Ano ang inaasahan sa mga host at sa kanilang mga patuluyan

Kailangang matugunan ng bawat host ang mga pangunahing pamantayan na ito para magkaroon ang kanilang mga bisita ng komportable at magandang karanasan.

Ang hindi namin pinapahintulutan

• Pagho-host nang walang pahintulot at/o naaangkop na lisensya: Sa Airbnb, kinakailangang awtorisadong mag-host ang lahat ng host at sumusunod sila sa lahat ng nalalapat na batas.
• Hindi maaasahang pakikipag-ugnayan: Kailangang mabilis tumugon ang mga host at handa silang sagutin ang mga tanong ng mga bisita o ng Airbnb sa loob ng makatuwirang tagal ng panahon. Dapat din nilang sundin ang anumang kinakailangang hakbang na ipapagawa ng Airbnb para maayos ang mga isyu.
• Hindi tumpak na listing: Naaayon dapat sa nakasulat sa paglalarawan ng listing sa panahon ng pagbu-book ang property, lokasyon, uri ng listing, antas ng privacy, at mga amenidad na iniaalok ng host. Maaari lang isaayos ng mga host ang mga detalye para sa tinanggap nang booking pagkatapos magbigay ng pahintulot ng bisita.
• Tuluyan na walang seguridad: Kailangang tiyakin ng mga host na ligtas na maisasara ang pangunahing pasukan ng bawat tuluyan. Dapat ding magbigay ng mga susi o code sa pagpasok para sa lahat ng pangunahing pasukan.
• Hindi maaasahang pag-check in: Kailangang bigyan ng mga host ang mga bisita ng tamang impormasyon para makarating at makapasok sila sa tuluyan sa pag-check in (hal., wastong code sa pagpasok, malilinaw na direksyon). Dapat sumipot sa napagkasunduang oras ang mga host na nagpaplanong sumalubong sa mga bisita sa pag-check in. Kailangang siguraduhing ligtas ang paggamit ng mga lockbox o code sa pagpasok (hal., palitan ang mga code pagkatapos ng bawat reserbasyon).
• Maruming tuluyan: Kailangang walang nalalamang banta sa kalusugan (hal., amag, peste, daga) sa property ng host, nakakatugon iyon sa mataas na pamantayan sa kalinisan, at nililinis iyon pagkatapos ng bawat pamamalagi.
• Hindi ligtas na tuluyan: Kailangang tiyakin ng mga host na walang hindi inihayag na banta sa kaligtasan sa mga tuluyan o Karanasan (hal., fire exit na may harang, posibilidad na makuryente, lason sa daga). Dapat tugunan ng mga host ang anumang banta sa kaligtasan kung ipapaalam iyon sa kanya ng bisita o ng Airbnb.
• Pananamantala sa pagkakaiba ng mga presyo: Hindi pinapahintulutan ang paggamit ng third party para mag-book ng hotel o tuluyan ng third party at pagli-list noon sa Airbnb sa mas mataas na presyo. Dapat sumunod ang mga host sa mga partikular na alituntunin para sa mga timeshare o katulad na uri ng tuluyan kapag pinag-iisipan nilang mag-list ng ganoon sa Airbnb.
• Pananamantala sa hayop: Hindi tinatanggap sa komunidad ang mga tuluyan o Karanasan na nananamantala sa mga hayop (hal., di-lisensyadong zoo, pangangaso ng hayop para gawing palamuti). Kailangang matugunan ng mga host ang mga alituntunin ng Airbnb para sa kapakanan ng mga hayop.

Matuto pa tungkol sa mga pangunahing alituntunin para sa mga host.

Handa kaming tumulong

Kung may masaksihan o maranasan kang asal o gawi na labag sa aming mga patakaran, ipaalam iyon sa amin.