Gumawa ng guidebook para ibahagi ang iyong mga lokal na tip

Maraming host ang nagbibigay sa kanilang mga bisita ng mga lokal na suhestyon, halimbawa, kung saan mainam magkape o kumain sa labas. Sa halip na sumulat ng mga tip para sa bawat bisita, makakatipid ka ng oras kapag gumawa ka ng digital na guidebook sa Airbnb dahil mapapagsama-sama mo ang iyong mga rekomendasyon sa iisang lugar.

Maa-access ng mga bisita ang iyong guidebook sa tab na Mga Biyahe nila at sa iyong listing. Puwede mo rin itong ipadala sa kanila mismo sa mensahe gamit ang aming tool na Magbahagi ng mga Rekomendasyon. Narito kung paano mo masusulit ang iyong guidebook para maipamalas mo ang iyong lokalidad at makapag-alok ka sa mga bisita ng karanasan na para silang tunay na lokal.

Isang pagkakataon ang guidebook para mabigyan ang mga bisita ng maingat na piniling impormasyon na nagpapamalas sa iyong hospitalidad at sa mga iniaalok ng iyong lokal na komunidad. Puwede kang gumawa ng iniangkop na guidebook sa Airbnb para madali itong magamit ng mga bisita.

1. Tiyaking maikli lang ito. Tiyaking maikli ang bawat rekomendasyon para madaling mabasa ng mga bisita ang iyong mga suhestyon. Tulungan ang mga bisita na maunawaan kung ano ang lugar o karanasan at kung bakit nila ito dapat subukan.
2. Gawin itong personal. Maganda ang mga rekomendasyong mula sa personal na kaalaman at karanasan. Pinakamainam kung magrerekomenda ka lang ng mga lugar na nagustuhan mo mismo.
3. Isaad ang mga espesyal na feature. Tiyaking isama ang anumang natatangi o kapansin-pansing feature, gaya ng magandang patyo sa labas ng restawran, o espesyal na seksyon ng mga lokal na produkto ng tindahan.
4.Magsama ng litrato. Puwede kang mag-upload ng litratong kinunan mo kapag posible para sa bawat lugar na inirerekomenda mo para maging mas nakakaengganyo ang iyong guidebook.
5. Tiyaking napapanahon ito. Tiyaking susuriin mo paminsan-minsan ang iyong guidebook para masigurong tumpak pa rin ang lahat ng impormasyon at magdagdag ng mga bagong suhestyon.

Alamin kung paano gumawa ng iniangkop na guidebook

Nauugnay ang mga guidebook sa iyong host account at hindi sa indibidwal na listing (na nakakatulong sa mga host na maraming kuwarto o tuluyan na ipinapagamit). “Puwede na ako ngayong gumawa ng isang guidebook para sa lugar na angkop sa tatlong listing ko,” sabi ni Ann, isang Superhost sa Sedgwick, Maine.

Maa-access ng mga bisita ang iyong guidebook mula sa mga page ng listing at profile mo, at kapag pumunta sila sa tab na Mga Biyahe nila, kung saan ito awtomatikong lalabas kapag nakumpirma na ang booking.

Mainam ding ibahagi mo ang iyong guidebook habang kausap mo sa chat ang mga bisita. Madali mo itong magagawa sa pamamagitan ng pag-tap sa icon ng Magbahagi ng mga Rekomendasyon sa iyong host inbox. Gamit ang tool na ito, makakapagrekomenda ka rin ng mga maingat na piniling lokal na Karanasan sa Airbnb.

Alam naming talagang nagsisikap ka para makagawa ng mga di-malilimutang pamamalagi, at hangad naming makatulong sa iyo ang digital na guidebook na makapagmungkahi sa mga bisita ng mga nakakamanghang lokal na aktibidad.