Pagpili sa papatuluyin para sa unang reserbasyon
Maaaring kakaiba ang pakiramdam ng pagtanggap ng isang estranghero sa iyong tuluyan sa unang pagkakataon. Para mabigyan ka ng kapanatagan ng isip, mayroon kaming mga teknolohiya para makatulong na mabawasan ang mga panganib para sa iyo at sa iyong property.
Bilang bagong host, mapipili mo rin ang uri ng bisita na puwedeng maging unang mamamalagi sa iyong lugar. Sa hakbang na ito, piliin kung gusto mong patuluyin ang:
- sinumang bisita ng Airbnb
- isang bihasang bisita
Tumutukoy ang “sinumang bisita ng Airbnb” sa sinumang miyembro ng ating komunidad, kabilang ang mga bagong dating. Puwedeng humantong ang pagpili sa opsyong ito sa mas mabilis na pagpapareserba sa iyong listing, dahil binubuksan nito ang pinto para sa mas maraming potensyal na bisita habang naghahanap sila ng mga lugar na matutuluyan.
Tumutukoy ang bihasang bisita sa isang taong may magandang track record ng kahit man lang tatlong pamamalagi sa Airbnb nang walang masamang review. Naberipika na ang pagkakakilanlan ng lahat ng bihasang bisita at may nakatalang paraan ng pagbabayad. Dahil sa kanilang track record, puwede silang makatulong na gawing mukhang hindi masyadong nakakatakot ang pagho-host sa unang pagkakataon. Maaari rin silang makapagbigay ng ilang kapaki-pakinabang na feedback tungkol sa kanilang pamamalagi sa iyo.
Mahusay ang parehong pagpipilian. Piliin lang ang pakiramdam mo'y bagay sa iyo.