Paano gumawa ng nakakaengganyong pamagat

Puwedeng makatulong ang mga maikli at madaling basahing pamagat para mamukod-tangi ang iyong lugar sa mga resulta ng paghahanap.
Ni Airbnb noong May 5, 2021
2 minutong pagbabasa
Na-update noong Nob 16, 2022

Ang iyong pamagat ang magbibigay sa iyo ng pagkakataon para mapansin ng tao kung ano ang talagang maganda tungkol sa iyong tuluyan. Ang masayang bahagi nito ay kung paano mo ito gagawin gamit lang ang ilang piling salita.

Dahil nangyayari ang 75% ng mga paghahanap sa Airbnb sa mga mobile device, limitado sa 32 karakter ang kabuuan ng mga pamagat, kabilang na ang mga espasyo. Napipigilan nitong maputol ang mga ito sa mga smartphone at tablet na may mas maliliit na screen.

Paano gumawa ng nakakaengganyong pamagat:

  • Magdagdag ng mga detalye nang hindi inuulit ang impormasyon. Hindi mo kailangang sabihin sa mga bisita kung ano ang lumabas sa mga resulta ng paghahanap, tulad ng iyong lungsod o bayan at kabuuang bilang ng mga higaan. Itampok ang mga bagay tungkol sa iyong tuluyan na makakatulong para makahikayat ng mga bisita, tulad ng nangungunang amenidad o malapit sa interesanteng lokasyon.
  • Iwasan ang mga emoji at simbolo. Gumamit ng mga simple at naglalarawang salita (tulad ng komportable, nakakabighani, rustic, o maluwang). Ayos lang gumamit ng mga espesyal na karakter, pero huwag ulitin ang mga ito para magbigay-diin (gaya ng !!! o ***).
  • Isulat ito na parang pangungusap, na kadalasang pinakamadaling basahin. Sa sentence case, dapat malaking titik ang unang letra lang ng unang salita sa iyong pamagat. Iwasang gumamit ng malalaking titik sa ibang salita, maliban na lang kung pangngalang pantangi ito gaya ng Yellowstone.

Kung nahihirapan kang gawin itong maikli, subukan ang gawaing ito:

  • Isipin kung ano ang nakakaengganyo at natatangi sa iyong tuluyan.
  • Magsulat ng ilang salita na partikular na naglalarawan dito hangga't maaari.
  • Tandaang hindi ito kuwento—iniimbitahan mo lang ang mga bisita na matuto pa.

Narito ang tatlong halimbawa ng mabisang pamagat para magkaroon ka ng inspirasyon:

  • Retreat sa tabing-dagat na may mga kayak
  • Romantikong Victorian na kuwarto ng bisita
  • Eco-friendly na studio na malapit sa LAX

Hindi ka ba sigurado kung nagawa mo nang tama? Puwede mong baguhin ang iyong pamagat anumang oras. Sa katunayan, maraming host ang nag-a-update ng mga pamagat nila kapag nagdagdag sila ng mga amenidad o kapag nalaman nila kung ano ang pinakagusto ng ilang unang bisita.

Maaaring nagbago ang impormasyong nakasaad sa artikulong ito mula noong na-publish ito.
Airbnb
May 5, 2021
Nakatulong ba ito?