pagho-host: ang pagtanggap sa iyong mga bisita.

Posibleng nagbago ang impormasyong nakasaad sa artikulong ito mula noong na-publish ito.

Mga Katangi-tanging Feature

  • Maaaring magpadala ang mga bisita ng mga tanong kaugnay ng booking kung mayroon silang mga nais malaman tungkol sa iyong lugar

  • Puwede mong gamitin ang Madaliang Pag-book o hilingin ang mga manwal na kahilingan sa pagpapareserba

  • Napakalaking bahagi ng pagiging matagumpay na host ang pagiging ingklusibo sa pagho-host

Airbnb
Peb 9, 2021
Nakatulong ba ito?