Pagprotekta sa iyong privacy

Sa Airbnb, gusto naming gumawa ng mundong puwedeng maging at home ang sinuman kahit saan, at ang unang hakbang dito ay ang pagbuo ng komunidad na bukas, ingklusibo, at nakabatay sa tiwala. Pangunahing bahagi ng pagkakaroon ng tiwalang ito ang pagprotekta sa iyong privacy.

Mga digital na espasyo

Mga alituntunin sa privacy: Ipinaliwanag sa aming mga alituntunin sa privacy ang aming pangako sa privacy ng data. Ginagabayan ng mga prinsipyong ito ang pagpapasya namin habang nagsisikap kaming panatilihin ang tiwala mo. Ginagamit namin ang data para mapaganda ang mga karanasan mo, at hindi namin ibinebenta sa kahit na sino ang personal na data mo. Puwede kang matuto pa tungkol sa aming patakaran sa privacy at kung paano gamitin ang iyong mga karapatan bilang subject ng data.

Pagbabahagi ng content nang walang pahintulot: Hindi dapat i-post sa publiko ang pribadong impormasyon, mga litrato, o mga video ng mga miyembro ng komunidad maliban na lang kung binigyan ng pahintulot ng taong pinag-uusapan sa post.

Mga pisikal na tuluyan

Nagpatupad kami ng mga mahigpit na patakaran at kasanayan na nag-aatas sa mga miyembro ng aming komunidad na igalang ang iyong privacy sa mga pisikal na lugar.

• Mga security camera at recording device: Hindi dapat maglagay ang mga host ng mga security camera o recording device na sumusubaybay sa mga panloob na parte ng mga tuluyan, kahit na naka‑off ang mga device na ito. Matuto pa tungkol sa aming diskarte sa mga security camera at recording device.
• Mga pisikal na panghihimasok: Hindi dapat pumasok ang mga host at bisita sa mga pribadong lugar maliban na lang kung mayroon silang pahintulot o may emergency. Para sa mga pamamalagi sa buong tuluyan, dapat malinaw na tukuyin ng mga host sa mga detalye ng listing ang anumang pribado at hindi puwedeng pasukang bahagi, at inaasahang igagalang ng mga bisita ang mga pribadong bahaging iyon. May makatuwirang inaasahan ang mga bisita kaugnay ng privacy sa tuluyang inuupahan nila. Kailangang humingi ng pahintulot ang mga host sa bisita bago sila pumasok sa listing o property sa panahon ng reserbasyon, maliban na lang kung may emergency. Para sa mga shared na tuluyan, hindi dapat pumasok ang mga host at bisita sa shared na banyo kapag may ibang tao sa loob, at dapat silang humingi ng pahintulot bago pumasok sa mga hindi shared na parte ng tuluyan tulad ng mga kuwarto at pribadong banyo.
• Paggamit ng personal na pag‑aari ng iba: Hindi dapat gamitin ng mga host at bisita ang personal na pag‑aari ng iba maliban na lang kung binigyan sila ng pahintulot na gawin ito, at maaari lamang nilang gamitin ang pag‑aari ayon sa pinapahintulutan kung bibigyan sila ng pahintulot.

Pagpapatupad sa mga patakarang ito

Kung matukoy naming may sinumang miyembro ng komunidad na lumabag sa aming mga patakaran, gagawa kami ng naaangkop na aksyon, kabilang ang pagbibigay ng mga babala, pagsuspinde o pag-aalis ng mga listing, o pagsuspinde o pag-aalis ng account sa platform ng Airbnb—depende sa kalubhaan ng ginawa.

Handa kaming tumulong

Handa kaming suportahan ang Komunidad ng Airbnb. Kung may masaksihan o maranasan kang gawi na labag sa aming mga patakaran, ipaalam sa amin.