Mas mabilis na tumugon sa tab na Mga Mensahe

Puwedeng dumami ang mga booking, mas gumanda ang mga review, at mas tumaas ang ranking sa mga resulta ng paghahanap kapag mabilis kang tumutugon sa mga bisita. Dahil sa mga pinakabagong upgrade sa pagpapadala ng mensahe, mas madali na ang tumugon nang mabilis.

AI ang sasagot sa mga karaniwang tanong ng bisita. Sa page ng listing mo kukunin ang mga detalye ng sagot. Kasama rito ang impormasyon sa mga amenidad, paglalarawan ng listing, at manwal ng tuluyan mo.

Sa bawat awtomatikong tugon, ang Airbnb ang tutukuyin na nagpadala. Makikita ninyo ito ng bisita mo. Magagawa mong tanggalin ang tugon at magpadala ng ibang tugon anumang oras. 

Halimbawa, kung magtatanong ang bisita tungkol sa paradahan, posibleng ganito ang awtomatikong tugon: “May libreng paradahan sa kalsada at sa lugar. Tingnan ang mga detalyeng ito sa Mga Amenidad.”

Gumagamit ng AI ang tab na Mga Mensahe para magmungkahi ng mga aksyon batay sa mga mensahe ng mga bisita. Kasama sa bawat suhestyon ang interactive na card para makapagsimula ka ng mahahalagang gawain, gaya ng pagbago ng mga reserbasyon at pagpapadala ng mga espesyal na alok, nang hindi umaalis sa pag‑uusap.

Halimbawa, kung magtatanong ang bisita kung puwedeng mag-check in nang maaga nang isang araw, makikita mo sa pag-uusap ninyo ang suhestyon na baguhin ang reserbasyon. I‑tap ang card para baguhin ang mga petsa at padalhan ang bisita ng kahilingang suriin ang bagong itineraryo.

Lalabas sa itaas ng inbox mo ang mga mensahe na kailangang tugunan kaagad. Itinatampok ng mga bagong label ang mga bagay na kailangan ng agarang pansin, gaya ng mga pagtatanong sa booking ng bisita at mga kahilingan para sa tulong habang nagche‑check in.

May hinahanap ka bang partikular na pag‑uusap? Puwede ka pa ring maghanap sa mga mensahe gamit ang mga pangalan, salita, o parirala. Isasaalang‑alang sa mga resulta ang anumang inilapat mong filter para mas mabilis mong matunton ang hinahanap mong pag‑uusap.

Ilulunsad ang mga upgrade sa pagpapadala ng mensahe sa mga darating na buwan.

Posibleng nagbago na ang impormasyong nakasaad sa artikulong ito mula noong na-publish ito.