Paghikayat sa mga una mong bisita

Ngayong na-publish na ang experience mo sa Airbnb, puwede mo nang tuunan ang paghikayat sa mga bisita. Makakatulong ang pagdaragdag ng availability, pagtatakda ng sulit na presyo, at pagkuha ng mga unang 5-star na review para makabuo ng momentum. 

Hindi lalabas sa Airbnb ang listing mo hangga't hindi ka nagdaragdag ng availability. I‑update kaagad ang kalendaryo mo para makapag‑book ang mga bisita. Magpasya kung gaano kadalas mong iaalok ang aktibidad batay sa tagal nito, availability mo, at mga layunin mo sa negosyo. Kung may co‑host ka, tukuyin kung kailan iho‑host ng bawat isa sa inyo ang experience. 

Para magdagdag ng availability, pumili ng araw kung kailan mo gustong mag‑host at i‑tap ang Mag‑iskedyul ng experience. Pumili ng oras, uri ng booking, presyo, laki ng grupo, at iba pang detalye. Puwede kang mag‑block ng oras bago at pagkatapos ng aktibidad para sa paghahanda o pagliligpit.

Subukan ang mga tip na ito para mamukod‑tangi ang listing mo.

• Magdagdag pa ng availability: Mas maraming booking ang malamang na makukuha mo kapag mas maraming petsa at oras ang gagawin mong available. Kadalasang nag‑aalok ng experience nang 10 beses o higit pa kada buwan ang matatagumpay na host. Kabilang dito ang kahit isang araw man lang ng weekend kada linggo. 
• Magplano nang maaga: Maraming host ang naglalagay ng hanggang 3 buwang availability para mas malamang na makakuha sila ng booking. Kung kada araw ang iskedyul ng iniaalok mong experience, puwede mo itong itakda hanggang 60 araw bago ito ganapin. Kung kada linggo ang iskedyul ng iniaalok mong experience, puwede mo itong itakda hanggang 52 linggo bago ito ganapin.
• I‑sync ang mga kalendaryo mo: I‑sync ang mga kalendaryo mo sa Airbnb at Google Business para masubaybayan ang lahat sa iisang lugar at maiwasan ang mga hindi sinasadyang dobleng booking. Halimbawa, kapag may na‑book na gabi sa isang kalendaryo, awtomatikong maba‑block iyon sa kabilang kalendaryo.
• Maghanap ng mga oportunidad: Kapag nagsimula ka nang mag‑host, tukuyin ang mga panahong mababa at mataas ang demand. Pag‑isipang i‑adjust ang availability at presyo ng patuluyan ayon dito. Kapag mas maraming availability ang iniaalok mo, mas malamang na matutugunan mo ang mga panahong mataas ang demand.

Makakatulong ang pag-aayos ng presyo para makakuha ng mga unang booking at makabuo ng momentum. May apat na pangunahing salik na dapat isaalang-alang.

• Mga gastos sa pagpapatakbo: Siguraduhing masasagot ng presyo ang mga gastos mo.
• Kita: Kung minsan, nakakahikayat ng mas maraming bisita at nakakapagpalaki ng kita mo ang pagtatakda ng mas mababang presyo kada tao. Halimbawa: 
  • Apat na bisita ang nag‑book sa presyong 75 USD kada isa = 300 USD 
  • Walong bisita ang nag‑book sa presyong USD60 kada isa = USD480
• Mga katulad na experience: Maghanap ng mga aktibidad na tulad ng iyo sa Airbnb at iba pang platform para paghambingin ang mga lokal na presyo at maunawaan kung ano ang papatok. 65 USD hanggang 81 USD ang pangkalahatang average na hanay ng presyo para sa experience sa Airbnb.* 
• Kabuuang presyo: Kasama dapat sa presyo ang lahat ng bayarin at tip.

Isa pang paraan para mamukod‑tangi ang listing mo ang pagdaragdag ng diskuwento. May tatlong diskuwentong available sa mga setting ng presyo.

• Limitadong panahon: Makahikayat ng mga una mong bisita at makakuha ng mga unang review sa pamamagitan ng pag‑aalok ng 5% hanggang 50% diskuwento sa loob ng 90 araw. 
• Maagang pagbu‑book: Magbigay ng 20% diskuwento sa mga bisitang magbu‑book nang maaga nang mahigit dalawang linggo. Nakakahikayat ito ng mga biyaherong nagpaplano nang maaga at nakakatulong ito sa iyo na mapunan ang kalendaryo mo.
• Malaking grupo: Puwede kang magtakda ng mga presyong may diskuwento kada tao para makahikayat ng malalaking grupo. Halimbawa, puwede kang mag‑alok ng 10% diskuwento para sa dalawa hanggang tatlong tao, 20% diskuwento para sa apat hanggang limang tao, at 30% para sa mahigit anim na tao. May kasama ang karamihan ng mga bisitang nagbu-book ng experience.*

Kung mahigit 10% ng kabuuang presyo ang diskuwento, makikita ng mga bisita ang presyong may diskuwento katabi ng naka-strikethrough na orihinal na presyo sa mga resulta ng paghahanap at sa listing mo.** Kapag nagdagdag ka ng mahigit isang diskuwento, makukuha ng bisita ang diskuwento kung saan pinakamalaki ang matitipid niya. Hindi siya makakakuha ng maraming diskuwento sa iisang reserbasyon.

Puwede mong ialok ang experience mo sa partikular na bisita o grupo sa iniangkop na presyo. Halimbawa, magandang paraan ang pagbabahagi ng experience mo sa pamilya at mga kaibigan nang libre o sa mas mababang presyo para makuha ang mga unang 5-star na review mo.

Para gumawa ng pribadong time slot, pumili ng petsa at oras sa kalendaryo mo, i‑tap ang i‑edit , at gawing pribado ang visibility. Kopyahin ang iniangkop na link at ibahagi ito sa partikular na bisita o grupo. Mga bisita lang na kabilang sa reserbasyon ang makakapagbigay ng review.

*Batay sa mga reserbasyon sa Experience sa Airbnb mula Mayo 13, 2025 hanggang Hulyo 20, 2025, sa 30 lungsod sa iba't ibang panig ng mundo

**Hindi dapat bababa sa 3 USD na diskuwento sa kabuuang presyo o sa lokal na katumbas nito 

Ikaw lagi ang bahala sa presyo at iba pang setting mo. Posibleng maiba ang resulta para sa iyo.

Posibleng nagbago na ang impormasyong nakasaad sa artikulong ito mula noong na‑publish ito.