Malinaw at simpleng pag‑check out

Isang pagkakataon ang pag‑check out para mag-iwan ng huling tatatak sa mga bisita sa pamamalagi nila. Kapag nagtakda ka ng mga dapat asahan, nagbigay ng mga simpleng tagubilin, at nagpadala ng mga paalala, puwedeng mapadali ang routine mo sa pagho‑host at maging mas maayos ang pag‑check out para sa mga bisita. 

Puwede kang maglagay ng mga tagubilin sa pag‑check out sa Gabay sa Pagdating sa pang‑edit ng listing. Para mabilisang gumawa ng listahan para sa pag‑check out, pumili sa mga karaniwang gawaing ito: 

• Tipunin ang mga nagamit nang tuwalya
• Itapon ang basura
• I‑off ang mga dapat i‑off
• I‑lock ang mga dapat i‑lock
• Isauli ang mga susi

Puwede kang maglagay ng mga detalye para sa bawat gawain. Halimbawa, puwede mong hilingin sa mga bisita na paghiwalayin ang basura at ang mga puwedeng i‑recycle. Puwede ka ring maglagay ng mga kahilingang partikular sa patuluyan mo, gaya ng pagtatakip sa ihawan pagkatapos itong gamitin.

Mababasa ng mga bisita ang mga tagubilin sa pag‑check out at mga alituntunin sa tuluyan bago sila mag‑book. Kapag nag‑book na sila, mahahanap nila ang mga tagubilin sa pag‑check out sa tab na Mga Biyahe kasama ng mga alituntunin sa tuluyan, impormasyon ng WiFi, at iba pang mahalagang detalye. 

Inaasahan ng mga bisita na madali lang ang pag‑check out at walang kailangang gawing paglilinis. Hindi nila dapat iwan ang patuluyan mo sa kondisyong kailangan ng labis o masusing paglilinis alinsunod sa mga pangunahing alituntunin para sa mga bisita ng tuluyan. 

“Sinisikap naming gawing simple hangga't maaari ang proseso ng pag‑check out,” sabi ni Keshav, isang Superhost sa New Delhi. “Darating ang tagalinis at gagawin niya ang lahat ng kailangang gawin.”

Gamit ang card sa pag‑check out, madali kang makakapagpadala sa mga bisita ng impormasyon sa pag‑check out. Kapag naglagay ka ng mga tagubilin sa pag‑check out, puwede kang magdagdag ng card sa pag‑check out sa mabilisang tugon. Naka‑link ang card sa mga tagubiling itinakda mo.

Kapag nag‑iskedyul ka ng mabilisang tugon, masisigurado mong makakatanggap ang mga bisita ng paalala sa pag‑check out kahit na hindi nila na‑download ang app o hindi naka‑on ang mga notipikasyon nila. Makakatanggap sila ng email at ng direktang mensahe mo.

Awtomatikong magpapadala ang Airbnb sa mga bisita ng paalalang isinasaad ang nakatakdang oras ng pag‑check out at mga tagubilin sa pag‑check out. Ipapadala iyon bilang notipikasyon sa mobile device nila pagsapit ng 5:00 PM sa araw bago ang nakatakdang pag‑check out ayon sa time zone kung saan sila namamalagi. 

Para matanggap ng mga bisita ang paalalang iyon, kailangan nilang i‑download ang Airbnb app at i‑on ang mga notipikasyon. Kapag nag‑check out ang mga bisita, maipapaalam nila sa iyo na nakaalis na sila sa isang tap o click lang.

Mainam na bigyang‑diin kung bakit kinakailangang mag‑check out sa oras. “Sinasabihan ko ang mga bisita na darating ang tagalinis nang 11:00 AM para ihanda ang apartment para sa mga susunod na bisita kaya naiintindihan nila kung bakit mahalagang umalis nang nasa oras,” sabi ni Joh na Superhost sa Forestville, California.

Kapag nakaalis na ang mga bisita, puwede nilang bigyan ng star rating ang pakikipag‑ugnayan mo at tukuyin kung ano ang maganda o puwede pang mapabuti. Isang opsyon ang mag‑ulat ng “sobra‑sobrang gawain sa pag‑check out.” Puwedeng alisin sa Airbnb ang mga listing na paulit‑ulit na makakatanggap ng mababang rating dahil sa mga hindi makatwirang gawain.

Pipili rin ang mga bisita ng kabuuang star rating para sa pamamalagi nila. Hindi makakaapekto sa pagiging Superhost ang feedback at star rating para sa mga partikular na kategorya gaya ng pakikipag‑ugnayan.