Para makapag‑host ng maayos na experience

Natutuwa ang mga bisita kapag nakatuon ang host nila sa pagbibigay ng maayos na experience. Ibig sabihin nito, kailangang mabilis kang tumugon, nagbibigay ka ng malilinaw na tagubilin sa pagdating, tumpak ang paglalarawan mo sa iniaalok mong experience, dumarating ka sa oras, at organisado ka.

Gamitin ang mga tool sa pagpapadala ng mensahe ng Airbnb para mabilis na tumugon sa mga mensahe ng mga bisita bago at pagkatapos ng experience.

• Gumamit ng mga mabilisang tugon. Kumukuha ng mga detalye ang mga template ng mensahe na ito mula sa listing mo at sa mga reserbasyon ng mga bisita para matulungan kang mabilis na tumugon. Puwede mong i‑edit ang mga ito, pati na iiskedyul para maipadala sa mga partikular na pagkakataon, halimbawa, pagkatapos mismong mag‑book ng bisita.
• I‑set up ang mga notipikasyon. Baka mas mabilis ka pang makatugon kapag napansin mo kaagad ang mga mensahe ng mga bisita. Mag‑abang ng mga mensahe habang papalapit na ang oras ng pagkikita.

“Napakahalagang mabilis na tumugon,” sabi ni Jib na nagho‑host ng klase sa pagluluto sa Bangkok. “Kapag mas mabilis mong nasolusyunan ang mga problema ng mga bisita o nasagot ang mga tanong nila, mas mararamdaman nilang maaasahan ka.”

Siguraduhing alam ng mga bisita kung saan magkikita para maiparating na maaasahan ka.

• Sumulat ng mga detalyadong tagubilin. Maglagay ng mahahalagang detalye para matulungan ang mga bisita na mahanap ang pagkikitaan at malaman kung paano ka makikilala.
• Magbahagi ng mga direksyon bago ang takdang oras. Mag‑iskedyul ng mabilisang tugon na naglalaman ng mga tagubilin sa pagdating isa o dalawang araw bago ang experience para may oras pa para makapagtanong ang mga bisita.

Nagho‑host si Dani ng walking tour sa Brooklyn, at nagpapadala siya ng pambungad na mensahe kapag may nag‑book na bisita kung saan ipinapaliwanag niya ang subway at kung saan sila magkikita at magsisimula ng walking tour. “Sa ganoong paraan, mapaplano ng mga bisita habang maaga pa kung ano pa ang gagawin nila sa araw nila,” sabi niya.

Dapat idetalye sa listing mo kung ano ang maaasahan ng mga bisita sa experience.

• Magdagdag ng mga co‑host. Pumunta sa kalendaryo mo para idagdag ang mga katuwang mong co‑host sa mga time slot na iho‑host nila. Sa ganitong paraan, malalaman ng mga bisita kung sino ang hahanapin.
• Maglagay ng detalyadong impormasyon. Para matulungang maghanda ang mga bisita para sa experience mo, ibahagi ang lahat ng kailangan nilang malaman sa paglalarawan at mga litrato ng listing mo. Halimbawa, puwede mong ipaalam sa kanila kung ano ang dapat nilang baunin, tulad ng hiking shoes at tubig, o puwede kang magpakita ng mga litrato ng matatarik na hagdan.

“Sinasabihan ko ang mga bisita na maglalakad kami papunta sa palengke kung saan mapapaligiran sila ng malalakas na ingay at matatapang na amoy,” sabi ni Graciela na nagho‑host ng klase sa pagluluto sa Mexico City. “Sa ganitong paraan, darating sila nang handa at nasasabik na sa mararanasan nila.”

Makakatulong na masigurong maayos ang experience kapag sinunod mo ang itinakda mong itineraryo.

• Maglaan ng panahon para magplano nang maaga. Ihanda ang lokasyon at ang anumang kagamitan para masigurong masusunod ang itinakdang oras para sa experience. Halimbawa, tiyaking malinis ang lugar at may sapat na upuan at workspace.
• Magtakda ng masusunod na daloy. Magsimula at matapos sa oras, at magsingit ng mga break para hindi kailangang madaliin ang mga aktibidad.

“Pinaglalaanan ko ng oras ang pagpaplano sa ruta ko,” sabi ni Evren na nagho‑host ng walking tour para sa musika sa Soho sa London. “Pagkatapos, paulit‑ulit kong pinapraktis iyon para masigurong walang magiging aberya.”

Dapat matugunan ng lahat ng host, litrato, at detalye ng listing ang mga pamantayan at rekisito para sa mga Experience sa Airbnb.

Posibleng nagbago na ang impormasyong nakasaad sa artikulong ito mula noong na‑publish ito.