Paano magtakda ng presyo kada gabi

Alamin ang lokal na demand at pag‑isipang mag‑alok ng promo para makahikayat ng mga una mong bisita.
Ni Airbnb noong Hul 14, 2022
2 minutong pagbabasa
Na-update noong May 12, 2023

Bilang host, ikaw ang bahalang magtakda ng presyo kada gabi, at puwede mo itong baguhin anumang oras.

Kung wala kang maisip na panimulang presyo, puwede mong alamin sa ilang hakbang lang ang average na presyo ng mga katulad na listing sa malapit:

  1. Pumili ng petsa o hanay ng petsa sa kalendaryo mo.

  2. I‑tap o i‑click ang presyo kada gabi. Sa button sa ibaba mismo ng presyo, may icon ng mapa at nakasaad ang mga salitang “Ihambing ang mga katulad na listing.”

  3. I‑tap o i‑click ang button na iyon para buksan ang mapang nagsasaad sa average na presyo ng mga listing na katulad ng iyo. Sa mapa, puwede mong piliing itampok ang average na presyo ng mga listing na na‑book o hindi na‑book sa lugar.

Tandaang hindi ang itinakda mong presyo kada gabi ang kabuuang presyong babayaran ng bisita. Para malaman ang kabuuang presyong babayaran nila at ang kumpletong detalye ng presyo:

  1. Pumili ng kahit ilang gabi sa kalendaryo mo.

  2. Sa ibaba ng presyo kada gabi, may button na “Kabuuang babayaran ng bisita” na nagsasaad sa kabuuang presyong babayaran ng bisita para sa reserbasyong iyon.

  3. I‑tap o i‑click ang button na iyon para buksan ang detalye ng presyo na nagsasaad sa itinakda mong presyo kada gabi, mga bayarin, anumang diskuwento o promo, mga buwis, at mga kikitain mo.

Kung bagong host ka na may ilang review pa lang, mainam na magsimula ka sa presyong mas mababa kaysa sa target mong presyo. Sa pamamagitan ng promo para sa bagong listing, makakapag‑alok ka ng 20% diskuwento sa unang tatlong bisita para makahikayat ka ng mga nagbu‑book. Maaaring handang magbayad nang mas malaki ang mga bisita kapag nakatanggap na ng higit pang magagandang review ang lugar na matutuluyan.

Kapag na‑publish mo na ang iyong listing, lalabas sa kalendaryo mo ang lahat ng tool para sa pagtatakda ng presyo. Magagawa mo roong ayusin ang presyo para sa mga partikular na petsa, pag‑isipan ang mga diskuwento at promo, at marami pang iba.

Posibleng nagbago ang impormasyong nakasaad sa artikulong ito mula noong na‑publish ito.

Airbnb
Hul 14, 2022
Nakatulong ba ito?