Nakakatulong ang kaloob ng Airbnb sa pagtatayo ng mga abot‑kayang tirahan sa Canada

Dalawang taon nang nagho‑host si Charlie sa lalawigan ng Prince Edward Island sa Canada, pero mas maaga pang nagsimula ang pagtutuon niya sa komunidad. Lumaki siyang tumutulong sa pagtatayo ng mga bahay kasama ng kanyang ina para sa nonprofit na Habitat for Humanity. Nagkaroon ng malaking epekto sa kanya ang pagboboluntaryo nila nang magkasama at paggamit ng mga sarili niyang kamay sa paggawa.

Ngayon, patuloy ang suporta ni Charlie para sa Habitat for Humanity New Brunswick para matulungan ang mga lokal na pamilya na itayo o ayusin ang mga bahay nila. Kasali sa proseso ng pagbuo ang mga may‑ari ng bahay kasama ng mga boluntaryo. Pagkatapos ng proyekto, hindi lang sila nakabuo ng lugar na magiging tahanan nila, kundi makikinabang din sila sa abot‑kayang mortgage.

“Nahikayat ako noong nasaksihan ko ang napakagandang epekto ng Habitat sa mga pamilya at komunidad. Naging batayan ito ng pagkilala at pagsuporta ko sa mahuhusay na organisasyon gaya nila,” sabi niya.

Ninomina ni Charlie na Lider ng Komunidad ng Host Club sa New Brunswick at Prince Edward Island ang lokal na affiliate ng Habitat for Humanity na mabigyan ng donasyon mula sa Pondo ng Airbnb para sa Komunidad. Bawat taon, may pagkakataon ang mga miyembro ng Host Club na suportahan ang komunidad nila sa pamamagitan ng Pondo para sa Komunidad.

Nakatanggap ang Habitat for Humanity New Brunswick ng USD75,000 na donasyon mula sa Pondo ng Airbnb para sa Komunidad para makatulong sa pagbuo ng 15 bahay para sa mga pamilya sa lugar. 

“Madodoble ang bilang ng mga bahay na naitayo namin sa loob ng humigit‑kumulang dalawang taon,” sabi ni Perry Kendall, CEO ng Habitat for Humanity New Brunswick.

Lampas pa sa mismong pagpapagawa ng bahay ang epekto ng donasyong ito at ng pagsisikap ng Habitat for Humanity. Ibinahagi ni Perry na nagtutuloy‑tuloy ang epekto ng pagkakaroon ng ligtas na tirahan. Kadalasang bumubuti ang edukasyon ng mga bata, at ang kalagayan ng trabaho ng mga magulang, ayon kay Perry. 

Nagbigay ng nominasyon ang mahigit 50 Host Club para sa mga nonprofit sa iba't ibang panig ng mundo upang makatanggap ang mga ito ng mga donasyon mula sa Pondo ng Airbnb para sa Komunidad sa taong 2023. Bukas na ang nominasyon para sa mga donasyon mula sa Pondo para sa Komunidad sa taong 2024. Makipag‑ugnayan sa lokal na Host Club para matuto pa tungkol dito.

Posibleng nagbago ang impormasyong nakasaad sa artikulong ito mula noong na‑publish ito.