Pagpapasya kung ilang bisita ang maaaring mamalagi sa iyong patuluyan

Kasama sa mga unang bagay na gustong malaman ng mga potensyal na bisita tungkol sa tuluyan ang kung gaano ito kalaki. Sa pamamagitan ng pagsasaad sa bilang ng mga bisita na puwede mong tanggapin at sa bilang ng higaan, kuwarto, at banyo na available, matutulungan mong magpasya ang mga tao kung angkop para sa kanila ang iyong patuluyan.

Makakapagbigay ka ng higit pang detalye pagkatapos mong i-publish ang iyong listing, kasama ang pagbabahagi ng mga uri ng higaan at amenidad ng bawat kuwarto, tulad ng mga hanger at karagdagang unan. Sa ngayon, puwede mong pagtuunan ng pansin kung gaano karaming bisita ang gusto mong patuluyin sa iyong tuluyan.

Kung hindi ka sigurado, subukan ang mga tip na ito:

• Bilangin ang mga higaang mayroon ka. Isaalang-alang kung ilang tao ang komportableng makakatulog sa bawat isa.
• Bilangin ang mga banyo na mayroon ka. Isaalang-alang kung ilang tao ang komportableng makakagamit sa mga iyon.
• Magtakda ng maximum na bilang ng bisita na ayos para sa iyo. Hindi mo kailangang magpatuloy ng singdaming bilang ng bisita na puwedeng matulog sa iyong tuluyan.
• Iwasang sorpresahin ang mga bisita. Kung kasama sa bilang ng iyong higaan ang mga couch, futon, air mattress, o iba pang temporaryong kaayusan sa pagtulog, tiyaking banggitin ito sa mga susunod na hakbang, tulad ng paglalagay mo ng iyong paglalarawan ng listing o mga caption ng litrato. Makakatulong din ang pagbanggit kung may kuna o mga bunk bed ka na may mga rail.
• Huwag gumawa ng mga haka-haka. Halimbawa, maaaring walang planong maghati sa higaan ang dalawang taong nagbibiyahe nang magkasama.

Kapag handa ka na, gamitin ang mga button na plus at minus para itakda ang iyong maximum na bilang ng bisita at para ipaalam kung ilang higaan, kuwarto, at banyo ang available. Kapag may counter ng banyo, puwede itong bilangin bilang half-bathroom (na may toilet at lababo ngunit walang shower o tub).

Tandaan, puwede kang gumawa ng mga pagbabago sa iyong impormasyon, kasama ang bilang ng mga higaan at pinahihintulutang bisita, anumang oras kung magbago ang iyong sitwasyon o mga pangangailangan.