Mga ilegal at ipinagbabawal na aktibidad

Hindi pinapahintulutan ng Airbnb ang mga labag sa batas na aktibidad at iba pang asal na maaaring makapinsala sa ating komunidad.

Ang pinapahintulutan namin

• Pagkakaroon at personal na paggamit ng marijuana: Sa mga lokasyon na legal na pinapahintulutan ito at hindi lumalabag sa anumang alituntunin sa tuluyan, maaaring gumamit ng marijuana ang mga may sapat na gulang.
• Pagtatanim ng marijuana: Kung saan legal na pinapahintulutan at sa loob ng mga lokal na limitasyon, maaaring gawin ng host sa kanyang tuluyan ang pagpapatubo at pagpoproseso ng marijuana o hemp, kung inihayag ito.

Ang hindi namin pinapahintulutan

• Seksuwal na pananamantala sa bata: Ipinagbabawal ang pamimilit, pangmamanipula, o panghihikayat sa isang tao na wala pang 18 taong gulang, anuman ang lokal na batas, na makibahagi sa seksuwal na aktibidad nang personal man o online. Matuto pa.
• Human trafficking: Hindi pinapahintulutan ang pagre-recruit, pagtatago, pagpapadala, paglilipat, o pagtanggap ng isang indibidwal sa pamamagitan ng dahas, panloloko, o pamimilit para sa pananamantala sa trabaho o seksuwal na pananamantala. Matuto pa.
• Pinupuntahan o incall na komersyal na sex work: Hindi dapat gamitin ang tuluyan, Karanasan, o kalapit na property nito para sa mga may bayad na seksuwal na serbisyo, tulad ng mga erotikong pagmamasahe o prostitusyon.
• Pambubugaw o pagtangkilik sa sex work: Hindi dapat humiling ang mga bisita at hindi dapat mag-promote o mag-alok ang mga host ng mga may bayad na seksuwal na serbisyo.
• Komersyal na pornograpiya: Hindi dapat gamitin ang tuluyan, Karanasan, o kalapit na property nito sa paggawa ng mga komersyal na pornograpiya, litrato, o video.
• Ipinagbabawal na droga: Hindi dapat magkaroon o gumamit sa tuluyan, Karanasan, o kalapit na property nito ng ilegal o pinaghihigpitang gamot tulad ng opium, opiate, opioid, coca at cocaine, amphetamine-type na stimulant, central nervous system depressant, at hallucinogen, maliban na lang kung inireseta ng doktor para sa isang medikal na kondisyon.
• Paggawa o pagmamanupaktura ng droga: Hindi dapat gamitin ang tuluyan, Karanasan, o kalapit na property nito para gumawa o magmanupaktura ng mga ilegal na droga gamit ang mga likas na sangkap at/o halaman.
• Pagtatanim ng droga: Hindi dapat gamitin ang tuluyan, Karanasan, o kalapit na property nito sa pagpaparami o pagpapalago ng mga halaman na ginagamit sa paglilinang ng mga ilegal na droga, maliban sa marijuana.
• Pamamahagi ng droga: Hindi dapat gamitin ang tuluyan, Karanasan, o kalapit na property nito sa pagbebenta, pagreregalo, pakikipagkalakal, o pamamahagi ng mga droga kasama na ang marijuana, kahit na legal itong gawin sa iyong lugar.

Handa kaming tumulong

Kung nararamdaman mo o ng iba pang tao na may banta o panganib sa inyong kaligtasan, o kung may pinaghihinalaan kayong seksuwal na pananamantala sa bata o human trafficking, makipag-ugnayan muna sa mga lokal na awtoridad na nagpapatupad ng batas para humingi ng tulong. Bukod pa rito, kung may masaksihan o maranasan kang pag-uugali na labag sa aming mga patakaran, ipaalam ito sa amin.