Pagpapaalam sa mga bisita ng ikinaganda ng iyong patuluyan
Pangunahing priyoridad para sa mga bisita ng Airbnb ang mga amenidad. Kapag naghahanap ng lugar na matutuluyan, puwede nilang i-filter ang kanilang mga resulta para ang mga listing lang na may mga amenidad na gusto nila ang lalabas.
Puwedeng maging mas madali at mas kasiya-siya ang mga biyahe para sa mga bisita kapag mayroong mga mumunting kaginhawaan tulad ng TV o first-aid kit. Kaya mainam na isama ang anumang iniaalok mo.
Kadalasang naghahanap ang mga bisita ng mga listing na may:
- Wifi
- Kusina
- Washer o dryer
- Libreng paradahan
- Air conditioning
- Nakatalagang workspace
- Pool o hot tub
Para magdagdag ng mga amenidad, piliin ang mga item sa mga inilaang listahan ng mga namumukod-tangi at paborito ng bisita. Puwede kang magdagdag ng mga amenidad na hindi mo mahanap dito pagkatapos mong i-publish ang iyong listing.
Sunod, isaad ang mga pangkaligtasang item na available sa lugar, tulad ng smoke alarm.
Ilang maikling tip:
1. Tiyaking hindi kulang ang paglalarawan mo sa iyong tuluyan. Kung mayroon kang amenidad, isama ito. Hayaang magpasya ang mga bisita, halimbawa, kung kasing komportable ba ng kainan sa labas na may mga upuang may cushion ang kainan sa labas na may mesang pang-piknik.
2. Itakda ang mga maaasahan ng bisita. Tandaang magbigay ng higit pang detalye sa paglalarawan ng iyong listing, halimbawa, kung gas o uling ba ang ginagamit para sa iyong BBQ grill.
3. Mag-isip na parang bisita. Tanungin ang iyong sarili kung ano ang gusto at kailangan mo bilang bisita kapag bumibiyahe ka. Pag-isipang idagdag ang mga item na iyon at iba pang amenidad, sa paglipas ng panahon.
“Tiyaking mag-alok ng mga pangunahing amenidad,” sabi ni Harry, host sa Athens, Greece, dahil makakatulong ito para makaengganyo ka ng mga booking. "Nalaman kong sulit ang paggastos ng kaunting pera sa steam iron at hair blower."