Mga tip para maiwasan ang hindi kinakailangang mga pagkansela

Madalas na i-update ang iyong kalendaryo, magtakda ng presyong mainam para sa iyo, at higit pa.
Ni Airbnb noong May 4, 2021
3 minutong pagbabasa
Na-update noong Peb 16, 2023

Mga Katangi-tanging Feature

  • Makakuha ng mga tip para pangasiwaan at i-update ang iyong kalendaryo

  • Magtakda ng presyo at presyo kada gabi na angkop para sa iyo

  • Kilalanin ang iyong mga bisita

Kapag nag-book ng biyahe ang bisita, ang pagpapahinga lang sa beach o pag-explore sa bagong lungsod ang gusto nilang pag-isipan, kaya puwedeng magdulot ng malaking abala ang pagkansela. Nakakasira ng tiwala sa pagitan ng mga host at bisita ang mga pagkansela, at nagdudulot din ito ng mga bayarin at penalty.

Mahusay ang ginagawa ng mga host para tupdin ang mga reserbasyon sa kanila. Ginagawa rin nila ang higit pa sa inaasahan sa kanila para suportahan ang mga bisita araw-araw. Narito ang ilang tip para maiwasan mo ang anumang hindi kinakailangang pagkansela.

Pagtiyak na laging napapanahon ang iyong kalendaryo

Iminumungkahi ni Omar, isang Superhost sa Mexico City, na sundin ang mga trend sa pagbibiyahe at magplano nang maaga. “Unawain ang mga trend sa pagbibiyahe sa iyong lugar—ang panahon kung kailan pinakamataas, mataas, at mababa ang demand—nang maagang maplano ang availability sa iyong kalendaryo para sa mga maikli, katamtaman, o pangmatagalang pamamalagi,” sabi niya.

  • I-block ang mga partikular na petsa kung kailan alam mong hindi ka makakapag-host.
  • Tukuyin kung gaano kaaga ang paunang abiso na kailangan mo mula sa mga bisita.
  • Planuhin ang iyong kalendaryo nang mas maaga ng hanggang dalawang taon.
  • Suriin ang iyong kalendaryo nang regular at isaayos ito kapag kailangan.
Unawain ang mga trend sa pagbibiyahe sa iyong lugar para maagang maplano ang availability sa iyong kalendaryo.
Superhost Omar

Pagpili ng tamang mga setting ng kalendaryo at booking

Magandang paraan ang Madaliang Pag-book para higit na makatipid sa oras at hindi maabala, basta't madalas na ina-update ang iyong kalendaryo at mga setting.

  • Pag-isipang i-sync ang iyong kalendaryo sa Airbnb sa pangunahing kalendaryo mo (tulad ng iCal o Google).
  • Panatilihing updated ang kalendaryo mo para mahusay na magamit ang Madaliang Pag-book.
  • Kung hindi updated ang kalendaryo mo, posibleng makatanggap ka ng dobleng booking o booking sa petsang hindi mo mapapaunlakan, at posibleng magpataw ng bayarin sa pagkansela dahil dito.
Para maiangkop sa gusto mo ang mga setting sa pag-book, itakda ang minimum at maximum na tagal ng pamamalagi, kung gaano katagal ang gusto mong paunang abiso, at ang tagal ng panahong kailangan mo para mapaghandaan ang mga bisita.

Pagtatakda ng presyong mainam para sa iyo

Pinakamahalaga sa paggawa ng diskarte sa pagpepresyo ang paghahanap ng tamang balanse kung saan makakahikayat ka ng mga bisita at masaya ka sa iyong kinikita.

  • Magtakda ng iniangkop na presyo para sa mga partikular na gabi, linggo, o buwan.
  • Alamin ang presyo kada gabi para sa mga listing sa iyong lugar na katulad ng sa iyo.
  • Para maiwasan ang panghuhula ng presyo, puwede mong i-on ang Smart Pricing.

Pagkilala sa mga potensyal na bisita

Napakahalaga ng patuloy na pakikipag-ugnayan sa mga bisita. Kaya naman, pinapadali ng aming mga tool sa pagpapadala ng mensahe ang pangangasiwa rito.

  • Kung gusto mong makilala pa ang potensyal na bisita, basahin ang kanyang mga review.
  • Puwede kang magpadala ng parehong mabilisang tugon sa lahat ng potensyal na bisita para makaugnayan mo sila at makakuha ka ng higit pang impormasyon.
  • Buksan ang pinto sa pagiging ingklusibo kahit sa pamamagitan man lang ng pagtatanong sa iyong mga bisita, Ano ang kailangan mo para maging komportable at maramdamang tanggap ka sa aking tuluyan? 
  • Magbigay ng mga paunang pag-apruba at paghihikayat sa mga bisitang nakikipag-ugnayan sa iyo bago mag-book. Napag-alaman naming nakikipag-ugnayan minsan ang mga bisita sa mga host bago mag-book para tantiyahin kung tatanggapin at magiliw silang papatuluyin.

Higit sa lahat, tandaan ang aming patakarang laban sa diskriminasyon. Sa pagho-host sa Airbnb, sumasang-ayon kang tratuhin ang lahat ng bisita nang may pagsasaalang-alang sa ingklusyon at respeto.

Makakuha ng higit pang impormasyon tungkol sa mga pagkansela ng host

Maaaring nagbago ang impormasyong nakasaad sa artikulong ito mula noong na-publish ito.

Mga Katangi-tanging Feature

  • Makakuha ng mga tip para pangasiwaan at i-update ang iyong kalendaryo

  • Magtakda ng presyo at presyo kada gabi na angkop para sa iyo

  • Kilalanin ang iyong mga bisita

Airbnb
May 4, 2021
Nakatulong ba ito?