Limang paraan para makakuha ng mga pahabol na booking

Kung minsan, hindi inaasahang nababakante kahit ang mga pinakapatok na listing. Pag‑isipan ang limang tip na ito para makakuha ng mga pahabol na booking at malubos ang kikitain mo.

Posibleng mahikayat na mag‑book ang mga bisita kung mag‑aalok ka ng diskuwento para sa pahabol na pagbu‑book. Nalalapat ang diskuwento sa mga reserbasyong kukumpirmahin hanggang 28 araw bago mag‑check in. 

May makikitang diskuwento ang mga bisita sa mga resulta ng paghahanap at sa page ng listing mo kapag nag‑alok ka ng diskuwentong 10% ng median na presyo ng listing mo sa nakalipas na 60 araw o mas malaki pa. Isasaad ang may diskuwentong presyo sa tabi ng orihinal na presyong naka‑strikethrough. 

Para magdagdag ng diskuwento para sa pahabol na pagbu‑book:

• Pumunta sa tab na Presyo sa kalendaryo ng listing mo.
• I‑tap ang Higit pang diskuwento. 
• Mag‑scroll papunta sa Mga diskuwento para sa pahabol na pagbu‑book at i‑tap ang Magdagdag ng diskuwento.
• Ilagay ang bilang ng araw bago ang pagdating mula 1 hanggang 28.
• Ilagay ang porsyentong diskuwento na gusto mong ialok.

Puwede mong iba‑ibahin ang diskuwento batay sa kung kailan na‑book ang reserbasyon. Halimbawa, puwede mong paunti‑unting pataasin ang porsyento habang papalapit ang petsa ng pag‑check in. 

Tandaang hindi magagamit ang ganitong diskuwento kapag naka‑on ang Smart Pricing.

Kapag pinaikli mo ang minimum na tagal ng pamamalagi, makakapag‑book ng mas maiikling pamamalagi ang mga bisita. 

Para baguhin ang minimum na tagal ng pamamalagi:

• Pumunta sa tab na Availability sa kalendaryo ng listing mo.
• I‑tap ang Minimum na bilang ng gabi sa Tagal ng pamamalagi.
• I‑edit ang minimum na tagal ng pamamalagi para itakda ang bilang ng gabi na gusto mo.

Puwede mong iangkop ang setting na ito ayon sa araw ng pag‑check in. Halimbawa, iba ang itinatakdang minimum ng ilang host para sa mga reserbasyong magsisimula nang Biyernes o Sabado kumpara sa mga reserbasyong magsisimula sa ibang araw.

Makakatulong ang paghahambing ng mga katulad na listing para makapagtakda ka ng sulit na presyo sa mga gabing hindi naka‑book. Alamin ang mga average na presyo ng mga katulad na listing sa lugar mo sa parehong mga petsa at pag‑isipang i‑adjust ang itinakda mong presyo kada gabi. 

Para maghambing ng mga katulad na listing:

• Pumunta sa tab na Presyo sa kalendaryo ng listing mo.
• Pumili ng hanay ng petsa na hanggang 31 araw. 
• I‑tap ang I‑preview ang mga katulad na listing.

Sa mapa ng lugar mo, lalabas ang mga average na presyo ng mga katulad na listing sa malapit batay sa mga salik tulad ng lokasyon, sukat, at mga amenidad. Gamitin ang mga button sa mapa para ilahad ang mga listing na naka‑book o hindi naka‑book.

“Palagi kong sinisiguradong sulit ang itinatakda kong presyo, kaya gusto kong malaman kung magkano ang kinikita ng mga host sa malapit kada gabi,” sabi ni Felicity na Superhost sa New South Wales, Australia. 

Baka mahikayat ang mga bisita na i‑book ang tuluyan mo kung babawasan ang presyo ng mga gabing hindi naka‑book. Kadalasang mas mataas ang ranking sa mga resulta ng paghahanap ng mga listing na mas mababa ang presyo kumpara sa ibang katulad na listing sa malapit.

Puwede mong i‑adjust ang presyo kahit kailan para maabot ang target mong kita.

Subukang payagan ang mga bisita na mag‑book nang mas malapit sa petsa ng pag‑check in para mas maraming ma‑book na gabi sa kalendaryo mo kapag mababa ang demand. Puwede mong paikliin ang kinakailangan mong paunang abiso o i‑unblock ang panahon ng paghahanda bago at pagkatapos ng bawat reserbasyon kung hindi mo naman ito palaging kailangan.

“Naranasan ko nang biglaang mangailangan ng matutuluyan habang nasa biyahe kaya hindi ko nililimitahan kung gaano kabiglaan puwedeng magpadala ng kahilingang mag‑book ang bisita,” sabi ni Myranda na Superhost sa Little Rock, Arkansas. “Kahit walang naka‑book kinabukasan, sinisigurado kong malinis at handa nang gamitin ang patuluyan ko.”

Para baguhin ang kinakailangan mong paunang abiso o tagal ng paghahanda:

• Pumunta sa tab na Availability sa kalendaryo ng listing mo.
• Buksan ang Paunang abiso o Tagal ng paghahanda.
• Piliin ang bilang ng araw na gusto mo.

Puwede mo ring payagan ang mga kahilingang mas maikli ang paunang abiso kaysa sa itinakda mong minimum na lead time. Hihilingin sa iyo na suriin at aprubahan ang mga ganitong kahilingan.

Binayaran ang mga host para sa pakikilahok nila sa mga panayam.

Posibleng nagbago na ang impormasyong nakasaad sa artikulong ito mula noong na-publish ito.