Makatanggap ng una mong 5‑star na review

Sa pamamagitan ng mga rating at review, makakapagdesisyon ang mga bisita kung angkop ba sa kanila ang experience mo. Puwedeng dumami ang mga booking at lumaki pa ang kita kapag may mga positibong review.

Gamitin ang mga tool para sa pagtatakda ng presyo sa tab na Mga Listing mo at ang mga setting ng availability sa kalendaryo mo para makapagsimula.

• Magdagdag ng mga diskuwento. Makakatulong ang pag‑aalok ng mga diskuwento para sa limitadong panahon, maagang pagbu‑book, at malaking grupo para makahikayat ng mga nagbu‑book at mapanatiling sulit ang presyo.
• Magtakda ng availability mo. Piliin kung gaano kaaga puwedeng i‑book ng mga bisita ang experience mo. Bilang default, hindi available ang kalendaryo mo.
• Bawasan ang oras ng cutoff. Puwedeng makahikayat ng mas marami pang nagbu‑book kapag pinahintulutan mo ang mga bisita na mag‑book nang mas malapit sa pagsisimula ng experience mo.
• Isapriyoridad kung kailan mas matao. Alamin ang mga patok na araw at oras para sa mga experience sa lugar ninyo, tulad ng weekend o holiday. Puwede kang mag‑iskedyul ng mga time slot na pang‑isang beses, pang‑araw‑araw, o panlinggo‑linggo.

Matutulungan ka ng feedback ng bisita na maghatid ng pinakamataas na kalidad ng experience at bumuo ng reputasyon bilang host. Hinihiling sa mga bisita na magbigay ng:

• Kabuuang rating. Bibigyan ng rating na 1 hanggang 5 star ng mga bisita ang bawat experience. Lalabas ang average na kabuuang rating mo sa listing mo, sa mga resulta ng paghahanap, at sa profile mo.
• Mga detalyadong rating. Magbibigay ang mga bisita ng mas partikular na feedback sa pamamagitan ng pagbibigay ng rating sa pagiging natatangi, kadalubhasaan, pakikisalamuha, lokasyon, pagkamaaasahan, at pagiging sulit.
• Pampublikong review. Lalabas ito sa profile mo at sa seksyon ng mga review ng listing mo. Kung tutugon ka sa isang pampublikong review, lalabas ang tugon mo sa ibaba niyon.
• Note para sa host. Kayo lang ng Airbnb ang makakakita sa note. Katulad ng mga review, makakatulong sa Airbnb ang mga note na mapahusay ang mga resulta ng paghahanap at matukoy ang mga patuluyang gusto ng mga bisita.

Kapag may 10 review na sa iyo, makakakuha ka na ng mga insight sa feedback ng mga bisita. Gamitin ang menu para ma‑access ang seksyong mga insight ng Airbnb app.

Ibinabahagi ng mga nangungunang host kung paano mahihigitan ang mga inaasahan ng mga bisita sa lahat ng detalyadong rating.

Bukod pa sa mga tip na ito sa hospitalidad, tandaan ang Mga Pangunahing Alituntunin para sa mga Host at Mga Patakaran sa Kaligtasan sa Pagho‑host ng Airbnb. Nakasaad sa mga ito ang mga pangunahing inaasahan para sa pagbibigay ng mga ligtas at magandang experience.

Kailangang matugunan ng lahat ng host, litrato, at detalye ng listing ang mga pamantayan at rekisito para sa Mga Experience sa Airbnb.

Posibleng nagbago na ang impormasyong nakasaad sa artikulong ito mula noong na‑publish ito.