Para makapili ng angkop na lokasyon

Gusto ng mga bisita ng mga lugar na nakakatulong sa kanilang magkaroon ng koneksyon sa lokal na kultura. Ipakita kung paanong may natatanging kabuluhan ang lokasyon at kung bakit mo iyon pinili.

Kailangang komportable, malinis, at ligtas man lang dapat ang lokasyon. Bagay rin dapat iyon sa aktibidad.

• Ibahagi ang kuwento sa likod noon. Ilapag ang mayamang kasaysayan at pamana ng lokasyon para mabigyang‑diin kung bakit iyon makabuluhan. Nagho‑host si Debora ng mga klase sa pagluluto sa bahay niya sa Rome, at nagbabahagi siya ng mga recipe, awitin, at iba pang tradisyong ipinamana sa kanya ng lola niya. “May kuwento ang lahat ng ginagawa natin,” sabi niya.
• Natatangi dapat iyon sa lokalidad. Maghanap ng mga lugar na doon lang matatagpuan ng mga bisita. Nagho‑host si Ruby ng food trip sa Lisbon, at sa mga lokal na pampamilyang negosyo niya lang daw dinadala ang mga bisita, tulad ng maliit na pastry shop. “Namamangha sila,” sabi niya.

Pumili ng di‑malilimutang lokasyon na sumasalamin sa lokal na kultura.

• Magbigay ng access ng insider. Bumisita sa mga lugar na hindi mapupuntahan ng mga bisita nang sila lang. Nagho‑host si Teresa ng klase sa pagtikim ng wine sa Lisbon, at sinusubukan niyang lagyan ng “twist” ang iniaalok niya, tulad ng paghahanap ng mga lugar na sarado sa publiko o pamamasyal sa labas ng mga regular na oras. “Maipaparamdam nito na parang may nadidiskubre sila,” sabi niya.
• Tumuon sa karakter ng lokasyon. Malaki ang epekto ng mga tanawin, tugtugin, at pagkain kung paano tumatatak sa memorya ang lugar. “Kailangang sa vibes pa lang, parang lubog na lubog ka na sa lugar,” sabi ni Graciela na nagho‑host ng klase sa pagluluto sa Mexico City. “Nalalaman ng mga bisita kung maganda ang mararanasan nila kahit ilang minuto pa lang pagkarating nila.”

Kapag nag‑host ka sa lokasyong awtentiko at angkop sa aktibidad mo, puwedeng mas maganda ang matanggap mong rating at review.

Dapat matugunan ng lahat ng host, litrato, at detalye ng listing ang mga pamantayan at rekisito para sa mga Experience sa Airbnb.

Posibleng nagbago na ang impormasyong nakasaad sa artikulong ito mula noong na‑publish ito.